KISAH 3:26 - ALLAH NIHYET MEM TUNGWATU NYA

²⁶ Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

KISAH 3:26 ပူးပေါင်းရင်းမြစ်များ

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

YEREMIA 31:18

Dimiap Ditde limwa mben Israel tirigi iba ingon di buhun hara Da ‘tuhan e, nyeni ninoyam kin mindhe di hi pijuk bigyo noro apingok nyeni ningonti ba, nibit ahyet tu. Nogindini nitin ei mem ningkwei hanyen ndam Na. Gima rino nyende tuhan Allah e, ma aya um nye.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 15:24

Yesus buhup “Dicig cuk Da kwei mem gima dimpu mben Israel he lewo inok domba di srawir nya.”

LUKAS 24:47

Leu api suar tungwatu nya itri tut nittin ser sisar kin nikiek ndam Allahti kin nihyet tut nikos ser sisarti tug hon Nibou Ndig di teu tungwatu nya biyai niyaijo nijep biyok ninyeng bak tungwatu dihyeisi dini hagom lo, ikinyon eisi ei minu ndig Yerusalem bibie ug e.

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.

KISAH 1:8

Noro tirigi Allah Ninnei srek kwei ei jeni dip lene Noni misindem tut je apino mijitri tut mun di jingat bou jiyai him tut Dani ei minu ndig Yerusalem kin hanjop Yudea kin Samaria hagom ba, kikau ug bipek minu nohon keti cem.”

KISAH 13:26

Disut bat je di jintun Abraham him kin je di nindigsi di jikuk je bak Allah e, Allah sok nihyet tut niteu leu sisarti kin niyaijo nijep kwei bak nyeni yahagom.

KISAH 2:24

Noro Allah win Noni hanyen leu yo di imai su nya ikieti bikwek Noni leu nimai di ninyeng tak kep Noni lewo bit bon nimai kat Noni kikau kan bi.

KISAH 2:32

Nahagom ningat bou niyai him bipia Allah win Yesus gom ndia hanyen leu nimai nya ikieti,

KISAH 26:20

Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

KISAH 3:15

Jibindei ba, No di nok nibousi mem niyaijo nijep dima yai nimai. Noro Allah kon Noni hanyen leu nimai eisi. Ningat nikiju hanyenti bou nyeni niyai him tu.

KISAH 3:20

Tuhan mikwei dideu je leu api biwin kep jinnei hanyen. Noni mipinak Yesus di Noni dimig ei nok jide Nibou Ndig di teu tungwatu biyai niyaijo nijep bak tungwatu nya hanyen kwei ndam je.

KISAH 3:22

Musa pai ‘Tuhan di nok jide Allah midimig nabi gom leu jide adig-ajoi nya ikieti bipinak Noni ndam je bit leu nok Noni pinak da dini. Suar jingon bit mun di tibim ei nabi dima nuhui him a.

KISAH 3:25

Disut bat jen, jipek hanjop kin jide pung di jintun him nya tut mun di Allah preu ei mem yok tug hon nabi nya. Lewo Allah pai bak Abraham ‘Midinjei mun di kei bak tungwatu dihyeisi dini yahagom tug hon yo di intun nani him.’ Nipreu eisi dima mem jeni cem.

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

ROMA 15:29

Mpe di dihwou ttau kep je ne dikan tut bipia dikwei sut Kristus De munkwas di bitut jinnei nindig bibor bak jeni.

ROMA 15:8

Ma jiyok ngon kep bipia Kristus kwei nok awak mem mben Yahudi leu binhyepo bindo biyok bipia Allah ningon gom bibindei nipreu eisi nya pek kep mem idigup bat-idigai bat nya.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

PETRUS GI NIGOM 3:9

Ma jimbuk tut yo di imbuk tut je au. Ma jimbriom yo di imbriom je au. Noro ma jingat nadi tindei mun di kei mem yok. Lewo Allah dimig je leu binhyepo jiyai mun di kei leu Noni.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.