KISAH 5:41 - ALLAH NIHYET MEM TUNGWATU NYA

⁴¹ Petrus kin Yohanes iba ingon di llei bibor behei leu Nikei Puig Yahudi ikieti lewo ingat bipia Allah ba ningon com yok tut gima igyai ninghuisi wei drek dip Yesus tu.

KISAH 5:41 ပူးပေါင်းရင်းမြစ်များ

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YESAYA 65:14

Ningat ne yoni miba ingon di nggei-hi-nggei bimbos-hi-mbos nyen noro jiba jingon di ngguk bibor bipim.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

YOHANES 15:21

Yoni ibibon je nok gima drek dip gi jibit Da lewo ikan tut No di cuk Da kwei bi.

KISAH 21:13

Noro Paulus buhup “Nggon rino jipim kep da ba, jibiyai dingon pus tut je i? Ditin ei mem ikat da ei minu ndig Yerusalem he bi noro mem diyai nimai drek dip Tuhan Yesus cem.”

KISAH 5:21

Gima rino yo di igya kui Yesus ibit nihyet ba, yuug coi ei Tuhan De Ig hanyen mem gwam ntuisi leu api ikinyon ei ningginau tungwatuti. Mpe dima lene Imam Nibou Ndig kin nide limwa nya induk Nikei Puig Yahudi Nya kin nibou kintrorti nya yahagom kwei ei gom. Leu api isok ighyet ug ei ig bui nsi leu binhyepo yo di igya ser nya ibuwak yo di igya kui Yesus kwei.

ROMA 5:3

Lene gima he bi. Ingon llei bibor drek dip mun di bindei nyeni inghuisi wei lewo ikan tut bipia ninghuisi wei di cut igkep nye dima bindei ba, iba ibou coi mem mun nyeng hagom.

KORINTUS GI NICAN 12:10

Gima rino dingon cut hon ninghuisi wei di cut igkep da drek dip Kristus. Dinghuisi weisi kin tungwatu nya ighyet tigut dati kin mun di buhun di cut igkep dati kin tungwatu nya di ihwen bit dati hagom buhun mem da bi. Lewo mpe dino ditde nisindemti ngwig leu da lene Kristus sindem tut da.

FILIPI 1:29

Lewo Noni singat tut je ba, ubon je nok awak mem Kristus leu binhyepo jiba jingon com Noni he bi noro jiyai ninghuisi wei drek dip Noni.

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

YAKOBUS 1:2

Disut bat jen, gino mun di buhun di ter leu yam hi gom hi gom cut igkep je lene ma jingon llei sut,

YOHANES GI NININGAI 1:7

Yo dima ittei yam leu binhyepo igyai kep midyai mem Kristus lo, igyai mun di bahati tut yonti leu yo di ninghim Kristus bi.