KISAH 6:5 - ALLAH NIHYET MEM TUNGWATU NYA

⁵ Yo di ibit Yesus yahagom ice tut yo di igya kui Yesus ingon kanti dima. Lene idimig Stefanus di ba ningon gom bicom Yesus bibor di Allah Ninnei de nisindemti srek kwei ei ningonti cem. Idimig Filipus kin Prokhorus kin Nikanor kin Timon kin Parmenas kin Nikolaus leu Antiokhia. Ba, Nikolaus ne ngkiai noro tti kin puig Yahudi.

KISAH 6:5 ပူးပေါင်းရင်းမြစ်များ

NITRITI 41:37

Lene Firaun kin yo di igya kui noni yahagom ice tut Yusuf nihyet.

NIPINGOK NINGONTI 15:1

Nibuhupti di nem-nnai bindei ba, no di gga bibor ningon cut hanyen. Noro nibuhupti di singga miep hum kin no di gga nide nigga biborti.

NIPINGOK NINGONTI 15:23

Nihyet di tibim ei nuhui him cut igbit nicunti mibindei ba, ingon llei bibor.

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

MATIUS 23:15

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jimbut bidem dihyei nisurti-nipekti ba, jisigon minyei mang bibor leu binhyepo jinggok tungwagom ngat di mitti kin je bibit jide puig timiei leu api jipingok ningonti bijibindei ba, ningon wer mui mbican bram yam dor njiriek je di juug dor humti jingon di mui!

KISAH 11:19

Niabiati Stefanus yai nimai leu lene nibou mben Yahudi nya sindi ihwen bit yo di ingon jo kep nya. Gima rino intek gimahap binang ug ei minu Fenisia kin Mios Siprus kin minu ndig Antiokhia bitri tut Allah nihyet bak mben Yahudi nya he.

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 11:22

Mun di pek kep mem yo dima nibimbiti tibim ug ei yo di inggre kin mbusyamei ei minu ndig Yerusalem itingou nsi. Gima rino ipinak Barnabas ug ei minu ndig Antiokhia.

KISAH 11:24

Allah Ninnei sindem tut Barnabas biyai ningon di singat kin ningon di gom cem. Gima rino Barnabas bindei ba, tungwatu imang bibor itti kin Tuhan bibit nihyet.

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 11:27

Mpe dima cem nabi nya ibou poi ijo leu minu ndig Yerusalem bikwei ei minu ndig Antiokhia.

KISAH 13:1

Nabi nya kin guru nya ibou poi yo rinaha ei yo di mbusyamei minu ndig Antiokhia nya ikieti. Yo dini ne Barnabas kin Simeon di ijem ninyeng hi Motrom kin Lukius leu minu ndig Kirene kin Menahem ndig bit Nibou Ndig Herodes ba, ningon kieti noni tirigi inok munggwom yo kin Saulus.

KISAH 15:22

Yo di igya kui Yesus kin nibou nya kin yo di inggre kin mbusyamei yahagom ikos tut bipia idimig ibou can leu ikieti bipinak yok ug ei minu ndig Antiokhia bit Paulus kin Barnabas. Gima rino idimig Silas kin Yudas di Sabas nipmot. Yo di mbusyamei nye ei minu ndig Yerusalem ijoi sut yo cin dini nindig bibor.

KISAH 2:4

Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.

KISAH 21:8

Njap di hyep bu lene nijo leu minu ndig Ptolemais binimbut ug ei minu ndig Kaisaria. Tirigi nuug krau minu ndig dima lene nuug cem kep Filipus. Noni ne nitri tut Nihyet Di Kei cig rin binibit bong. Noni nggre kin ibou muhwindacan di mbusyamei nya ei minu ndig Yerusalem itta yok pima.

KISAH 22:20

Nok gima cem dingat rin bit yo di ihwen Stefanus di tri tut nihyet Ade bidice tut gima nibou nya igyai nimai binoni. Gima he bi lewo diya ser yo di ibindei mbut mun di pek kep dima ide sinsun cem.’

KISAH 6:10

Noro bit bon ibuhup Stefanus nihyet kan bi lewo Allah Ninnei bindei ba, Stefanus ba ningon di ki bibrim ningkek kep yok.

KISAH 6:3

Gima rino nisut bat jen, gi kei mem jidimig ibou muhwindacan di isingat tut tungwatu nya ba, Allah Ninnei de nisindemti srek kwei ei ingonti bingon ki cem leu jikieti leu api nita yok mem igyai midyai dini.

KISAH 6:8

Allah singat tut Stefanus nindig bibor apino noni yai nisindemti mem gima bibon mindur kin bindo di mipbor ngat nya ei tungwatu ikieti.

KISAH 7:1

Imam Nibou Ndig hig ser Stefanus “Ipaisi dima gi nijit rin e?”

NINGAT-HI-NGAT NYA 2:15

Nok gima cem ibou poi di isrig jikieti itti kin nimpung Nikolaus ide ningginausi.

NINGAT-HI-NGAT NYA 2:6

Mbro nok gima lo, jiyai munti di kei ninyeng gom no rinaha. Jingon mpo tut nimpung Nikolaus igyai munti nya noyam kin Dani cem dingon mpo tut yok.