KISAH 8:35 - ALLAH NIHYET MEM TUNGWATU NYA

³⁵ Gima rino Filipus ba srat bokti dima nok nitriti bibuhup no dima nihyet bitri tut Nihyet Di Kei tut Yesus binoni.

KISAH 8:35 ပူးပေါင်းရင်းမြစ်များ

MATIUS 5:2

Noni sindi tri tut nihyet biyok,

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

KISAH 10:34

Lene Petrus pai biyok “Nogindini dikan tut mungkun bipia Allah mbus nggok tungwatu nya bi.

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 17:18

Guru nya ibou poi leu nimpung Epikuros kin ibou poi leu nimpung Stoa cem iba ighyet bidahat Paulus ba, ibou poi ihig yam “Guru di ningon mbum dini huk nihyet tut mindei ngan i?” Leu api hiter ibuhup “He ma noni tri tut ngkiai nya ide mun di ikuk yo bak e?” Ibuhup biyam nok lewo Paulus tri tut Yesus kin nikiju hanyen leu nimai eisi.

KISAH 18:28

Lewo noni ba niji di nghai bibrim ningkek kep mben Yahudi di iba ighyet bidahat noni. Apolos bindei ba, icut bak noni bou tungwatu igyai him. Noni kwop srat bokti leu Allah nihyet nok mun di bindo tut Yesus di nok Nibou Ndig di teu tungwatu biyai niyaijo nijep biyok di Allah preu ei mem yok pima.

KISAH 19:13

Mben Yahudi ibou poi di inda kan igya bidem minu dima bijji ninnei rom leu tungwatu ingonti. Yoni ibingon mem gima iba Tuhan Yesus ninyeng cem bicuk ninnei rom nya leu yo di inggwen nya ingonti. Nihyet di tibim ei yuhui him pai “Dijji na tug hon ninyeng Yesus di Paulus tri tut.”

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 3:20

Tuhan mikwei dideu je leu api biwin kep jinnei hanyen. Noni mipinak Yesus di Noni dimig ei nok jide Nibou Ndig di teu tungwatu biyai niyaijo nijep bak tungwatu nya hanyen kwei ndam je.

KISAH 5:42

Ba, itri tut Nihyet Di Kei ba, ingginau tungwatu nya tut Yesus kikau ei Tuhan De Ig kin tungwatu ide ig bei nya cem bikwop njap ngwa hagom. Yoni itri tut bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 8:34

Andigpoi di ninyeng jei di kwei leu minu Etiopia dima hig ser Filipus “Apai mingat bida. Nabi dini pui sut tou i? Pui sut nonti e, he pui sut hiter?”

KISAH 9:20

Lene noni bipbur buug ei mben Yahudi ide ig mbusyamei sindam ba, kinyon ei nitri nihyetti bipai biyok “Yesus ne Allah Nipmot ri.”

KORINTUS GI NIGOM 1:23

Noro tut nyeni ne nitri tut Kristus nimai ei biei salibti. Mben Yahudi ingon mpo tut nihyet dima ba, ngkiai nya ikan bipia nihyet dima ne nihyet minyei he ri. Lene ngkiai nya ikan bipia nihyet dima ne nihyet pei mbum ri.

KORINTUS GI NIGOM 2:2

Lewo dikos tut bipia mpe dino dingat rin bit je ne dingon prion ser mun nindigsi hagom lo, miditri tut Kristus Nongkom he bitut nimai ei biei salibti.

KORINTUS GI NICAN 6:11

Disut bat di dingon kieti ei minu ndig Korintus jen e, niba ningon di kwes bipai mun dini yok hagom bije ba, mun di jo ei ningon bei jo nibreisi mem je tu.

EFESUS 4:21

Jimiap tut Yesus bijibit nihyet tu lene jiyai nipingok jeti tut Allah ningon mien paisi di ntun Yesus ningonti him dima cem tu!