KISAH 8:40 - ALLAH NIHYET MEM TUNGWATU NYA

⁴⁰ Lene Filipus ngat lo, noni kwei krau minu ndig Asdod kros. Ba, noni tri tut Nihyet Di Kei bidem minu ndig nya hagom kak puig sinon kikau buug krau minu ndig Kaisaria kep.

KISAH 8:40 ပူးပေါင်းရင်းမြစ်များ

ZAKHARIA 9:6

Ngkiai nya di ibon ide pung di intun him srig yamti mibong ser minu ndig Asdod. tuhan pai “Midibindei timek mben Filistin ide ningon jeisi.

KISAH 10:1

Mpe dima lene andigpoi di ninyeng Kornelius no rima ei minu ndig Kaisaria. No dini ninyeng tak kep tentara ibou sratus muhwindagom di ijem inyeng “Nimpung Italia.”

KISAH 10:24

Njapti kui bu lene Petrus nya yuug krau minu ndig Kaisaria. Mpe dima lene Kornelius cem kep puig ser ikweisi binduk nide bat nya kin nisut bat di ingon ce yam bi nya yahagom ba, ikwei dem yam ei su.

KISAH 11:11

Hammi tirigi ibou ningai di ikwei leu minu ndig Kaisaria binggok ser da ikwei krau ig di dibong ser.

KISAH 12:19

Lene Herodes cuk tentara nya binggok ser Petrus noro ingat ningat bi. Gima rino noni cuk nibou gom bihig pus tentara pima yok leu api itug ndei nimai drek dip hak. Niabiati bu lene Herodes jo leu hanjop Yudea buug ei minu ndig Kaisaria bibong ei sirima.

KISAH 18:22

Niabiati noni kinyon leu kibar ei minu ndig Kaisaria lene mbut kikau ug ei minu ndig Yerusalem bipigo yo di inggre kin mbusyamei. Lene noni mbut kikau ug ei minu ndig Antiokhia.

KISAH 21:16

Yo di mbusyamei minu ndig Kaisaria nya ibou poi yehei sut nye kikau ug ei Manason de ig leu api nibong bit noni. (Manason nitimieisi leu Mios Siprus ba, noni bit Yesus ninno tu.)

KISAH 21:8

Njap di hyep bu lene nijo leu minu ndig Ptolemais binimbut ug ei minu ndig Kaisaria. Tirigi nuug krau minu ndig dima lene nuug cem kep Filipus. Noni ne nitri tut Nihyet Di Kei cig rin binibit bong. Noni nggre kin ibou muhwindacan di mbusyamei nya ei minu ndig Yerusalem itta yok pima.

KISAH 23:23

Leu api nibou tentara hig nide kompi nya ibou can kwei bipai biyok “Jidimig tentara nitu nya ibou sratus can kin tentara di ibri kuda kan ibou ningot muhwindacan kin tentara di isrer micim kan ibou sratus can bu. Ma yahagom itin ei mem gima yuug ei minu ndig Kaisaria mem mmun jam muhwindatai.

KISAH 23:33

Tirigi tentara di ibri kuda nya ikwei krau minu ndig Kaisaria lene isu srat dima bak nibou Feliks leu api ikes Paulus cem ei nindati.

KISAH 25:1

Festus kwei bong ei hanjop dima mem njap ningai leu lene jo leu minu ndig Kaisaria buug ei minu ndig Yerusalem.

KISAH 25:13

Bed poi ser lene Nibou Ndig Agripa kin Bernike ikwei ei minu ndig Kaisaria leu binhyepo igya um Festus.

KISAH 25:4

Noro Festus buhup “Paulus no sima ei minu ndig Kaisaria ba, jei bi ne dingkwei hanyen ug ei minu ndig dima ri.

KISAH 25:6

Niabiati Festus bong ei minu ndig Yerusalem mem ari gom biniken leu lene noni ngkwei hanyen ug ei minu ndig Kaisaria. Njap di hyep bu lene noni nduk nikei di igya kui noni kwei ei nide kintrorti leu api sok nihyet bak kompi pima bibuwak Paulus kwei.

KISAH 8:25

Niabiati Petrus kin Yohanes itri tut Yesus di ingat bou igyai him bitri tut Allah nihyet mbigom kin bu leu lene ingkwei hanyen ug ei minu ndig Yerusalem. Yoni imbut bitri tut Nihyet Di Kei kak puig sinon ug ei hanjop mang bibor sindam ei minu Samaria.

KISAH 9:30

Tirigi yo di ingon jo kep nindigsi nya ikan tut nuhum yam nsi mem Saulusti dima lene ibuwak noni kwei ei minu ndig Kaisaria leu api ikes yam ba, Saulus ngkwei hanyen ug ei nitimieisi minu ndig Tarsus.

ROMA 15:19

drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.

YOSUA 11:22

Mben Enak ibou poi he rino inang di ingwes ngun ug ei minu ndig Gaza kin Gad kin Asdod. Noro igisindui sut yo di intun Enak him ba, tungwagom ngat niyai mohousi jo ei minu di mben Israel ibindei timek leu bigyai bigyati nya bi sren.

SAMUEL GI NIGOM 5:1

Niabiati tirigi mben Filistin igyai Brua Gi Preu leu yok tu lene ijo leu Eben-Haezer bimbut tut ug ei minu ndig Asdod.