KISAH 8:26 - ALLAH NIHYET MEM TUNGWATU NYA

²⁶ Lo bi lene Tuhan de malaikati gom pai bak Filipus “Akiju! Aug ei bei mpia nibiho ba, akak puig di jo leu minu ndig Yerusalem bibie ug ei minu ndig Gaza ei iggum ndigsi.”

KISAH 8:26 ပူးပေါင်းရင်းမြစ်များ

NITRITI 10:19

Apino ide hanjop nsi jo ei Sidon nite bei mpia nibiho kikau ug bipek kin Gerar kin Gaza kikau ug bipek kin Sodom kin Gomora kin Adma kin Zeboim ba, nohon keti jo dideu Lasa.

NIBOU NDIG NYA GI NICAN 1:3

Noro tuhan de malaikati cuk Nabi Elia di bong Tisbe bipia suar noni ug um yo di Nibou Ndig Ahazia cuk yok pima bihig ser yok, “Allah hi ningat rin ei minu Israel bi apino bitig dino juug hig ser kwar Baal-Zebub ei minu ndig Ekron leu binhyepo ndo igbit tut nibou ndig nibokti di buhun pima e?

NIBOHON MBEN ISRAEL GI NIGOM 22:16

Tukan mas cem tukan perak cem tukan ngkimom-tembaga cem tukan ngkimom nitu cem yahagom yo rinaha. Gima rino ma akinyon eisi haninyai! Handei kon ba, tuhan mimpu nani tut.”

ZAKHARIA 9:5

Minu ndig Askelon kin Gaza nya ingat gima leu api ittin tut. Minu ndig Ekron cem ngat nicutti dima leu api ningon pus tut. Nibou ndig Gaza mipror lene tungwatu nya mibong ser minu ndig Askelon bu bi leu api mpia mbum-bra bram.

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KISAH 10:7

Lene malaikati di mbrap bit noni pror hanyen. Leu api Kornelius hig nide awak nya ibou can kin nisut tentara gom di kuk no bak Allah cem kwei,

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

KISAH 27:23

Dikuk da bak Allah di ninyeng tak kep da ba, himmun di aponi lene Noni cuk Nide malaikati gom kwei,

KISAH 5:19

Noro Allah de malaikati gom kau dimbou ig bui leu yok mem mmun bibuwak yok leu ig bui lene pai biyok,

KISAH 8:29

Allah Ninnei pai bak Filipus “Aug ya kui kroba pran dima ba, asir nitta.”

KISAH 8:5

Filipus ug ei minu ndig gom ei Samaria leu api tri tut Nibou Ndig di teu tungwatu biyai niyaijo nijep biyok di Allah preu ei mem yok.

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

YOSUA 15:47

Bitut minu ndig Asdod kin minu ndig di jo ttai nya kin minu ndig Gaza kin minu ndig nya ei bidem hanjop dima kikau bipek kin minyei mien di bikkin minu Mesir cem. Bitut minu ndig nya ei les him simiak Muk Hacan nintig dip cem.