KISAH 3:20 - ALLAH NIHYET MEM TUNGWATU NYA

²⁰ Tuhan mikwei dideu je leu api biwin kep jinnei hanyen. Noni mipinak Yesus di Noni dimig ei nok jide Nibou Ndig di teu tungwatu biyai niyaijo nijep bak tungwatu nya hanyen kwei ndam je.

KISAH 3:20 ပူးပေါင်းရင်းမြစ်များ

MATIUS 16:27

Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.

MATIUS 24:3

Tirigi Yesus gwam biNongkom ei Nungug Zaitun lene yo di igya kui Noni ikwei hig ser Noni nyahan “Apai igbit binye tut nituti mem mun dima yok hagom tirigi micut igkep nyeti i. Mindei rimibindo tut akwei hanyenti kin njap ningwig honti i?”

MARKUS 13:26

Mpe dima lene tungwatu nya mingat lo, Munggwom Tungwatu Nipmot ttau kwei sut Nide nisindemti kin Nide nikei-kau-keisi ei bumbuhuiti kwei ri.

LUKAS 19:11

Tirigi tungwatu nya intu kep Yesus nihyet lene Noni binut nihyet nibiti nindati gom. Noni kwei dideu Yerusalem ba, tungwatu nya ikan bipia jei bi ne Allah ninyeng tak kepti mittau kwei ei dihyeisi dini.

LUKAS 21:27

Mpe dima lene Munggwom Tungwatu Nipmot mittau kwei sut Nide nisindemti kin Nide nikei-kau-keisi ei bumbuhuiti kwei ri.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 3:21

Suar Yesus gwam nyahan ei gwamti bibou jam dem mem gima Allah pai tes mun di hagom nijep-jau bu ug e. Gima hagom bit leu nok nihyet di Noni tri tut tug hon Nide nabi di ingon kwes-kwau nya mimbrek ngan tu.

TESALONIKA GI NICAN 2:2

Ma jingon kiowi niti bijingon bos-bos nyen tut yo di itri tut bipia Tuhan De Njap njiriek leu su au. Gino jikan bipia nihyet dima kwei leu nyeni tirigi nitri tut Allah ningon kanti e, he kwei leu gi hi di pingok jingonti tut e, he kwei leu mun di nipas hwou ei sratti bije e, lene gima hagom igbit bi.

TESALONIKA GI NICAN 2:8

No Di Ba Nitok Bak Allah mittau kwei. Noro tirigi Tuhan Yesus kwei hanyen ne Noni miba ninnei di hei leu nuhui bikos noni. Yesus nikwei hanyenti di sieng-siau kei dima mibindei timek noni.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!