KISAH 7:25 - ALLAH NIHYET MEM TUNGWATU NYA

²⁵ Noni kan bigya nisut bat mben Israel mingat bipia Allah ba noni biteu yok bingwes ngun leu mben Mesir indati. Noro igingat nok gima bi.

KISAH 7:25 ပူးပေါင်းရင်းမြစ်များ

NIBOU NDIG NYA GI NICAN 5:1

Ei nijam dima ne Naaman nok nibou pran mem tentara Siria. Nibou ndig mben Siria joi sut noni nindig bibor lewo tuhan bindei ba, nide siceu nya yahagom icut bak tentara Siria tug hon Naaman di mimbri kui ningkek binok nibou pran di sindem bibor. Noro bras yem ningkek dip hagom.

MAZMUR 106:7

Nidigup bat-nidigai bat nya di ibong ei minu Mesir ingon kiowi niti. Ingon gidor niti tut Ade midyai mindur nya bi. Ingon prion ser angon ngakeisi di nindig bibor ba, yaham imbuk kep Na di Allah Di Anyeng Jei tirigi yuug krau Muk Lipig.

NEHEI LEUSI 2:12

Lene Musa put-put nyen bingat lo, hi ngat noni bi. Leu api yai nimai bak timiei minu Mesir dima bitig ei iggum jou.

MARKUS 9:32

Noro yo di igya kui Noni ingon kiowi tut ningginausi dima lo, igihig ser Noni tut bi lewo ingwes mien tut.

LUKAS 18:34

Noro yo di igya kui Noni ingon hukti tut mun di Noni pai brei biyok bi. Nipaisi dima jo nding leu yok. Ikan tut mun di Yesus pai sut biyok bi.

LUKAS 9:45

Noro yo di igya kui Noni ingon kiowi tut nipaisi dima lewo gima jo nding leu yok leu binhyepo bit bon ingon hukti tut kan bi. Noro ihig ser Yesus tut nipaisi bi lewo ingwes mien tut.

KISAH 14:27

Tirigi ikwei krau minu ndig Antiokhia ei hanjop Siria hanyen tu lene induk yo di inggre kin mbusyamei kwei bipui kep midyai di Allah bibon tug hon yoni kin notou Allah tin puig mem gima ngkiai nya cem ingon jo kep Yesus.

KISAH 15:4

Tirigi Paulus nya ikwei krau minu ndig Yerusalem lene yo di inggre kin mbusyamei kin yo di igya kui Yesus kin nibou mbusyamei nya yahagom igya um yok. Lene Paulus kin Barnabas ipui kep Allah de midyai di Noni bibon tug hon yoni.

KISAH 15:7

Iba ighyet bidahat yam ninno tu lene Petrus kiju biya lene pai biyok “Disut bat jen, jikan tut bipia Allah dimig da leu jikieti nipou su leu binhyepo ditri tut Nihyet Di Kei bak ngkiai nya apino yoni cem imiap nihyet ba, ingon jo kep Yesus.

KISAH 21:19

Niabiati Paulus pigo yok lene noni kwop kep midyai di Allah bibon tug hon noni ei ngkiai nya ikieti hagom biyok.

KISAH 7:24

Lene noni tau kep mben Mesir gom di bui mben Israel gom. Gima rino Musa tti kin gi hi di mben Israel bihwen gi hi di leu minu Mesir.

KISAH 7:26

Njap di hyep bu lene Musa tau kep mben Israel ibou can di ibui yam leu api noni pi bibakei yokti bipai biyok ‘Disut bat jen, jikinjoi bat yam ri. Nggon rino jibui yam i?’

ROMA 15:18

Dikon dihyet tut midyai di Kristus yai tug hon dani he. Lewo nihyet di ditri tut kin midyai di diyai nya bindei ngkiai nya ibit Allah nihyet,

KORINTUS GI NIGOM 15:10

Noro nogindini diya diyati nok no di ya kui Yesus tug hon Allah nisingat tut dati. Diyai nisingat tut dati mikuisi bi. Ningat ne dita dibou ei Allah de midyaiti dor njiriek yo di igya kui Yesus nindigsi nya yahagom. Nisindemti di bindei bidita dibou ei midyai dimati kwei leu danti bi noro kwei leu Allah nisingat tut dati lene ba No bikum da mem midyai dima.

KORINTUS GI NIGOM 3:9

Nyeni nibicom yam nok gom ba, niba nye bikum Allah biniyai kep Nide midyai nya. Jeni ne Allah de miai ngwoisi ri. Jeni ne Allah de ig ri.

KORINTUS GI NICAN 6:1

Niyai midyai bit Allah. Gima rino nitigtai je leu binhyema jibimangkrei Allah nisingat tut jeti au.

KOLOSE 1:29

Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.

NIJAM NIKEI NYA 15:12

Lene ipai binoni “Nikwei kat na ba, ningot amig-anda leu binhyepo nikes na ei indati.” Lene Simson buhup “Ma jipreu ei mem da bipia gino jingot dimig-dinda lene mijibui da bidimai bi.”

SAMUEL GI NIGOM 14:45

Noro nide limwa nya isrep bipai “E bi! Nggon rino Yonatan mitug ndei nimai i? Noni ribindei dino ide siceu nya yahagom icut bak nyeni tu! Nipreu kep na di Andigpoi tug hon Allah di niyaijo ninyeng bipia Yonatan nibou nta gom mipror leu noni bi. Lewo noni bindei ba, ide siceu icut bak nyeni mem njap di ammani tug hon Allah di sindem tut noni.” Gima rino nide limwa nya iteu Yonatan ba, ningwes ngun leu hukum nimai.

SAMUEL GI NIGOM 19:5

Noni nggok nimai eisi tirigi po noni yai nimai bak Goliat pima leu api tuhan sindem tut nye di mben Israel tug hon nihwen Goliatti leu api sihwen side siceu nya ba, itimek bingwig. Arig e, mpe di po angat gima lene ajoi sut noni nindig bibor. Arig e, nggon rino ma ahwen bit no di ningon ngun ba, ayai nimai binoni mikui-kausi i?”