KISAH 4:1 - ALLAH NIHYET MEM TUNGWATU NYA

¹ Petrus kin Yohanes itri nihyet bak tungwatu ningot ndig pima yok sri lene imam nya ibou poi kin yo di igya ser Tuhan De Ig ide nibou nya kin Saduki nya ibou poi ittau kep yok.

KISAH 4:1 ပူးပေါင်းရင်းမြစ်များ

MATIUS 16:12

Apino yo di igya kui Yesus ingon dorti tut bipia nihyet di sok kep yok dima ne tut roti ninjep di ibiwir tepun bi noro tut Farisi nya kin Saduki nya ighyet.

MATIUS 22:16

Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

MATIUS 27:20

Noro imam nindig nya kin nibou mben Yahudi nya ikes ingon di mbuk tut Yesus bak tungwatu ningot ndig dima yok leu binhyepo yahara Pilatus bipia kes Barabas leu ig bui nsi mem yok leu api jem nimai gau Yesus.

MATIUS 27:41

Nok gima cem imam nindig nya kin guru Puig Yahudi nicukti nya iba ighyet bicig Noni bu,

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 20:1

Mpe di gom bu tirigi Yesus ngginau tungwatu nya bitri tut Allah de Nihyet Di Kei ei Tuhan De Ig lene imam nindig nya kin guru Puig Yahudi nicukti nya kin nibou mben Yahudi nya ittau kep Noni ba,

LUKAS 22:4

Gima rino noni ug ngat imam nindig nya kin yo di igya ser Tuhan De Ig ide nibou nya leu binhyepo isimbot kep biyam tut puig di kei mem noni tri Yesus ei indati.

YOHANES 15:20

Ma jiyok ngon kep mun di dipai bije. Awak nya inyeng jei dor njiriek iceu ninyeng bi. Gino ihwen bit Dani lene mihwen bit jeni cem. Gino ibit Ditde ningginausi lene mibit jide ningginausi cem.

YOHANES 18:3

Gima rino Yudas ug ei mpia dima bibuwak tentara Romawi nimpung gom kin yo di igya ser Tuhan De Ig ibou poi di imam nindig nya kin Farisi nya icuk yok kwei. Ba, yoni ittei ide singau simeda kin mini njeng ba, itin hyem.

KISAH 4:6

Ba, Imam Nibou Ndig Hanas kin Kayafas kin Yohanes kin Aleksander kin Hanas nide bat nya cem yahagom ingat ri.

KISAH 5:17

Gima bindei ba, Imam Nibou Ndig kin nide limwa nya di itti kin nimpung Saduki nya ingon kinei sut yo di igya kui Yesus leu api ibrim ingkek mem itte tut yok.

KISAH 5:24

Tirigi yo di igya ser Tuhan De Ig ide nibou nya kin Nikei Puig Yahudi Nya imiap ipaisi dima lene ingon kiowi tut mun di pek kep mem yo di igya kui Yesus ba, idigit tut.

KISAH 5:26

Gima rino nibou dima ya tut nide limwa nya biyuug buwak yo di igya kui Yesus hanyen kwei lo, imbuk tut yok bi. Lewo idigit tut bipia leu ma tungwatu ningot ndig dima yok iba tig bihwen yok.

KISAH 6:12

Nok gima lene yo di igyati kwes pima ikes ingon bak tungwatu nya ei minu ndig dima kin nibou kintrorti nya kin guru puig timiei nya leu api yuug kat Stefanus bibuwak noni kwei ei Nikei Puig Yahudi nya yoho bei.

KISAH 6:7

Tug hon nisinati dima lene Allah Nihyet kieng kep minu dima hagom. Yo di ibit Yesus imang ndig hi kin yok bu ei minu ndig Yerusalem ba, imam nya cem imang bibor iba ingon com Yesus.