KISAH 3:16 - ALLAH NIHYET MEM TUNGWATU NYA

¹⁶ Disut bat jen, jingat mun di pek kep mem no di nimig lit dini bou jiyai him. Noni yai nisindemti bikei hanyen tirigi ba ningon com Yesus kin Nide nisindemti. Noni kei hanyen ei jahagom joho bei lewo ba ningon com Yesus.

KISAH 3:16 ပူးပေါင်းရင်းမြစ်များ

MATIUS 14:29

Lene Yesus buhup “Akwei hak ug.” Gima rino Petrus kinyon leu ut nsi bimbut nimig ei minyei ngwa dip ndam Yesus.

MATIUS 9:22

Yesus kiek no bingat noni lene pai bak “He dikwohop ndia ug o, dwai! Lewo akei hanyen tug hon ade niba ningon com Dati tu. Tirigi pai bak nok rino misop dima kei hanyen.”

YOHANES 14:12

Dipai nijit bije bipia no di ba ningon com Da miyai midyai noyam kin midyai di diyai nya. Ningat ne noni miyai midyai nindig bibor dor njiriek bu lewo duug gwam bit Dicigya.

YOHANES 7:23

Gino jibon midut dima mem njap nigwam kep ninghuisi leu binhyepo jipigau Puig Yahudi nicukti nya bi lene nggon rino jingon sibui sut Da drek dip gi dibindei ba, tungwagom kei hanyen mem Njap Nigwam Kep Ninghuisi i?

KISAH 14:9

No dini gwam jug bingig nitingou mem Paulus nihyet. Paulus ngat lo, no dima ningon jo kep ba, dem mem gima noni kei hanyen. Gima rino Paulus tou kep noni nggilun,

KISAH 16:18

Sop dima hara nok kikau ei njap poi bibindei ba, bit bon Paulus om ningon tut kan bi. Gima rino noni tou kep ninghim dip bipai bak ninnei rom dima “Dicuk na tug hon Yesus Kristus ninyeng bipia ahei leu misop dima ningonti hak ug.” Hammi tirigi Paulus pai nok rino ninnei rom dima kes noni ei ba, hei leu ningonti bihigom.

KISAH 3:6

Noro Petrus pai binoni “Dipwoi mitiei hi kwei bi lo, dikwas leu mun di jo bida hi tut nani yo. Ma akiju ba, ambut hak tug hon Yesus Kristus leu minu ndig Nazaret De nisindemti hak ug.”

KISAH 3:8

Lene noni pri biya kui leu api sindi tit nimig bimbut nyen leu api coi ug ei Tuhan De Ig bit Petrus nya bitit nimig lene pri-pri nyen kui binggei sut Allah cem.

KISAH 4:10

Suar je di nibou nya jahagom kin mben Israel yahagom jiyok ngon kep bipia nogindini no di nimig lit ya bibie joho bei bikei hanyen tug hon Yesus leu minu ndig Nazaret De nisindemti. Apo jipek Yesus kin biei salib noro Allah win Noni hanyen leu nimai eisi tu.

KISAH 4:30

Ampu nye leu binhyepo tungwatu nya ikei hanyen ba, abon bindo kin mindur tug hon Yesus ninyeng di sindem bibor cem lewo Noni ne Ade Awak di kwes-kwau ri.”

KISAH 4:7

Bihi ibuwak Petrus kin Yohanes kwei bigya ei yoho bei leu api ihig pus yok “Jinggon ndei no di nimig lit di kei hanyen dima i? Ma jipai igbit tut jide nisindemti binye. Jiyai nisindemti dima tug hon tou ninyeng i?”

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

NINDAT KEP TUHAN NICUKTI NYA 32:4

tuhan rinok No di sindem di ya srak ko hagau je. Noni kei-kau-kei ba, ningon sren-srau cem. No di ninyeng tak kep je ningon gom ba, bit bon Noni ris mun kan bi. Niyai munti nya hagom kei bibor kei lewo ningon mang bi.