KISAH 4:26 - ALLAH NIHYET MEM TUNGWATU NYA

²⁶ Nibou ndig dihyeisi dini injei siceu ba, yo di inyeng jei nya igyok ingon gom cem leu binhyepo itte tut Tuhan kin Nide Nibou Ndig di teu tungwatu biyai niyaijo nijep biyok.’

KISAH 4:26 ပူးပေါင်းရင်းမြစ်များ

MAZMUR 2:1

Nggon rino ngkiai nya ei dihyeisi dini yuhum yam nsi mem gima yaham imbuk kep Allah i? Nggon rino keret dihyeisi dini igyok ingon gom mem mun di bon ninyeng bi i?

MAZMUR 2:2

Nibou ndig dihyeisi dini ikiek imig jou tut Tuhan bigyok ingon gom mem Noni kin nibou ndig di Noni ndo ei su.

YESAYA 7:7

Noro Da di tuhan disimbot dat bipia mun di buhun dini micut igkep Ahas bi sren,

DANIEL 9:24

Allah kos tut bipia ug ei nijam ari bingwam nitindur sratus bitai ningot muhwindatai ne Noni kwek asut bat mben Israel nya kin jide minu ndig di kwes-kwau dima leu sisar kin mun di mbuk nya ri. Noni kos ser sisar leu api ta ninyeng tak kepti di sren-srau di jo ninno bijo kikau leu binhyepo ningat-hi-ngat bitut nimbot kepti dima dem igbit ba, Nide limwa nya ipiga tuhan De Ig di kwes-kwau hanyen ei mem Noni.

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

IBRANI 1:9

Angat angwes ei yo di ingon sren nyati noro angon mpo tut yo di isibut nya. Gima rino Tuhan di nok Ade Allah dimig Na leu binhyepo bindei ba, ayai ningon llei biborti tug hon anyeng di jei dor njiriek asut bat nya.”

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 12:10

Leu api dimiap nihyet di nindig bibor ei gwamti di pai “Nogindini ne tto bou dem mem Allah teu Nide limwa nya ri! Nogindini ne Allah ndo Nide nisindemti rin lewo Noni ne Nibou Ndig ri! Nogindini Nide Nibou Ndig di teu tungwatu nya biyai niyaijo nijep biyok ninyeng tak kep dihyei nisurti-nipekti. Lewo Noni njei no di ya ei Allah Noho bei di pai isut bat yo di ingon jo kep nya kinei bikwop mmun-njap leu gwamti tu.

NINGAT-HI-NGAT NYA 17:17

Lewo Allah pingok ingonti leu binhyepo injei siceu bigyai mun bit leu Nonti ningon kanti mem yok. Gima rino ice tut yam bikes ide nisindemti hagom ei mindhe di niten-pos nindati leu binhyepo ninyeng tak kep mun nyeng hagom bibou Allah nikos tutti nya midem ug e.