KISAH 4:29 - ALLAH NIHYET MEM TUNGWATU NYA

²⁹ Na di Tuhan e, nogindini angig ayai kep yo dima icug nyeti nya. Ba, ampu Ade awak di nyeni leu binhyepo nibrim ningkek tut nihyet Ade bak tungwatu nya.

KISAH 4:29 ပူးပေါင်းရင်းမြစ်များ

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

NIBWOS-BWOS NYENTI 3:50

bibou Na di tuhan ei gwamti angig ayai kep nye ug e.

NIBWOS-BWOS NYENTI 5:1

tuhan e, ma ayok ngon kep mun di cut igkep nye o! Ma atou kep nye ba, angat niwer mindheti o!

YEHEZKIEL 2:6

Na di tungwatu di ayaijo kikau bi e, ma attin tut yo di ingkek ndok dima yok kin ighyet au. Mbro nok gino isrep tut bingwes om kep na ba, gima noyam kin gino abong bit amai nggre nya lo, ma attin tut yok au.

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

MIKHA 3:8

Noro tut danti ne tuhan kes ninnei kin Nide nisindemti ei dingonti bipingok dingonti tut nisren-srausi. Noni bindei ba, mimbri kui dingkek leu binhyepo dindo mben Israel igyai munti di mbuk bibor brei biyok.

KISAH 13:46

Noro Paulus kin Barnabas ibrim ingkek kep yok bibuhup “Suar nitri tut Allah nihyet bije nipou bibie ug e. Noro jenti jikos tut bipia jidem mem jiyai niyaijo nijep bi drek dip gi jikou sut nihyet dima. Gima rino nogindini nikes je ei leu ba, nitri tut nihyet bak ngkiai nya.

KISAH 14:3

Gima rino Paulus kin Barnabas ibong ei sirima mem ari nitindur poi lene iba iji nghai bitri tut Tuhan. Leu api Tuhan ndo bindo brei bak tungwatu nya bipia nihyet tut Tuhan nisingat tut yokti di Paulus kin Barnabas itri tut dima ne nijit ri. Noni sindem tut Paulus kin Barnabas leu binhyepo ibibon mindur kin bindo.

KISAH 19:8

Paulus ug cem kep mben Yahudi ei ide ig mbusyamei lene ba niji nghai bitri tut nihyet biyok mem bed ningai. Noni ba nihyet bidahat yok leu binhyepo ingon huk niti tut Allah ninyeng tak kepti.

KISAH 26:26

Na di Nibou Ndig Agripa akan tut mun dini yok hagom tu. Gima rino dibrim dingkek kep na lewo dikan tut bipia nihyet di ditri tut dima hagom jo nibreisi mem na di Nibou Ndig. Mun di ditri tut dima hagom pek kep ei nidinditi bi.

KISAH 28:31

brim ningkek kep yo dima tirigi noni tri tut nihyet tut Allah Ninyeng Tak Kepti ba, ngginau yok tut Tuhan Yesus Kristus cem. Tirigi noni yai kep midyai dima lene kwes mem noni ba, hi cuon ser noni tut bi.

KISAH 4:13

Nikei Puig Yahudi Nya inggap leu tut Petrus kin Yohanes di iji ngkiem nok gima. Ikan tut bipia yo cin dini igyai inyeng bicoi pikor cem bi. Lene jo nibreisi mem Nikei Puig Yahudi Nya bipia yo cin dini ne yo di igya kui Yesus ri.

KISAH 4:21

Bit bon Nikei Puig Yahudi Nya ipai mun bibisu tindei mem gima igyai ninghuisi di wei bak yo cin kan bi. Gima rino ikon ighyet kep yok mbigom kin bu leu api ikes yok nyahan bimbut lewo tungwatu yahagom inggei sut Allah tut mindur di pek kep mem no dima.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

KISAH 9:27

Noro Barnabas ngondut Saulus bibuwak noni kwei ei yo di igya kui Yesus ikieti biya hacan mem noni. Barnabas pui sut Saulus nuum Tuhan ei puig sinon dideu minu ndig Damsyik bipui sut Tuhan nimbrap bit noniti kin niba niji ngkiem bibrim ningkek mem Yesus ei minu ndig Damsyik cem hagom biyok.

KISAH 9:28

Gima rino Saulus bong bit yok. Lene ba niji ngkiem bitri tut nihyet tug hon Tuhan ninyeng bidem minu ndig Yerusalem nisurti-nipekti.

KORINTUS GI NIGOM 14:13

Gima rino ma no di ba nihyet mindur bimbrap ngat nadi leu binhyepo noni yai nisindemti mem gima luei nihyet mindur dima hanyen brei bak tungwatu nya.

KORINTUS GI NICAN 3:12

Gima rino nibrim ningkek kep tungwatu nya lewo niba ningon com mun di jo kikau buug hon nohonti bi dima.

FILIPI 1:14

Disima ei ig bui nsi lo, gini biyai nisindem bak yo di Kresten imang bibor ei minu ndig dini leu api ibikum ei ide niba ningon com Tuhanti. Iba ingon di nddong kei bibrim ingkek kep tungwatu nya bitri tut Nihyet Di Kei cem.

TESALONIKA GI NIGOM 2:2

Ba, jikan tut bipia nipou tirigi nihwou ngat je ei minu ndig Tesalonika bigyo ne timiei minu ndig Filipi ihwen bit nye bikucang nye cem. Mbro nok gino tungwatu nya itte tut nye nindig bibor lo, ide Allah bindei ba, nibrim ningkek kep je binitri tut Nihyet Di Kei di kwei leu Nonti bije.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.