KISAH 5:11 - ALLAH NIHYET MEM TUNGWATU NYA

¹¹ Apino yo di inggre kin mbusyamei yahagom kin tungwatu nindigsi di imiap ninghapti tut cem inghuisi mpig sut.

KISAH 5:11 ပူးပေါင်းရင်းမြစ်များ

MAZMUR 89:7

tuhan e, hiter noyam kin Nani ei mpia-bbed him bi. Ade awak di apai tes nya ei gwamti hi dem kep nok Nani bi.

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

KISAH 19:17

Mben Yahudi kin ngkiai nya yahagom di ibong ei minu ndig Efesus imiap yo dima inghapti lene idigit tut. Mun di pek kep dima bindei ba, tungwatu nya inggei sut tuhan Yesus nindig bibor.

KISAH 2:43

Yo di igya kui Yesus ibibon mindur kin bindo mang bibor bikwop njap-njap apino tungwatu nya yahagom inggap leu ba, idigit tut cem.

KISAH 5:5

Hammi tirigi Ananias miap Petrus nipaisi nok rino noni tti ug ei dihyeisi bimai hak ug. Lene yo di imiap ninghapti tut gima idigit tut nindig bibor.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

FILIPI 2:12

Gima rino disut bat di dingon kieti jen, nipou tirigi dingat rin bit je ne jibit dihyet. Tini bu tirigi dibong minu ting leu je lene ma jibit dihyet dor njiriek bu lewo gini bon ninyeng mem je. Allah teu je leu sisar bijiyai niyaijo nijep tu. Noro ma jiba ningon di gom tut Noni kin nibit ningon kanti mem je binyohou jide niyaijo nijep kikau,

IBRANI 11:7

Niba ningon comti bindei ba, Nuh ngig nitingou mem mun di Allah sok kep noni tut mun di mipek kep ei nidipti bu di bit bon noni ngat bou niyai him kan bi. Noni bit Allah nihyet ba, bibon kibar di bindei ba, noni kin nide bat nya yahagom ingwes ngun leu minyei di su. Apino tungwatu dihyeisi dini hagom itug ndei hukum noro Allah pai sut Nuh bipia ningon sren lewo ba ningon com Allah.

IBRANI 12:15

Ma jisok kep yam leu binhyepo hi ngkwei hanyen leu Allah nisingat tut nyeti au. Ma jisok kep yam leu binhyepo jiwer krisieu nikioi di hei ei jikieti di pu imang bibor bibindei ba, sisar srou yok au.

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

IBRANI 4:1

Allah nipreu ei mem nyeti jo kikau kwei bipek ammani kep ba, Noni bon nituti mem icoi ug ei mpia dima bibong kep inghuisi bit Noni. Ma jisok kep jenti ser nhyema jigom krau tunggwei puig bicoi ei mpia di ibong kep inghuisi eisi di Noni preu ei mem nye dima bi au.

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

NINGAT-HI-NGAT NYA 15:4

Tuhan e, tou rino ttin tut Nani bi i? Tou rino kou sut gima tri tut anyeng di jei bibor i? Nangkom akwes-kwau. Tungwatu dihyeisi hagom mikwei kuk yok ei amig him binggei sut Na lewo ayai munti nya di sren-srau jo nibreisi ba, yahagom ingat bou igyai him tu.”