KISAH 5:9 - ALLAH NIHYET MEM TUNGWATU NYA

⁹ Lene Petrus hig pus noni “Nggon rino ajjep jeni jikos tut gi jiris bak Tuhan Ninnei i? Atou kep! Pinjoi pilei nya di itig ajjep ningut nogindi pa ittau hanyen ei dimbou heisi tu. Yoni mikon nani cem angut leu ig bei dini ug ri.”

KISAH 5:9 ပူးပေါင်းရင်းမြစ်များ

NITRITI 20:13

Tirigi po Allah cuk da kwei leu ditimieisi ba, dibong-bong nyen ei dingkiaisi dini lene dicuk Sara bipia ando angon di gom tut da tug hon gima atri tut bak tungwatu nya bipia akijam ridani.”

NIBOU NDIG NYA GI NICAN 6:32

Lene noni cuk tungwagom ug buwak Elisa kwei. Mpe dima lene Elisa gwam nide ig bit timiei minu dima di inyeng jei nya ibou poi di ikwei cem kep noni. Lene Elisa pai biyok “No di hwen mun igkei pima sindi cuk tungwagom kwei mem gima yai nimai bida ri! Tirigi no dima kwei krau lene ma jinggam mbou ser nhyema noni coi kwei au lewo nibou ndig nonti miya abia kep noni bu.”

MAZMUR 50:18

Jijem jisut bit no di nggimang igkei bijibit tut niyaisi bijibicom yam bit yo di iba yoho rok nicut tut hi nitnemti nya cem.

MAZMUR 78:56

Noro mben Israel yaham imbuk kep Allah ba, ibingon Allah Di Ninyeng Jei ningonti ba, igibit Nide nicukti nya bi.

NEHEI LEUSI 17:2

Gima rino inso-nso nyen tut bak Musa bipai “Ayai minyei hi binidut ug e!” Lene Musa buhup “Nggon rino jinso-nso nyen nok gima ba, jibingon tuhan i?”

NEHEI LEUSI 17:7

Lene ijem mpia dima ninyeng Masa lewo mben Israel ibingon tuhan ei sirima tirigi po ihig-hig nyen nok gini “tuhan hi kin nyeni e, he bi e,” pima. Lene ijem mpia dima ninyeng hi Meriba lewo inso-nso nyen ei sirima.

NIPINGOK NINGONTI 11:21

Ningat ne no di sibut mitug ndei hukum. Noro no di ningon sren miningwes ngun.

NIPINGOK NINGONTI 16:5

tuhan ningon sibui sut yo di illei-lau nya. Noni misindui sut ba, ingwes ngun leu hukum bi sren.

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.

MBEN ISRAEL IMBUT-MBUT NYEN 14:22

bit bon yo dini ingat minu di dipreu ei mem idigup bat-idigai bat nya bou igyai him bi sren. Mbro nok gino ingat Ditde nikei-kau-keisi kin mun di mindur di dibon mem yok ei minu Mesir kin iggum ndigsi cem lo, ibingon-ngon nyen Da ba, ibit dihyet bi cem ninno tu.

MATIUS 4:7

Lene Yesus pai bu “Allah Nihyet pai ‘Ma jibingon Tuhan di nok jide Allah au.’ ”

LUKAS 16:2

Gima rino andigpoi hig nide mindor kwei bihig ser noni ‘Anghapti di tibim kwei bida nijit-jau e? Ma apas kep tut ade midyai ninyohou ditde ndigbanti dima hagom ei srat laporanti ba, ayai bida. Bit bon dijem anyeng mindor di nyohou ditde mitiei kin ndigban bu bi.’

KISAH 15:10

Nggon rino jisrep tut Allah ningon kanti tug hon mun di buhun di jikes ei yo dima inghat dip i? Lewo bit bon nyeni ide pung di intun him nya kin nyeni cem ibiang mun dima kan bi.

KISAH 5:6

Leu api pinjoi pilei nya ibou poi icoi kwei ba, ikon Ananias ningut binggai ei sreti leu api yehei sut bitig.

ROMA 10:15

Notou hi tri tut nihyet gino Allah cuk noni bi i? Lewo Allah Nihyet pai “Yo di ikwei sut Nihyet Di Kei leu Allah inghapti biyai tungwatu nya ingon kei bibor!”

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

KORINTUS GI NIGOM 10:9

Harin dima iba ide sisar di yoni ibon nya bibingon Allah nisingat tut nyeti noyam kin yo ngot ndig dima. Lewo wou piet nya yaham yok bimai drek dip.