KISAH 9:15 - ALLAH NIHYET MEM TUNGWATU NYA

¹⁵ Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

KISAH 9:15 ပူးပေါင်းရင်းမြစ်များ

YEREMIA 1:5

“Nipou tirigi dipai tes na ei apmem ninghopti ba, noni srek tut na bigyo lene didimig na bidikon anyeng nok nabi mem mben dihyeisi dini hagom.”

YEREMIA 1:7

Noro tuhan buhup “Ma apai sut nanti bipia amahan bigyo nok au. Gino dipinak na ndam tungwatu nya lene ma ambut hak ug ba, atri tut nihyet di disok ei nani dip hagom biyok.

MATIUS 10:18

Yoni mibuwak je ug ei yo di inyeng jei nya kin nibou ndig nya yoho bei drek dip gi jiya kui Da. Mpe dima lene jibon nituti mem gima jitri tut Nihyet Di Kei bak nibou ndig nya kin ngkiai nya.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

KISAH 13:2

Mpe di gom tirigi ikuk yok bak Tuhan bigyem njita bi mem nituti poi lene Allah Ninnei pai biyok “Ma jidimig Barnabas kin Saulus ei mem Da leu binhyepo igyai midyai di dikos tut ei mem yok tu.”

KISAH 21:19

Niabiati Paulus pigo yok lene noni kwop kep midyai di Allah bibon tug hon noni ei ngkiai nya ikieti hagom biyok.

KISAH 22:14

Noni pai bida ‘Ide pung di intun him nya ide Allah dimig na leu binhyepo akan tut Nonti ningon kanti ba, angat Yesus di Allah de Awak di pwoi Allah ningon dima bou ayai him lene amiap Yesus nihyet tirigi Noni mbrap pijum bit na cem.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

KISAH 25:22

Lene Agripa pai bak Festus “Dijoi sut nituti dima dimiap no dima nihyet.” Festus buhup “Njap di hyep bu api bon nituti mem gima amiap nihyet a.”

KISAH 26:1

Agripa pai bak Paulus “Nisindui sut ba, ambrap gau nanti nogindini.” Gima rino Paulus kimut ninda kep yo di idem yam dima leu api mbrap gau nonti bipai biyok,

KISAH 26:32

Lene Agripa pai bak Festus “Dem mem ikes noni leu nisima eisi tu lo, nihyet jo kep bipia suar noni ya ei Kaisar Roma nonti noho bei drek dip nide munhyet dini.”

KISAH 27:24

pai bida ‘Paulus e, ma angon digit tut au! Mporo ma aya ei Kaisar Roma noho bei. Allah nisingat tut nati mibindei ba, yo di kibar nsi yahagom ingwes ngun drek dip nani yo.’

KISAH 28:17

Njap ningai ngwig leu lene Paulus sok nihyet mem nibou mben Yahudi nya ei minu dima bikwei mbrap bit noni. Tirigi idem yam ei su lene Paulus pai biyok “Disut bat jen, mbro nok gino diyai mun tunggwei sut mben Yahudi ba, dipigau ide pung di intun him nya igyai kepti nya di ingginau nye tut bi lo, mben Yahudi ikat da ei minu ndig Yerusalem leu api itri da bak mben Roma nya.

KISAH 28:28

Leu api Paulus pai nihyet gi ningwigsi bitak kep biyok “Ma jiyok ngon kep bipia nogindini nihyet tut Allah di teu tungwatu nya leu sisar dima tibim ug ei ngkiai nya itingou nsi tu. Yoni mibit nihyet dima!” [

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

ROMA 11:13

Nogindini dipai dihyet gom bak je di ngkiai nya. Ei nijam di diya kui Yesus ei ngkiai nya ikieti diba dingon srip huk bipia midyai di diyai nya bon ninyeng nindig bibor.

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NIGOM 9:16

Tut gi ditri tut Nihyet Di Kei lene gi mbun dingon jei sut bi lewo Tuhan sok nihyet ei da dip mem gima ditri tut bak tungwatu nya. Aye! Notou mem da gino dikes hon biditri tut Nihyet Di Kei bi i?

GALATIA 1:1

Srat dini leu da di Paulus. Diyai dinyeng no di ya kui Yesus tug hon gino tungwatu nya igya hacan mem da bita da nok no di ya kui Yesus bi. Noro tug hon Yesus Kristus kin Nicig Allah di win Noni hanyen leu nimai eisi.

EFESUS 3:1

Tut gima rino da di Paulus disima ei ig bui nsi drek dip gi dinok awak mem Kristus Yesus kin gi diyai midyai ei je di ngkiai nya jikieti.

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

2 TIMOTIUS GI NICAN 1:11

Allah ta da bidinok no di ya kui Yesus ba, dinok guru cem leu binhyepo ditri tut Nihyet Di Kei.

2 TIMOTIUS GI NICAN 2:4

Tentara di tindei ser pran yai midyai nyeng can bi. Leu binhyepo pwoi nibou tentara ningon ba, joi sut noni.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”