KISAH 3:24 - ALLAH NIHYET MEM TUNGWATU NYA

²⁴ Nabi nya di itri tut mun di tibim ei Allah nuhui him bitut Nabi Samuel kin nabi nindigsi nya di igya abia kep noni cem yahagom itri tut mun di pek kep mem nijam dini.

KISAH 3:24 ပူးပေါင်းရင်းမြစ်များ

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

KISAH 13:20

Mun di pek kep dima yem ari bingwam sratus bitai ningot muhwi. Gima ngwig leu lene Noni ta nikei nya di inyeng tak kep yok kikau ug bipek nijam dino Nabi Samuel kiju mem yok kep.

KISAH 17:3

Noni mbot kep tut Allah nihyet brei biyok tug hon nibokti di bindo bipia suar Nibou Ndig di teu tungwatu biyai niyaijo nijep biyok di Allah preu ei mem yok yai ninghuisi wei leu api kiju hanyen leu nimaisi. Noni tri tut biyok “Yesus di ditri tut bije dini ne Nibou Ndig di teu tungwatu biyai niyaijo nijep biyok di Allah preu ei mem je ri.”

KISAH 26:23

Ipai bipia Nibou Ndig di teu tungwatu biyai niyaijo nijep biyok di Allah preu ei mem yok pima miyai nimai leu api kiju hanyen leu nimai eisi bibie leu binhyepo Noni bon nikwesti mem mben Yahudi kin ngkiai nya igyai niteu leu sisarti kin niyaijo nijep ba, gini ne nipigati di piga digai yok ri.”

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 3:21

Suar Yesus gwam nyahan ei gwamti bibou jam dem mem gima Allah pai tes mun di hagom nijep-jau bu ug e. Gima hagom bit leu nok nihyet di Noni tri tut tug hon Nide nabi di ingon kwes-kwau nya mimbrek ngan tu.

ROMA 3:21

Noro tini bu ne Allah ndo puig di bie tut tungwatu nya ndam ingon di kwes kin Noni brei binye tu lo, puig dima kriau Puig Yahudi ningginausi nya. Srat nya di Musa kin nabi nya ipas kep mbot kep tut munhyet dima.

SAMUEL GI NIGOM 2:18

Mpe dima lene Samuel mahan bigyo lo, yai kep midyai nok awak mem tuhan. Noni juk sinsun nibon midut di nijei di iba minyahas linen binap.

SAMUEL GI NIGOM 3:1

Ei nijam di Samuel mahan haigtu bigyo di ya kui Eli biyai midyai mem tuhan dima lene tuhan mbot kep tut ningon kanti bak Nide limwa nya bi lene ndo ningat-hi-ngat gom-gom he bak yoni.

SAMUEL GI NIGOM 3:20

Gima rino mben Israel bidem minu dima nisurti-nipekti hagom ikan tut bipia Samuel ne tuhan de nabi ri.