KISAH 7:55 - ALLAH NIHYET MEM TUNGWATU NYA

⁵⁵ Noro Stefanus yai nisindemti leu Allah Ninnei bitou kep ginyo kug ndam gwamti bingat Allah nikei-kau-keisi kin Yesus di ya kui Allah ninda com.

KISAH 7:55 ပူးပေါင်းရင်းမြစ်များ

MAZMUR 109:31

lewo Noni mbrap gau yo di yuhui mbum nya ba, teu yok bingwes ngun leu yo di ikes hukum nimai ei yok dip nya.

YEHEZKIEL 10:18

Leu api nipigati di piga kei di bindo tut tuhan di ningat rin ei mpia dima kiju leu dimbou hui di ibicoi ug ei tuhan De Ig dima pri biya anai ei kerub dima yok dip.

YEHEZKIEL 10:4

Nipigati di piga mpia kei di bindo tut tuhan di ningat rin ei mpia dima piga mpia ei kerub dima yok igyati bipri ug ei dimbou hui di ibicoi tuhan De Ig. Apino nipigati dima piga mpia kei ei mpia di jo bas hak ei tuhan De Ig.

YEHEZKIEL 11:23

Leu api nipigati dima kes minu ndig Yerusalem leu lene pri ug ei nungug him ei minu ndig dima nite bei mpia nipriti.

YEHEZKIEL 3:23

Gima rino dijuk ug ei mbang briepti leu api dingat tuhan de nikei-kau-keisi bou diyai him bit leu nok gi po dingat ei Minyei Kebar pima lene dikuk da bidiba dingwak bikik dihyei.

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

YOHANES 11:41

Gima rino yo dima ison tig leu. Leu api Yesus tou kep kui gwamti lene ngat nadi bipai “Arig e, dipai sigyo biNa lewo amiap kep dihyet.

YOHANES 12:41

Yesaya pai nok lewo noni ngat Yesus nikei-kau-keisi bou niyai him ba, pui mun tut Noni cem.

YOHANES 14:3

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

KISAH 2:4

Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.

KISAH 4:8

Petrus ba Allah Ninnei De nisindemti bibuhup “Je di nibou kintrorti kin je di Nikei Puig Yahudi Nya e,

KISAH 6:10

Noro bit bon ibuhup Stefanus nihyet kan bi lewo Allah Ninnei bindei ba, Stefanus ba ningon di ki bibrim ningkek kep yok.

KISAH 6:3

Gima rino nisut bat jen, gi kei mem jidimig ibou muhwindacan di isingat tut tungwatu nya ba, Allah Ninnei de nisindemti srek kwei ei ingonti bingon ki cem leu jikieti leu api nita yok mem igyai midyai dini.

KISAH 6:5

Yo di ibit Yesus yahagom ice tut yo di igya kui Yesus ingon kanti dima. Lene idimig Stefanus di ba ningon gom bicom Yesus bibor di Allah Ninnei de nisindemti srek kwei ei ningonti cem. Idimig Filipus kin Prokhorus kin Nikanor kin Timon kin Parmenas kin Nikolaus leu Antiokhia. Ba, Nikolaus ne ngkiai noro tti kin puig Yahudi.

KISAH 6:8

Allah singat tut Stefanus nindig bibor apino noni yai nisindemti mem gima bibon mindur kin bindo di mipbor ngat nya ei tungwatu ikieti.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 8:1

Mun di nyeni nisimbot dat dima ningat ne Imam Nibou Ndig di nok gima ya hacan mem nye ba, Noni gwam kui Allah di Sindem Bibor ninda com ei gwamti.

PETRUS GI NICAN 1:17

Nyeni ningat rin bit Noni ei mpe di Nicig Allah kon Noni ninyeng biyai nikei-kau-keisi bak. Mpe dima lene nihyet gom tibim kwei leu Allah Di Sieng-Siau nuhui him di pai biNoni “No dini ne Dipmot di dingon ngakei rin ba, dingon kei sut Noni.”

NINGAT-HI-NGAT NYA 21:11

bikwei sut nisieng siausi kin Allah nikei-kau-keisi kin nijimjitti di nok tig permata di nibok kak kin tig baiduri pandan di pimbai kei nok kristal bida.