KISAH 4:34 - ALLAH NIHYET MEM TUNGWATU NYA

³⁴ Hi di srig yo di ingon jo kep nya ikieti nuhwap mbum bi. Lewo yo di inyeng tut dihyei hanjop nsi kin ig nya itri mun dima yok bibipek mitiei leu api ipwoi mitiei dima kwei,

KISAH 4:34 ပူးပေါင်းရင်းမြစ်များ

MATIUS 19:21

Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

MARKUS 10:21

Yesus tou kep noni nggilun bingondut lene pai binoni “Atunggwei sut mun nyeng gom ngat he. Ma atri ade ndigban hagom ba, abipek mitiei leu api akwas hagom tut yo di yuhui mbum nya leu binhyepo abikum ei ade mun di keiti mem nanti ei gwamti. Ayai gima bidem leu api akwei bit Da.”

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 16:9

Lene Yesus binut nihyet bipai “Jimiap e? Suar jiba mun di pror yon bibrim tungwatu nya ba, ihig isut bit je leu binhyepo tirigi ndigban dihyeisi dini bon ninyeng bu bi lene Allah micigit je kui ig di jo ninno bijo kikau.

LUKAS 22:35

Niabiati bu ne Yesus hig ser yok “Tirigi po dicuk je ba, jintek gimahap tut Nihyet Di Kei pima ne dipai ser je bipia ma jittei bangdop kin minai kin srop au. Mpe dima lene jisuar mun nyeng hi e?” Lene ibuhup “Nisuar mun nyeng hi bi.”

KISAH 2:45

Yo di inyeng tut dihyei hanjop nsi nya kin ndigban itri kep mun dima yok bibipek mitiei leu api ikwas mitiei dima tut yo di ingon jo kep di ihwap mbum nya.

KISAH 4:37

di tri nide dihyei hanjop nsi gom bibipek mitiei lene pwoi mitiei dima kwei biyai bak yo di igya kui Yesus.

KORINTUS GI NICAN 8:14

jiba jide mun di jimati di dem bidor njiriek mem je bahati tut nuhui mbum nya. Gino juhui mbum ei nidipti bu ne dem tut gima yoni iba ide mun di imati di dem bidor njiriek mem yok bahati tut jeni bu. Tug hon nisinati dima yahagom ingondut yam.

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

TESALONIKA GI NIGOM 4:12

Gino jahagom jiyaijo nok gima lene jitindei kep yo di hiter indati tut mun di bahati tut je bi. Gi nok ne yo di ingon jo kep Kristus bi nya mikon jinyenga.

TIMOTIUS GI NIGOM 6:19

Tug hon nisinati dima lene yoni minju mun di kei di pror yon kan bi keyam binok nitriti mem nijam di nidipti bu. Leu api idem mem gima igyai niyaijo nijep di jo kikau ba, niyaijo dima ne niyaijo di nijit-jau ri.

YAKOBUS 1:27

Allah kan tut yo di ibit Nonti ningon kanti mem yok nya rinok gini. Inyohou moibihi nya kin sop kibom di ihwap mbum nya cem ba, ingon hek tut yonti ser nhyema mun di suwok ei dihyeisi dini rap yok bi.