KISAH 9:22 - ALLAH NIHYET MEM TUNGWATU NYA

²² Noro Saulus kum ei nimbrap nihyet sindemti bu ba, ndo bindo di sindem nya tut Yesus bipia Noni ne Nibou Ndig di teu tungwatu biyai niyaijo nijep biyok ri. Apino bit bon mben Yahudi ei minu ndig Damsyik itte tut nihyet dima kan bi.

KISAH 9:22 ပူးပေါင်းရင်းမြစ်များ

NITRITI 49:24

nide hampiap no nddong kei ba, ninda pang sindem bibor cem tug hon Gembala Di Sindem Bibor kin Yakub de Allah kin mben Israel ide Tring Behei ide nisindemti.

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

MAZMUR 51:13

Ma acom da bihigom leu Aho bei ba, akus Ade ninnei gi kwes leu dingonti au.

MAZMUR 84:7

Tirigi yoni imbut ug ei Mbang Biei Balsem lene mpia dima luei nitta binok minyei bousi mien mang bibor tug hon mpia di but bibie tut mun di kei.

YESAYA 40:29

Noni yai nisindemti bak yo di inghuisi wei lene bindei ba, yo di isindem bi nya ibrim ingkek hanyen bu.

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

KISAH 17:3

Noni mbot kep tut Allah nihyet brei biyok tug hon nibokti di bindo bipia suar Nibou Ndig di teu tungwatu biyai niyaijo nijep biyok di Allah preu ei mem yok yai ninghuisi wei leu api kiju hanyen leu nimaisi. Noni tri tut biyok “Yesus di ditri tut bije dini ne Nibou Ndig di teu tungwatu biyai niyaijo nijep biyok di Allah preu ei mem je ri.”

KISAH 18:5

Niabiati Silas kin Timotius ikwei leu hanjop Makedonia tu lene Paulus ta nibou ei nitri tut Allah nihyetti bikwop njap ngwa hagom. Noni tri tut bak mben Yahudi bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

KISAH 9:21

Yo di imiap Saulus nihyet yahagom inggap leu tut ba, ihig yam “No dini bindei ba, yo di ikuk yok bak Yesus ei minu ndig Yerusalem igyai nimai bi e? Apo noni kwei ei sirini bipi bikat yo dima bibuwak yok hanyen ug ei imam nindig nya yoho bei bi e?”

KISAH 9:23

Njap poi ser leu lene mben Yahudi igyok ingon gom mem Saulus.

KISAH 9:27

Noro Barnabas ngondut Saulus bibuwak noni kwei ei yo di igya kui Yesus ikieti biya hacan mem noni. Barnabas pui sut Saulus nuum Tuhan ei puig sinon dideu minu ndig Damsyik bipui sut Tuhan nimbrap bit noniti kin niba niji ngkiem bibrim ningkek mem Yesus ei minu ndig Damsyik cem hagom biyok.

KORINTUS GI NIGOM 1:27

Noro Allah bisinggre bidimig mun di tungwatu nya ikan bipia bon ninyeng bi nya leu binhyepo binim kep yo di ingon ki nya. Ba, Noni bisinggre bidimig mun di tungwatu nya ikan bipia sindem bi nya leu binhyepo binim kep yo di mimbri kui ingkek nya.

GALATIA 1:18

Ari bingwam ningai bu lene duug ei minu ndig Yerusalem leu binhyepo dindo danti bak Petrus bidibit bong mem mmun-njap simnaimuhwidip he.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

TIMOTIUS GI NIGOM 1:12

Dijem sigyo bak ide Tuhan Yesus Kristus di sindem tut da mem midyai di diyai nya. Dijem sigyo bak Noni lewo Noni kan bipia didem mem midyai di Noni ndo bida.