KISAH 9:21 - ALLAH NIHYET MEM TUNGWATU NYA

²¹ Yo di imiap Saulus nihyet yahagom inggap leu tut ba, ihig yam “No dini bindei ba, yo di ikuk yok bak Yesus ei minu ndig Yerusalem igyai nimai bi e? Apo noni kwei ei sirini bipi bikat yo dima bibuwak yok hanyen ug ei imam nindig nya yoho bei bi e?”

KISAH 9:21 ပူးပေါင်းရင်းမြစ်များ

MAZMUR 51:13

Ma acom da bihigom leu Aho bei ba, akus Ade ninnei gi kwes leu dingonti au.

MAZMUR 71:7

Diyai munti nya ndo bindo di kei bibor bak yo di imang bibor. Lewo aya srak ko hagau dati sindem bibor.

YESAYA 8:18

Dani kin dimunggwom bat nya di tuhan yai bida nahagom ningat rin ei sirini. tuhan Di Sindem Bibor di bon Nide banggo mbrei ei Nungug Sion cuk nye ndam Nide limwa di mben Israel ba, ninok bindo mem yok.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

MBEN ISRAEL IMBUT-MBUT NYEN 23:23

Bikwop seig ut kin nung nya hagom sindem mem gima sigion mben Israel kan bi. Tungwatu nya misimbot dat tut yoni bipai ‘Jingat i! Allah bibon mun di mindur mem yok ninno tu.’

KISAH 2:12

Yahagom inggap leu tut ba, ingon kiowi tut cem lene ihig kikep yam “Mindei rinontini i?”

KISAH 2:6

Tirigi imiap nibimbi dima lene tungwatu ningot ndig induk yam kwei. Yahagom idrui sut lewo bikwop tungwagom-gom miap igbit nonti nihyet di tibim ei yo di ingon jo kep nya yuhui him.

KISAH 3:10

Lene ibingat bipia noni ne no di nuhui mbum di bong ser Tuhan De Ig sur Dimbou Hui Di Kei Bibor ri. Yahagom inggap leu tut mindur di pek kep mem noni.

KISAH 4:13

Nikei Puig Yahudi Nya inggap leu tut Petrus kin Yohanes di iji ngkiem nok gima. Ikan tut bipia yo cin dini igyai inyeng bicoi pikor cem bi. Lene jo nibreisi mem Nikei Puig Yahudi Nya bipia yo cin dini ne yo di igya kui Yesus ri.

KISAH 7:59

Iba tig bihwen Stefanus ninno lene noni hara “Tuhan Yesus e, ayai dinnei leu hak ug.”

KISAH 8:3

Noro Saulus hwen kikep yo di inggre kin mbusyamei binggek yok. Noni ug cut igkep yok ei ide ig bei sindam leu api kat pinai nya kin sop nya binggam yok ei ig bui nsi.

KISAH 9:22

Noro Saulus kum ei nimbrap nihyet sindemti bu ba, ndo bindo di sindem nya tut Yesus bipia Noni ne Nibou Ndig di teu tungwatu biyai niyaijo nijep biyok ri. Apino bit bon mben Yahudi ei minu ndig Damsyik itte tut nihyet dima kan bi.

TESALONIKA GI NICAN 1:10

Ba, gini hagom mipek kep mem njap dino Noni kwei hanyen leu api Nide limwa nya yahagom inggei sut Noni bikon ninyeng cem. Jeni cem jicoi bit yo dima lewo jingon jo kep nihyet di nitri tut bije tu.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.