KISAH 9:36 - ALLAH NIHYET MEM TUNGWATU NYA

³⁶ Sindig Tabita no rima ei minu ndig Yope ba, noni cem ningon jo kep Tuhan. (Iba nihyet Yunani bijem ninyeng hi Dorkas ba, ninyeng ndo tut rusa.) Dorkas de midyai nya hagom kei bibor ba, noni ngondut yo di yuhui mbum nya cem bidem njap ngwa hagom.

KISAH 9:36 ပူးပေါင်းရင်းမြစ်များ

NIBOHON MBEN ISRAEL GI NICAN 2:16

Nyeni miniwim buom leu nungug him ei Libanon bidem nimangti di Na Di Andigpoi asuar mem ig dima. Leu api miningot kin yam nok arreren ei muk ngwa dip leu binhyepo ade limwa nya ibri bigwam dip bitig minyei tut kikau ug ei minu ndig Yope. Leu api ipian leu Yope kikau ug ei minu ndig Yerusalem.”

EZRA 3:7

Mben Israel iba ide mitiei bigo tukan tig kin tukan biei imuhup ba, imbus njita kin ba anggur ningei kin mini zaitun keyam bipinak hagom bak mben Tirus kin Sidon biluei buom Libanon nuut di tukan nya iwim birim ug ei muk pimat leu binhyepo itig minyei tut ug ei minu ndig Yafo. Kores di nibou ndig Persia sindui sut gima igyai kep ide midyai dini hagom.

NIPINGOK NINGONTI 5:19

Noni ne sop gwam nitta pilei di ubbu ngat di dem kep rusa di ba nippai biyai mun rin. Asindui sut ba, ningut di ubbu dima bindei ba, ampig bou kep noni hak ba, ningon pri kep nati hwen-hwen nyen angona.

DIUN MIMUN 2:9

Noni dem kep andai nikre kin rusa nikre nitu. Jingat i! No ya ngug tig ninghim ma kwei biba niyai binggok-nggok nyen ser lene su niyai ei kendera mihyeti bitou kep kwei.

DIUN MIMUN 3:5

Je di sop gwam nitta pilei minu ndig Yerusalem e, ma jipreu ei tug hon rusa nitu kin andai di igya iggum ndigsi nya inyeng bipia mijiwaisi nye bi bibou niyem njita tut yam bingwig ug e.”

DIUN MIMUN 8:14

“Dingon kieti e, ma ador kwei ba, aum da lewo dinoyam kin andai kin rusa nikre nitu di idor ug ei biei ngat di nyop kei ninghousi ei nungug him Beter.”

YUNUS 1:3

Noro Yunus kiju binang leu tuhan nicuk noti buug ei minu ndig Yopa. Noni ug krau hammi tirigi kibar minyei gom tin ei mem gima mbut bitot minyei ug ei minu Spanyol. Gima rino noni bipbur ba, go gau nonti bak kiten kibar leu api bri bit timiei kibar nsi nya dima biyuug ei minu Spanyol leu binhyepo bong ting bibor leu tuhan niyai him.

MATIUS 25:17

Nok gima cem tut awak di yai mitiei mas sribu can ba mitiei dima bipek mun bitri lene biyai mitiei mas sribu can bikum eisi bu.

YOHANES 15:5

Dani ne ba anggur ninjem ba, jeni ne ninda ri. No di com nigau ninghig-niker ei Daniti lene Dani dicom digau ninghig-niker ei noniti ba, noni mingat ningat mang di ntun noni him ri. Gino jisriot jenti leu Dani lene bit bon jingat ningat kan bi.

YOHANES 15:8

Gino ningat mang ntun jeni him lene tungwatu nya ikon Dicig ninyeng. Tug hon nisinati dima lene jinok yo di igya kui Da di nijit nya ri.

KISAH 10:23

Gima rino Petrus cigit yok kui ig leu api ibit bong mem mmun gom. Njapti kui bu lene Petrus kiju bibit yok ba, yo di ingon jo kep nya ibou poi leu minu ndig Yope cem ibit.

KISAH 10:31

Noni pai bida ‘Kornelius e, Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 10:8

bipui sut mun di bitimon noni biyok leu api pinak yok biyuug ei minu ndig Yope.

KISAH 11:13

Leu api noni pui kep binye tut malaikati di noni ngat lo, ya ei nide ig bei bipai binoni ‘Ma apinak tungwahi ug ei minu ndig Yope leu binhyepo buwak Simon Petrus kwei.

KISAH 11:5

“Tirigi dingat rin ei minu ndig Yope bidingat nadi lene dingat-hi-ngat. Dingat lo, mai nghas di nyan bibor gom son nyahan kwei leu mpia-bbed him tut mun di bikri kep ninghas yenti bitai bikwei jo hon da.

KISAH 9:38

Minu ndig Lida kin Yope ne minu di jo dideu yam ri. Gima rino tirigi timiei minu ndig Yope di ingon jo kep nya imiap Petrus ninghapti bipia ningat rin ei minu ndig Lida lene isok ighyet ei ibou can dip bak noni bipai binoni “Ma abrim amig kwei!”

KISAH 9:42

Ninghapti tibim tut mindur dima kikau bikieng kep minu ndig Yope nisurti-nipekti leu api tungwatu imang bibor ingon jo kep bipia Yesus ne Nibou Ndig di teu yok leu sisar biyai niyaijo nijep biyok ri.

EFESUS 2:10

Allah bon nyeni bou ninda him leu binhyepo igyai kep midyai di kei bibor nya tug hon ide ninok gom kin Kristus Yesusti. Ba, Noni tin ei midyai di kei bibor dima nipou su leu binhyepo igyai kep midyai dima.

FILIPI 1:11

Apino hon kep njap dima ne jiyaijoti singat kei tug hon jide niyai munti di kei bibor kei nya di ntun Yesus Kristus Nongkom him ba, ibikon Allah ninyeng bibinggei sut Noni.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

TESALONIKA GI NIGOM 4:10

Ningat ne jingon ngakei jisut bat yo di ingon jo kep nya bidem hanjop Makedonia nisurti-nipekti tu. Gima rino nitigtai je leu binhyepo jikum ei jide niyaijoti di kei biborti dor njiriek bu.

TIMOTIUS GI NIGOM 5:10

ba, tungwatu nya yahagom ikan tut bipia noni ne sop di niyai munti nya kei bibor tug hon gi miep nimunggwom bat nya ingon nok mungkun kei cem cigit tungwatu nya kui ig cem ba nibou coi mem yo di ingon jo kep nya cem ngondut yo di yuhui mbum nya cem. Nirop ninda ndigsi tut rino noni ndo nijoi biborti tug hon niyai midyai di kei biborti nya.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

TITUS 2:7

Ma aba ayai munti nya hagom bindo bindo di kei bibor. Suar aba ningon di gom kin ningon di nddong bingginau tungwatu nya.

TITUS 3:8

Nihyet dima ne nihyet di nijit ri. Dijoi sut ma asum ahyet ei mun di dipas kep dima hagomti bak yo di ingon jo kep Allah nya leu binhyepo ibrim ingkek mem igyai munti di kei bibor nya. Ba, igyai munti dima bon ninyeng mem gima ibimpu tungwatu nya yahagom.

IBRANI 13:21

Handei kon ba, Noni njei mun nyeng di kei hagom di jisuar mem gima jibibit Nonti ningon kanti bak jeni. Handei kon ba, Noni yai Nide midyai di joi sut ei ingonti tug hon Yesus Kristus di ya hacan mem nye. Ma inggei sut Kristus kikau buug hon nohonti bi! Igbit ri.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.