KISAH 7:42 - ALLAH NIHYET MEM TUNGWATU NYA

⁴² Gima rino Allah ba ningha biyok bisindui sut yok leu api ikuk yok bak ham nya ei mpia-bbed him. Gima hagom bit leu nok nabi nya ipai ei srat nyati tu bipia, ‘He je di mben Israel e, jikuk je biDa tirigi jibon midut nibui mindhe tut ninggromti mem ari bingwam ningot bitai ei iggum ndigsi pima e? E bi!

KISAH 7:42 ပူးပေါင်းရင်းမြစ်များ

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

MAZMUR 95:10

Dikou sut yok mem ari bingwam ningot bitai bidikan “Yo dima ingon mang ba, ingkek ndok tut Side nicuk yokti nya.

YESAYA 43:23

Dikak tut midut di jibikuk je biDa ba, dibidip huk je tut biei nggrai di ui-gwang kei bi. Noro jiba jikou bindig domba nya ei nimbar hum dokti lene jiba mun di jibikuk je biDa bikon dinyeng bi.

YESAYA 63:10

Noro yaham imbuk kep Noni bibindei ba, ningon buhun tut yok. Gima rino Noni luei nitta binok ide siceu bu bikon pran bit yok.

YESAYA 66:4

Gima rino midibon mun igbit dingon kanti bidikes mun di buhun di ittin tut nya ei yok dip. Lewo mpe dino dihig yok lene hi di buhup dihyet bi. Mpe dino dimbrap bit yok lene hi di miap kep dihyet bi. Mbro nok gino ikan tut bipia dingon mpo tut mun di kinei lo, ibon kikep mun di kinei dima rok him.”

YEREMIA 19:13

Ig hagom ei minu ndig Yerusalem kin nibou ndig minu Yehuda nya ide ig kin ig di tungwatu nya indig biei nggrai di ui-gwang kei bak ham mpia-bbed him nya eisi ba, ibon midut nisiber ba anggur ningei bak kwar nya cem ei ninjek dip nya apino map kui hagomti noyam kin map kui Tofet.”

YEREMIA 8:2

Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

YEHEZKIEL 20:25

Niabiati bu lene diyai niggai serti di kei bi kin nicukti di bit bon yai niyaijo biyok kan bi nya biyok.

YEHEZKIEL 20:39

tuhan Di Ninyeng Jei Bibor pai “Je di mben Israel e, nnaba jiyai mun bit leu jingon kanti. Ma jibindei mbut nibon kep sisarti hak tug hon gi juug kuk je bak kwar hak ug! Noro ma jiyok ngon kep bipia niabiati bu ne mijibit dihyet. Ma jikwas munkwas tut jide kwar di jikuk je bak dima ba, jibindei dinyeng di kwes-kwau bikinei bu au.

YEHEZKIEL 8:16

Lene Noni buwak da ug ei mpia di jo bas hak gom di jo ei tuhan De Ig ninsi bidingat lo, ibou nyatungwagom muhwi ingat rin ei nimbar hum dok kin bisai di ibicoi kwei ei Ig dima nikieti. Iba inghim bak ninsi di kwes lene iba ibiau bicom mpia bikuk yok biba ingwak bikik mpia ndam bei mpia nipriti ba, ikuk yok bak mpia njap di pri kwei.

HOSEA 4:17

Mben Israel iba yoho rok kwar nya ba, gima brim ingona. Jisindui sut yok ba, igyai igbit yonti ingon kanti.

YOHANES 6:45

Bit leu nok gi ipas ei Srat Nabi nya nibokti ‘Allah ngginau tungwatu nya yahagom ingonti.’ Bikwop no di miap Dicig nihyet biningon dorti tut ne no dima nggre kin Da.

KISAH 13:40

Gima rino suar jitindei ser mun di nabi nya isok kep tungwatu nya tut leu binhyepo mun dima cut igkep je bi. Nabi nya ipai,

KISAH 7:36

Musa dini ripo bie tut yok leu minu Mesir leu api bibon mindur kin bindo ei Mesir kin Muk Ngwoi kin iggum ndigsi kikau mem ari bingwam ningot bitai pima.

NINDAT KEP TUHAN NICUKTI NYA 17:3

kin nicuk jeti tug hon gi ikuk yok bak mun nyeng hi ba, ibiyai ingon gom bak mun nyeng hi ba, ikuk yok bak mpia yaisi kin bed mmun cem ham nya cem,

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

IBRANI 3:9

Allah pai ‘Mbro nok gino jidigup bat-jidigai bat nya ingat mindur di dibibon mem yok bou igyai him kikau mem ari bingwam ningot bitai lo, ibingon kikep Da.’

YOSUA 24:20

jikes Noni leu ba, jikuk je bak nung nya dima kan bi. Mbro nok gino Noni yai gi kei bije nipou su lo, Noni mikou sut je bikes hukum ei je dip kikau bibou jahagom jimai bijingwig ug e.”