KISAH 8:22 - ALLAH NIHYET MEM TUNGWATU NYA

²² Gima rino ma attin ser angon kanti di kinei dima leu ba, angat nadi bak Allah leu binhyepo Noni kos ser angon kanti di kinei dima hak ug!

KISAH 8:22 ပူးပေါင်းရင်းမြစ်များ

NIPINGOK NINGONTI 24:9

No di ningon tindur ningon kanti di tin ei nya bindei ba, sisar ntun him. Tungwatu nya ingon mpo tut no di ba nihyet bicig yok.

DANIEL 4:27

Gima rino na di Andigpoi e, ma ace tut ba, abit dipingok nati. Abon sisar bu au. Noro ma aba angon di kwes biyai mun di kei-kau ba, angondut yo di yuhui mbum nya cem. Mpaba tug hon nisinati dima ne mporo ma abong kei agwam kei bijo ninno.”

AMOS 5:15

Suar jingon mpo tut mun di mbuk bibor bijingon ngakei mun di kei bibor. Suar jahati tut nikei nikos tutti di sren kei nya. Mpaba tuhan mingondut mben Israel nindigsi di imai bigyo drek dip jiyai munti dima e?

AMOS 5:6

Ma jingkwei hanyen ndam tuhan leu binhyepo jiyai niyaijo. Gino jingkwei hanyen ndam Noni bi ne Noni mijuk kwei noyam kin hum di cig-cai biyem mben Israel bingwig. Bit bon timiei minu ndig Betel nya imu hum dima kan bi.

YUNUS 1:6

Leu api kiten kibar juk ba, ngat Yunus biwin bipai “Nggon rino abong mai nok i? Akiju ba, ahara ade kwar di akuk na bak leu binhyepo noni mpu nye leu gi misar a.”

YUNUS 3:9

Mpaba Allah miluei ningonti bikes hon ba, ningon sibui sut nye bu bi apino isar bi.”

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 8:20

Noro Petrus buhup “Ma ade mitiei pror tut na ei nikineisi hak ug! Akan bipia aba mitiei bipek nisindemti di Allah yai bina e?

KISAH 9:11

Tuhan pai binoni “Akiju ba, aug ei Simpak Sren leu api acem kep Yudas de ig bei ba, anggok ser tungwagom di ninyeng Saulus di nitimieisi leu minu ndig Tarsus. Noni ngat nadi ei sirima.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.

NINGAT-HI-NGAT NYA 2:21

Dibon nituti mem gima noni ttin ser nide sisar bikiek ndam Allah noro noni kou sut. Noni kes hon bi noro bon sisar nicut tut yamti kikau.