KISAH 5:14 - ALLAH NIHYET MEM TUNGWATU NYA

¹⁴ Jei bi lene pinai nya kin sop nya imang bibor ingon jo kep Tuhan sindam apino ibikum ei yo di ingon jo kep nya imangti.

KISAH 5:14 ပူးပေါင်းရင်းမြစ်များ

SAMUEL GI NICAN 6:19

Leu api noni kwas njita tut yahagom. Noni yai mikwau di noni bam ei su ninggriet gom kin roti nindak gom kin roti nyop di biei ngat kismis joti nindak gom ba, ba gima bikwop pinai nya kin sop nya yahagom. Lene yahagom ingkwei hanyen ug ei ide ig.

EZRA 10:1

Tirigi Ezra ba nipim bingat nadi bipai jit sisar ei tuhan De Ig nuhui cem bisri lene limwa Israel nya imang bibor idem yam. Yo dima ne pinai nya kin sop nya kin munggwom nya cem. Nimpung dini yahagom ikwei ngwig ttai Ezra bipim nggruet bit noni cem.

NEHEMIA 8:2

Gima rino noni ug yai srat dima bikwei sut ei biyati dima. Pinai nya kin sop nya kin munggwom nya di imbusyam ei mpia dima wer imahan ba, yahagom intin kimbo tu.

NEHEI LEUSI 35:22

Bikwop yo di ingon huk niti nok pinai nya kin sop nya ipwoi ide piniki kin mitingou him mas kin srak mas kin miep kin mimau mas nindigsi nya hagom kwei bidimig ei mem tuhan.

YESAYA 45:24

Yo dima mipai ‘Ningon kwesti kin nisindemti kwei leu tuhan Nongkom!’ Yo di ingon mpo tut Da mikwei ya ei Doho bei bimmai sut yonti.

KISAH 11:24

Allah Ninnei sindem tut Barnabas biyai ningon di singat kin ningon di gom cem. Gima rino Barnabas bindei ba, tungwatu imang bibor itti kin Tuhan bibit nihyet.

KISAH 2:41

Tungwatu ningot ndig ingon jo kep Petrus nihyet leu api igyai nitur yok ei minyeiti. Yo dini imangti ibou sribu ningai ba, iba yo bikum yo di ingon jo kep nya ei njap gom ndia.

KISAH 2:47

Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.

KISAH 22:4

Dihwen bit yo di itti kin Ninjei Bit Krestenti bidibindei bimai. Dikat pinai nya kin sop nya bidinggam yok ei ig bui nsi.

KISAH 4:4

Noro tungwatu ningot ndig di imiap nihyet di yo di igya kui Yesus ingginau yok tut dima imang bibor ingon jo kep. Apino yo di ingon jo kep nya ibikum eisi bu ba, imangti ibou sribu muhwi.

KISAH 6:7

Tug hon nisinati dima lene Allah Nihyet kieng kep minu dima hagom. Yo di ibit Yesus imang ndig hi kin yok bu ei minu ndig Yerusalem ba, imam nya cem imang bibor iba ingon com Yesus.

KISAH 8:12

Noro Filipus tri tut Nihyet Di Kei tut Allah Ninyeng Tak Kepti kin Yesus Kristus di Nibou Ndig di teu tungwatu biyai niyaijo nijep biyok. Lene pinai nya kin sop nya ingon jo kep Filipus nihyet leu api itur yok ei minyeiti.

KISAH 8:3

Noro Saulus hwen kikep yo di inggre kin mbusyamei binggek yok. Noni ug cut igkep yok ei ide ig bei sindam leu api kat pinai nya kin sop nya binggam yok ei ig bui nsi.

KISAH 9:2

bahara noni tut srat nisindemti mem noni pwoi buug sut ei minu ndig Damsyik leu binhyepo nibou mbusyamei Yahudi nya ei minu ndig dima ice tut gi noni nggok ser yo di ingon jo kep Yesus bikat pinai nya kin sop nya cem bibuwak yok hanyen kwei ei minu ndig Yerusalem.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

KISAH 9:35

Timiei minu ndig Lida kin Saron yahagom ingat Eneas di mbut-mbut nyen bou igyai him leu api ingon jo kep Tuhan.

KISAH 9:42

Ninghapti tibim tut mindur dima kikau bikieng kep minu ndig Yope nisurti-nipekti leu api tungwatu imang bibor ingon jo kep bipia Yesus ne Nibou Ndig di teu yok leu sisar biyai niyaijo nijep biyok ri.

KORINTUS GI NICAN 6:15

Bit bon Kristus kin Bilis ice tut yam kan bi. Bit bon yo di ingon jo kep nya kin yo di ingon jo kep bi nya ingon noyam kan bi.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.