KISAH 6:1 - ALLAH NIHYET MEM TUNGWATU NYA

¹ Jei bi lene yo di ibit Yesus imangti bikum eisi ba, ningot ndig bu. Noro mben Yahudi di imbrap nihyet Yunani ingon dindi tut timiei mben Yahudi nya. Gi hi di imbrap nihyet Yunani ilua sok bipia ide kibom nya ima mun di bahati tut yok bikwop njap-njap sur yam kin kibom nindigsi nya bi.

KISAH 6:1 ပူးပေါင်းရင်းမြစ်များ

AYUB 29:13

Yo di ingon buhun bibor cem inggei sut da tut diyai munti nya. Kibom nya cem ibong kei igwam kei lewo dimpu kep yoni cem.

AYUB 31:16

Dingkek ndok tut nuhui mbum nya bidisindui sut kibom nya biba ingon di ngguk bigwam nyen ei bi sren.

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

MAZMUR 72:16

Abindei ba, ig gudan ei nide dihyei nisurti-nipekti hagom mpung tut gandum ba, miai nya ngat ningat mang bibor bidem nungug tou nya hagom. Abindei ba, dihyei bon ninnumti di kei bibor dem kep nok nungug Libanon ninda dip nya. Asindui sut ba, nide limwa nya idigek kep mpia dem kep nok minta di kieng kep dumti.

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YESAYA 27:6

Mben Israel midem kep biei di nigau huk dihyeiti di ndig nut cem ba, ningat mikieng kep dihyeisi dini ninjek dip mem nijam gima kwei.

YEREMIA 30:19

Timiei minu ndig Yerusalem nya miba doia bikon dinyenga. Yoni iba ingon di kei bimbos-hi-mbos cem. Dibindei ba, ngkiai nya ibou cut biyok. Ighyet kinei sut yok bu bi. Ditde limwa nya imangti mikum eisi kikau.

YEHEZKIEL 22:7

Ade timiei nya hi di kuk no bibit nide ndigpoi nihyet bi sren. Aris mun bak ngkiai nya lene agingondut kibom nya kin moibihi nya di icut ei mun di buhun tak yokti cem bi.

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 23:13

Aye! Notou mem je di guru Puig Yahudi nicukti nya kin je di Farisi nya i? Jingon can yo! Lewo jibigen ser dimbou di bie ug ei Allah Ninyeng Tak Kepti. Jenti jicoi kak dimbou hui dima bi lene jibigen ser yo di ijoi sut icoi nya. [

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 11:26

Niabiati Barnabas um Saulus lene noni buwak noni bingkwei hanyen kwei ei minu ndig Antiokhia leu api ibong bit yo di inggre kin mbusyamei mem ari bingwam nitindur gom bingginau tungwatu imang bibor. Mpe dima cem tungwatu nya kindi ijem yo di ingon jo kep nya ei minu ndig Antiokhia inyeng Kresten.

KISAH 11:29

Gima rino yo di ibit Yesus ice tut yam hyet bikwas mitiei tut isut bat yo di ingon jo kep nya ei hanjop Yudea. Bikwop tungwagom-gom kwas mitiei bit leu nimati nya.

KISAH 2:41

Tungwatu ningot ndig ingon jo kep Petrus nihyet leu api igyai nitur yok ei minyeiti. Yo dini imangti ibou sribu ningai ba, iba yo bikum yo di ingon jo kep nya ei njap gom ndia.

KISAH 2:45

Yo di inyeng tut dihyei hanjop nsi nya kin ndigban itri kep mun dima yok bibipek mitiei leu api ikwas mitiei dima tut yo di ingon jo kep di ihwap mbum nya.

KISAH 2:47

Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.

KISAH 4:35

bigyai bak yo di igya kui Yesus leu api yoni ikwas mitiei dima tut yo di ihwap mbum nya.

KISAH 4:4

Noro tungwatu ningot ndig di imiap nihyet di yo di igya kui Yesus ingginau yok tut dima imang bibor ingon jo kep. Apino yo di ingon jo kep nya ibikum eisi bu ba, imangti ibou sribu muhwi.

KISAH 5:14

Jei bi lene pinai nya kin sop nya imang bibor ingon jo kep Tuhan sindam apino ibikum ei yo di ingon jo kep nya imangti.

KISAH 5:28

“Nipou ne nisok kep je ngkiem ser bipia ma jitri tut Yesus ningginau jeti bak tungwatu nya au. Ma jiba jingon srip bram mun di jiyai dima yok i! Jide ningginausi digek kep minu ndig Yerusalem ba, jimbres kep nye tut Yesus nimaisi cem!”

KISAH 6:2

Gima rino yo di igya kui Yesus ibou simnaibrimigcan induk yo di ibit Yesus yahagom kwei bipai biyok “Dem tut gima nikes hon midyai nitri tut Allah Nihyetti leu ba, niyai midyai nikwas njita tut kibom nya bi.

KISAH 6:7

Tug hon nisinati dima lene Allah Nihyet kieng kep minu dima hagom. Yo di ibit Yesus imang ndig hi kin yok bu ei minu ndig Yerusalem ba, imam nya cem imang bibor iba ingon com Yesus.

KISAH 9:29

Noni mbrap bit mben Yahudi di imbrap nihyet Yunani lene iba ighyet dahat yam noro yoni igyok ingon gom mem noni.

KISAH 9:39

Petrus kiju bibit yok hak. Tirigi noni kwei krau minu ndig Yope lene yo dima ibuwak noni ug ei nghim nsi di jo anai ei ig di jo-jo yam dip dima. Lene sop kibom nya di ingat rin ei mpia dima inggreu kep noni bipim kep nimai cem ba, indo sinsun ninda kin sinsun dut di jei di Dorkas nap di bitri tungwatu nya tirigi niyaisi jo yo bak Petrus.

KISAH 9:41

Lene Petrus mpu noni bibrim ninda bikiju biya. Leu api noni hig yo di ingon jo kep nya bitut kibom pima yok cem yahagom kwei lene kes Dorkas di niyaijo hanyen biyok.

ROMA 12:7

Suar no di yai nisindemti mem gima mpu tungwatu nya mpu yok hak ug. Suar no di yai nisindemti mem gima ngginau tungwatu nya ngginau yok hak ug.

KORINTUS GI NIGOM 10:10

Harin dima ilua sok nok gi yoni ilua sok a. Lewo Malaikati di ninyeng tak kep Nimai bindei ba, imai drek dip.

KORINTUS GI NICAN 11:22

Apo yoni ne timiei Ibrani rin e? Dani cem timiei Ibrani. Apo yoni ne timiei mben Israel rin e? Dani cem timiei mben Israel. Apo yoni intun Abraham him e? Dani cem dintun Abraham him.

NINDAT KEP TUHAN NICUKTI NYA 26:12

Ma jikwas jide njita gom leu ningot gom, gom leu ningot gom lene nok mbigom tut yo di intun Lewi him kin ngkiai nya kin moibihi nya kin kibom nya yahagom bikwop ari bingwam niningai leu binhyepo njita midem mem yok ei jide minu ttou nsi nya hagom. Tirigi jiyai nok gini tu,

FILIPI 3:5

Tirigi ditde njap ug ei njap muhwindaningai lene dicoi bit midut sunat ba, dani ne timiei mben Israel rin tug hon disrekti. Ditde pung kim keret Benyamin ba, didigup bat-didigai bat nya yahagom intun mben Ibrani him. Ba, dibit Puig Yahudi niggai serti nya hagom lewo dinggre kin nimpung Farisi nya.

TIMOTIUS GI NIGOM 5:3

Ma aba angon di gom binyohou sop kibom di iwer kibom nijit nya.

TIMOTIUS GI NIGOM 5:9

Ma asindui sut sop kibom dino nide njap ug ei ari bingwam ningot muhwindagom bigyo ninyeng tibim kin kibom nindigsi di akwop inyeng dima au. Tut kibom di akwop ninyeng ne suar noni nggre kin sop nya di iwak ijjep gom ngat he

IBRANI 13:1

Ma jingon ngakei yam kikau bit leu nok yo di Kresten di ikinjoi bat yam.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.

YAKOBUS 4:5

Jikan tut bipia Allah nihyet di nijit pai “Allah Ninnei di Noni hi bikes ei nyeni ingonti ne joi sut biboudut tut.”

YAKOBUS 5:9

He disut bat jen, ma jinso yam bijinjei kep yam nyen-nyen au leu binhyepo Allah kes hukum ei je dip bi. Lewo Nikei dima ttau ei dimbou heisi kwei su.