KISAH 9:31 - ALLAH NIHYET MEM TUNGWATU NYA

³¹ Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

KISAH 9:31 ပူးပေါင်းရင်းမြစ်များ

NIBOHON MBEN ISRAEL GI NIGOM 22:18

bipai biyok “Jide tuhan Allah mpu jahagom bibindei ba, jibong kei jigwam kei tu. tuhan sindem tut da ba, dikon pran bit mben di ibong ser minu dini nimbie him ngat ba, dibindei timek yok tu. Ba, nogindini iba ibou coi mem jeni cem mem tuhan cem tu.

NIBOHON MBEN ISRAEL GI NIGOM 22:9

Mbro nok gima lo, Noni preu ei mem da bipai ‘Ma abon apmot gom di ba ningon sren bibie tut nide limwa nya. Midimpu noni apino nide siceu nya hi di mikon pran bit noni bi. Mijem ninyeng Salomo lewo ei nijam di ninyeng tak kep ne midibindei ba, mpia mbum-bra ba, mben Israel yahagom ibong kei igwam kei cem.

NEHEMIA 5:15

Nibou hanjop di igyai midyai nipou tirigi diyai midyai bram yo bigyo dima yahagom ikes mun di buhun ei limwa nya inghat dip bibrim mitiei perak ningot bitai bikwop njap-njap mem njita kin ba anggur ngei leu yok. Lene yo di igya kui nibou pima yok cem ico kep limwa nya. Noro dittin tut Allah bidikuk da bak. Gima rino diyai bram igyaisi dima bi.

NEHEMIA 5:9

Dipai biyok “Jiyai munti dima kei bi! Suar jiba jiyai munti nya bindo bipia jittin tut Allah. Tug hon nisinati dima lene ibiyai nituti bak ide nitok joti nya kin yo di ikuk yok bak ide kwar nya yahagom ipai nye kinei.

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 86:11

tuhan e, angginau da tut angon kanti nya leu binhyepo diba dingon di gom bibit Na kikau. Abindei ba, diba dingon titut bikuk da biNa.

MAZMUR 94:13

Abindei ba, ingon jo nyahan mpe di yuum mun di buhun kikau bibou atig jui mem yo di isibut nya ug e.

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

NIPINGOK NINGONTI 23:17

Ma angon kinei sut yo di ibon sisar nya au. Noro ata abou ei nikuk na bak Allahti,

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 33:6

Noni bindei ba, Nide limwa nya igya nddong kei. Ide ningon kiti kin nintin kimboti kin nikuk yok biNoniti miteu yok bingwes ngun.

ZAKHARIA 8:20

tuhan Di Sindem Bibor pai “Nijam midem leu api timiei minu ndig mang bibor minduk yam kwei ei minu ndig Yerusalem.

KISAH 12:24

Leu api Allah nihyet kieng kep minu dima nisurti-nipekti lene Allah nihyet bindei ba, tungwatu imang bibor ingon jo kep.

KISAH 16:5

Gima rino yo di inggre kin mbusyamei igyai nisindemti apino ide ningon gomti bikum eisi bu. Ba, yo di sindi ingon jo kep Yesus imang bibor ibikum mbusyamei imangti bu bikwop njap-njap.

KISAH 2:47

Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.

KISAH 20:32

Nogindini dikes je ei Allah nindati leu binhyepo Noni kin nihyet tut Allah nisingat tut jeti nyohou je. Allah sindem mem gima sindem tut je leu binhyepo jiba je kep mun di kei di Noni bet ei mem Nide limwa nya yahagom.

KISAH 5:11

Apino yo di inggre kin mbusyamei yahagom kin tungwatu nindigsi di imiap ninghapti tut cem inghuisi mpig sut.

KISAH 6:7

Tug hon nisinati dima lene Allah Nihyet kieng kep minu dima hagom. Yo di ibit Yesus imang ndig hi kin yok bu ei minu ndig Yerusalem ba, imam nya cem imang bibor iba ingon com Yesus.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 14:19

Gima rino ma inai hammi igyai munti nya di biyai tungwatu nya ingon kwes kin yam bibiwin kep yam ngonti cem.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 5:5

ide niyok ningon mem dima biyai ingon pus tut mun nyeng hi bi lewo Allah pwoi Nide ningon ngakei nyeti ei ingonti tug hon Nide Ninnei di yai binye tu.

KORINTUS GI NIGOM 14:12

Gino jingon llei ndam nisindemti nya di Allah Ninnei kwas tut je lene suar jingon llei ndam nisindemti nya di biyai nisindem bak yo di mbusyamei nya.

KORINTUS GI NIGOM 14:26

Disut bat jen, gini ne ditde nipingok jeti nya ri. Tirigi jidem yam ei mem jikuk je bak Tuhan ba, hi kon doia lene hi ngginau tungwatu nya lene hi tri tut nihyet gom di Allah mbot kep tut binoni lene hi ba nihyet mindur bimbrap lene hi luei nihyet mindur dima hanyen brei bak tungwatu nya lene nok. Noro ma jiba nisindemti dini yok hagom bingginau yo di mbusyamei nya leu binhyepo ingwes gwam yamti tut.

KORINTUS GI NICAN 10:8

Mbro nok gino suar dingon jei sut nisindemti di Tuhan yai bida lo, dimmai sut bi. Lewo Noni yai nisindemti dima bida mem dibinjei je ningwig bi noro mem dibiwin kep jingonti.

KORINTUS GI NICAN 12:19

Mpaba jikan bipia hon kep nijam dini kwei ne nimbrap gau nyenti ei joho bei e? E bi! Allah ngat bou niyai him bipia nipai nihyet di nijit-jau bit leu Kristus ningon kanti mem nye. Lewo niba niyai munti nya hagom bibiwin kep jingonti!

KORINTUS GI NICAN 13:10

Tut gima rino dipas kep srat dini bije nipou tirigi dihwou ei jikieti bigyo leu binhyepo mpe di dihwou ngat je lene diba nisindemti di Tuhan yai bida bibui je bi. Lewo Tuhan yai nisindemti dima bida mem gima dibiwin kep jingonti noro mem gima dibinjei je ningwig bi.

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

EFESUS 4:12

Noni ta yo dini yahagom ba, bitin ei Nide limwa nya mem gima igyai igbit Nide midyai nya di ibindei Kristus ningut mahan.

EFESUS 4:16

Kristus nipingokti bindei ba, nimbumbati di ter leu yam hagom bicim tindei yam ba, nituti nya gom-gom bikrau yam nok gom. Gima rino gino bikwop nimbumbati yai igbit niyai kepti lene ningut titut mahan bikum ei nisindemti tug hon ningon ngakei yamti.

EFESUS 4:29

Gino jimbrap bit yam lene ma jiba jihyet di kinei bimbrap bit yam au. Noro ma jiba jingon di nggriu sut yam bimbrap bit yam leu binhyepo jibiwin kep yam ngonti bijibimpu yam. Tug hon nisinati dima ne jihyet misindem tut yo di imiap kep nya.

EFESUS 5:21

Ma jiba jibou coi mem yam bicim tindei gi jibikon Kristus ninyeng a.

NINDAT KEP TUHAN NICUKTI NYA 12:10

Tirigi jisigon Minyei Yordan lene tuhan di nok jide Allah misindui sut gima jikieng kep minu dima ba, jibong eisi. Noni minyohou je ser nhyema jide siceu nya yahagom mihwen je bu bi apino mijibong kei mijigwam kei eisi.

FILIPI 2:1

Jide niyaijo nok gom kin Kristusti biyai nisindem bije ba, Kristus ningon ngakei jeti gwam ser jingona. Allah Ninnei bie tut je cem jisingat tut yam cem jingondut yam cem.

KOLOSE 1:10

Tug hon nisinati dima lene jide niyaijoti mibicim tindei Allah ningon kanti mem je ba, jipwoi Nonti ningon kikau. Lene ningat di kei nyeng hagom mintun jide niyaijoti him ba, jibikum ei jide ningon dorti tut Allahti.

TESALONIKA GI NIGOM 5:11

Gima rino ma jiwin kep yam ngonti ba, jahati tut yam kikau bit leu nok gi jiyai kep bipek ammani tu.

TIMOTIUS GI NIGOM 1:4

Ma yo dima isimbot kep biyam kikau sut mumpui hyet kin nitig pung bijo ninnoti au. Mun dima yok hagom ribindei dino iliriem yam. Nok gima cem mun dima yok ribindei mbut Allah ningon kanti bi. Allah ningon kanti dima ne tungwatu nya ikan tut tug hon ide niba ningon com Noniti.

IBRANI 4:9

Noro Allah bon nituti mem Nide limwa nya leu binhyepo icoi ug ei mpia dima bibong kep inghuisi. Gima noyam kin mpe di Noni kes ninda tut Nide midyai nya ei njap gi nimuhwindacan.

YOSUA 21:44

tuhan nyohou mben Israel bibindei ba, ibong kei igwam kei ei minu dima nisurti-nipekti bit leu nok Noni preu ei mem idigup bat-idigai bat nya tu. Ide siceu nya hi di brim ningkek mem gima hwen yok bi. Lewo tuhan yai nisindemti bak mben Israel leu binhyepo ibindei timek siceu nya yahagom.

YUDAS 1:20

Noro disut bat jen, ma jiba jide niba ningon com Yesus Kristusti di kwes-kwau bingot jide niyaijoti noyam kin jingot igya. Lene jibingat nadi kin nisindemti di kwei leu Ninnei Gi Kwes.

NIJAM NIKEI NYA 3:30

Njap dima lene Moab cut bak mben Israel apino mben Israel ibong kei igwam kei kikau mem nijam ari bingwam ningot muhwindaningai.