KISAH 4:28 - ALLAH NIHYET MEM TUNGWATU NYA

²⁸ Idem yam leu binhyepo igyai mun di hagom bit leu nok akos tutti nipou su tut mun di micut igkep Noni. Ba, akos tut mun di mipek kep nya hagom tug hon Ade nisindemti kin angon kanti.

KISAH 4:28 ပူးပေါင်းရင်းမြစ်များ

NITRITI 50:20

Mbro nok gino jiyok jingon gom mem gima jimbuk tut da pima lo, Allah bindei jide mun di mbuk dima bie ug ei mun di kei biborti. Leu binhyepo Noni binyohou tungwatu nya imang bibor bimai bi tug hon mun di cut igkep da.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

NIPINGOK NINGONTI 21:30

Tungwatu nya ide ningon tekti kin ide nintin kimboti kin ide ningon kiti jo binghig ei tuhan Noho bei bi sren.

YESAYA 14:24

tuhan Di Ninyeng Jei Bibor ba neheng bipai “Mun di dikos tut tu mimbut bipek kep.

YESAYA 28:29

Ningon ki tut niyaisi dima kwei leu tuhan Di Ninyeng Jei Bibor. tuhan ba nikan bidem nibon munti bitin ei ningon kanti mem mun di hagom bidem kei. Ba, ningat ntun him Nide ningon kanti di tin ei nya hagom.

YESAYA 37:26

Agimiap tut gi dikos tut dingon kanti dima yok habiei nipou yo kwei su bigyo sren e? Tini bu ne diyai mun bipek kep dingon kanti dima ri. Dani rino diyai nisindemti dima bina dino abiya kep minu ndig di bon tentara nibousi di igya coi nya di timek ba, wer ig kum kroi cem ug a.

YESAYA 40:13

Tou risindem mem gima bie tut tuhan i? Tou risindem mem gima ngginau Noni bipingok ningonti i?

YESAYA 46:10

Habiei ei nimbie him lene dimbot kep tut mun gi nidipti. Habiei ei nimbie him ne ditri tut mun di mipek kep mem tungwatu nya. Dipai bipia dikos tutti nya mipek kep mem tungwatu nya ba, midiyai hagom bit leu dingon kanti.

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

YESAYA 53:10

tuhan pai ditde awak yai ninghuisi wei bit leu dingon kanti leu binhyepo nimaisi midem kep nok midut nibikos ser sisarti. Gima rino noni mingat nide nintun him yamti di bram yam nya bou niyai him lewo nide njap jei bibor. tuhan ningon kanti mipek kep tug hon noni.

MATIUS 26:24

Munggwom Tungwatu Nipmot miyai nimai bit leu nok Allah Nihyet pai sut Noni. Noro aye! Notou mem no di tri Munggwom Tungwatu Nipmot i? Gi kei rino no dima nipmem srek tut noni habiei bi sren!”

MATIUS 26:54

Noro gino diyai nok lene notou mun di Allah Nihyet preu kep nye tut mipek kep mem nye nogindini i?”

LUKAS 22:22

Munggwom Tungwatu Nipmot miyai nimai bit leu Allah nikos tutti mem Noni. Noro aye! Buhun bibor mem no di tri Noni!”

KISAH 2:23

Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib.

KISAH 3:18

Allah mbot kep nihyet tug hon nabi nya yahagom yuhui him mimbrek ngan tu bipai ‘Nibou Ndig di teu tungwatu biyai niyaijo nijep biyok di dipreu ei mem yok miyai ninghuisi wei.’ Nok rino Allah bindei ba, mun dini yok hagom cut igkep Yesus tu.

EFESUS 1:11

Allah bindei ba, mun di hagom pek kep mem tungwatu nya bit leu Nonti ningon kanti kin nikos tutti. Noni dimig nye habiei ei nimbie him bibindei ba, inok Nide limwa nya tug hon ide ninok gom kin Kristusti ba, niyaisi dini ntun ningon kanti him.

IBRANI 6:17

Allah joi sut bipia yo di Noni preu ei mem yok nya ikan tut bipia Noni miluei ningonti tut nipreu eisi dima hanyen bi. Gima rino Noni ba neheng bipreu ei mem yok.