KISAH 8:9 - ALLAH NIHYET MEM TUNGWATU NYA

⁹ Ei minu ndig dima cem Simon di ninda dut no rima. Timiei Samaria nya inggap leu tut noni tut mun di noni ba ninda dut biko ninno tu dima. Lene Simon ba ningon di jei sut nonti bitri tut bipia noni mipbor ngat.

KISAH 8:9 ပူးပေါင်းရင်းမြစ်များ

NEHEI LEUSI 7:11

Lene Firaun hig nide limwa di ingon ki nya kin gi hi di nung kui yok kwei leu api yoni cem ibon mindur di noyam kin Harun de tug hon ide nung nya.

NEHEI LEUSI 7:22

Lene Firaun de limwa di nung kui yok cem ibon mindur nok gima bu tug hon inda di dut apino Firaun ningkek ndok kikau. Noni kou sut gima ce tut Musa kin Harun ighyet bit leu nok tuhan nipaisi pima.

NEHEI LEUSI 9:11

Bit bon yo di nung kui yok ikwei ya ei Musa noho bei kan bi lewo buhwei com ingut titut yam noyam kin mben Mesir nindigsi nya yahagom.

IMAM NYA IDE MIDYAI 20:6

Tungwa tou rino bisau ndam no di nung kui di mbrap kep bit nimai ngwes nya igkei ba, no mbrap bit nimai ngwes hi lene midikes hukum ei noni dip ba, midibibon noni nok no di nggre kin Ditde limwa nya bu bi.

YOHANES 7:18

No di ngginau tungwatu nya bit leu nonti ningon kanti bisau sut ninyeng di jei. Noro no di bisau sut gima kon no di cuk noni kwei ninyeng jeisi ningon sren ba, niris mun jo ei noniti bi.

KISAH 13:6

Lene ijo leu minu ndig Salamis bigya bidem Mios Siprus kikau ba, ikwei krau minu ndig Pafos ei mios dima nohon keti. Leu api yuum Bar-Yesus di mben Yahudi gom ei minu ndig dima. Nung kui no dini bitri tut nonti bipia noni ne nabi ri.

KISAH 13:8

Tungwatu nya iba nihyet Yunani bijem no di nung kui no pima ninyeng hi Elimas. Ba, no dini tte tut Barnabas kin Saulus buhum nibou ninsi ser nhyema noni ba ningon com Yesus au.

KISAH 5:36

Lewo Teudas ttau hak bikon nonti ninyeng jei bibor ei nijam gi pini jug leu api pinjoi ndig nya ibou sratus bitai injei siceu bit noni. Noro noni tug ndei nimai bimai nimbiam leu lene nide limwa nya intek gimahap ba, nide ninjei bit yamti dima pren hanyen.

KISAH 8:11

Mun di noni ba ninda dut biko ninno tu dima bindei ba, tungwatu inggap leu tut noni nindig bibor bigyok ngon kep nihyet.

TESALONIKA GI NICAN 2:4

No dima mitte tut mun di tungwatu nya ibikuk yok bak kin nung nya di ikuk yok bak hagom leu api mikon ninyeng jei dor njiriek ninyeng hagom bigwam jug ei Tuhan De Ig bitri tut bipia noni ne Allah ri.

2 TIMOTIUS GI NICAN 3:2

Mpe dima lene tungwatu nya idrui bou ngwak cem ingat ingwes ei mitieiti cem inggei-nggwang cem illei-lau cem ighyet tigut yam cem isrep tut icig bat-ipmem bat nya ighyet cem ipai sigyo kan bi cem isingat bi cem,

2 TIMOTIUS GI NICAN 3:5

Mbro nok gino ipai sut yonti bipia ingon jo kep tu lo, igyai munti nya srep tut ba, ide ningon jo kepti dima ne ningon jo kepti di nitrowai he ri. Ma ambres nanti leu yo dima.

PETRUS GI NICAN 2:18

Mun di tibim ei yuhui him ndo brei bipia ingon jei ba, ingon mbum cem. Iba ingut kanti di kinei bibor bisrou yo di sindi ingwes ngun leu yo di isibut nya indati.

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.