KISAH 5:20 - ALLAH NIHYET MEM TUNGWATU NYA

²⁰ “Ma juug coi ei Tuhan De Ig hanyen bijitri tut puig di bie ndam niyaijo nijep bak tungwatu nya di ingat rin ei mpia dima.”

KISAH 5:20 ပူးပေါင်းရင်းမြစ်များ

YOHANES 6:63

Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

MATIUS 21:23

Tirigi Yesus kwei krau Tuhan De Ig hanyen ba, tri tut nihyet lene imam nindig nya kin nibou mben Yahudi nya ikwei hig ser Noni “Mindur di abon pima tug hon tou ninyeng i? Tou risindem tut Na i?”

KISAH 11:14

Noni mitri tut nihyet di bindei ba, nani kin ade ig bei nsi nya jahagom jiyai niteu leu sisarti kin niyaijo nijep.’ ”

YOHANES 18:20

Yesus buhup “Ditri tut nihyet brei bak tungwatu nya yahagom ei biyati kin jide ig mbusyamei kin Tuhan De Ig di nok mpia di tungwatu nya yahagom induk yam kikep eisi cem. Diku mimun tut nihyet di ditri tut biyok bi sren.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 12:50

Ba, dikan tut bipia nicukti dima bindei ba, tungwatu nya igyai niyaijo nijep di jo kikau. Ditri tut nihyet di Dicig ngginau Da tut.”

YEREMIA 36:10

Lene Barukh kwop kep srat bokti di dipai binoni di pas ei srat kijumti dima hagom brei biyok ba, imiap. Noni kwop kep srat bokti dima tirigi noni ya kui Gemarya di Safan nipmot de kintrorti ei tuhan De Ig. Safan dima ya kui imam nya binok ide sekertaris. Gemarya de kintrorti jo dideu mpia di jo bas hak di iba ngug tig bikrop ttai nite bei tuhan De Ig nijjai dideu puig di bie ug ei Dimbou Pmem Nijep.

YEREMIA 26:2

tuhan pai bida “Ma aug ya ei ninsi di jo bas hak ei tuhan De Ig leu api atri tut dicuk nati nya hagom bak tungwatu nya di ikwei leu minu mien nya ei minu Yehuda di ikwei kuk yok biDa. Ma akos dicuk nati dima poi mien cem leu au.

YEREMIA 7:2

buug biya kui dimbou pmem ei tuhan De Ig lene tri tut biyok “Je di timiei minu Yehuda di jicoi ug jicoi kwei nyen ei dimbou pmem dini bijikuk je bak tuhan e, ma jingig jitingou mem tuhan nihyet.

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

NEHEI LEUSI 24:3

Lene Musa ug tri tut tuhan nicukti kin nikos tutti nya hagom bak nide limwa nya apino yahagom ibuhup nihyet nok gi gom bipai “Minibit leu nok tuhan nicuk nyeti hagom hak ug.”

YEHEZKIEL 33:7

Na di tungwatu di ayaijo kikau bi e, dita nani ba, anok no di ya ser mben Israel ide siceu nya ikweisi. Ma atri tut mun di disok ei na dip dini biyok.

MATIUS 10:27

Mun di dimbot kep bije ei nidinditi lene ma jitri tut hanyen brei bak tungwatu nya. Ba, mun di tibim nyahan ei jitingou nsi lene ma jitri tut hanyen ei simpak nahau yamti!

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.