KISAH 8:33 - ALLAH NIHYET MEM TUNGWATU NYA

³³ Tungwatu inim kep Noni lene iba ingon di sren bi bibon Noni. Bit bon hi pui sut yo di intun Noni him kan bi lewo niyaijo ei dihyeisi dini dem tu ba, hi di ntun Noni him cem bi.”

KISAH 8:33 ပူးပေါင်းရင်းမြစ်များ

AYUB 34:5

Ayub pai ‘Dingon ngun noro Allah kou sut gima kos tut ditde munhyet.

MAZMUR 22:15

Dinghuisi jet dem kep nok minyei di isiber ug ei dihyeiti. Dinjum tuti nya hagom pis ba, dingon dahat leu dem kep nok lilin ngei di jet bingwig.

MAZMUR 22:30

Yo di inyeng jei nya yahagom mikuk yok ei nimig him. Tungwatu dihyeisi dini yahagom mikuk yok ei Noho bei.

YESAYA 10:2

Tug hon nisinati dima lene jibigen ser yo di yuhui mbum nya leu ba, igitug ndei mun di idem mem gima itug ndei nya kin nikei nikos tutti di sren kei nya mem yonti cem bi. Jibipos kibom nya kin moibihi nya ide mun di inyeng tut leu yok cem.

YESAYA 5:23

Noro jiba gima biyai mitiei nibingot kep jeti leu binhyepo jibikes yo di ibon mun tunggwei bingwes ngun lo, jibikkin ser yo di ibon mun di igbit nya leu binhyepo itug ndei nikei nikos tutti di sren kei bi.

YESAYA 53:10

tuhan pai ditde awak yai ninghuisi wei bit leu dingon kanti leu binhyepo nimaisi midem kep nok midut nibikos ser sisarti. Gima rino noni mingat nide nintun him yamti di bram yam nya bou niyai him lewo nide njap jei bibor. tuhan ningon kanti mipek kep tug hon noni.

YESAYA 53:12

Noni kes niyaisi bihigom ei bitug ndei hukum ba, ninyeng tibim kin yo di imbuk bibor nya inyeng. Noni biang yo di imang bibor ide sisar bingat nadi leu binhyepo igyai nikos ser sisarti. Gima rino midinjei nide limwa nya imang bibor mikuisi bak noni ba, noni miyai hanjop nsi bit yo di inyeng jei nya.”

YESAYA 53:7

Tungwatu nya iba imbuk bibon noni kinei bibor noro noni om ningon tut. Ibuwak noni nok ijem domba mem ibui bidigo ba, nok domba pmot di ikos ninta leu lo, hara bahap niji cem bi.

YESAYA 53:8

Ikat noni bibuwak noni ug ei nikei noho bei leu api nikei pai kep noni bikes hukum ei noni dip. Hi di ningon buhun tut mun di cut igkep noni bi. Noni mai biluei nyeni ide mben nya ide sisar.

DANIEL 9:26

Tirigi nijam dima ug hon nohonti ne no di Allah ta mem gima bie tut yok bon mun tunggwei hi bi lo, noni tug ndei nimai. Nibou ndig di sindem bibor gom de tentara ikon pran bit mben Yerusalem bibindei timek yok bitut itimiesi kin tuhan De Ig hagom bitimek bingwig. Nijam dima nohonti cut igkep yok dem kep nok minyei di su di biam tut pran kin mun di binggek yok bingwig di Allah tin ei mem yok.

HABAKUK 1:4

Niggai serti nya mbut sindem bibon ninyeng bi ba, nikei nya iba ingon dwei bikos tut mun di srou tungwatu nya. Yo di imbuk nya igyai munti nya dor sindem njiriek yo di ingon sren nya igyai munti nya ba, yo di imbuk nya ikiek nikei nikos tutti nya bibit leu yonti ingon kanti.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

KISAH 8:34

Andigpoi di ninyeng jei di kwei leu minu Etiopia dima hig ser Filipus “Apai mingat bida. Nabi dini pui sut tou i? Pui sut nonti e, he pui sut hiter?”