KISAH 3:14 - ALLAH NIHYET MEM TUNGWATU NYA

¹⁴ Yesus ningon kwes-kwau ba, ningon sren-srau cem lo, apo jikou sut Noni leu api jahara Pilatus leu binhyepo noni kes nihwen mun cig leu ig bui nsi bije.

KISAH 3:14 ပူးပေါင်းရင်းမြစ်များ

MAZMUR 16:10

Leu mporo asindui sut ba, dinnei ug bisrig yo di imai nya ikieti bihigom bi ba, ace tut Ade awak di ningon gom ningut mikroi ei bi.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 27:20

Noro imam nindig nya kin nibou mben Yahudi nya ikes ingon di mbuk tut Yesus bak tungwatu ningot ndig dima yok leu binhyepo yahara Pilatus bipia kes Barabas leu ig bui nsi mem yok leu api jem nimai gau Yesus.

MARKUS 1:24

“Na di Yesus di atimieisi leu minu ndig Nazaret e, anggon ndei nye i? Akwei hwen nyeni e? Dikan tut anyeng ba, Nani ne No di kwes-kwau dino Allah cuk kwei ri!”

MARKUS 15:11

Noro imam nindig nya ikes ingon di mbuk tut Yesus bak tungwatu ningot ndig leu binhyepo yahara Pilatus bipia kes Barabas leu ig bui nsi mem yok.

MARKUS 15:7

Mpe dima lene Barabas no sima bit yo di yaham imbuk kep nibou ndig lewo noni hwen mun tu.

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 23:25

lene kes no di sima di bie tut yo di yaham imbuk kep nibou ndig ba, hwen mun cem tu dima lene kes Yesus ei yo dima indati bit leu ingon kanti.

YOHANES 16:10

Ba, ingon kiowi tut ningon srenti lewo dingkwei hanyen ug ei Dicig nidim leu api mijingat Da bu bi.

YOHANES 18:40

Yoni iba ighyet di ten bibuhup “Nice tut bi! Ma akes Noni au! Ma akes Barabas binye!” (Barabas ne no di ham nimbuk kep nibou ndig Roma ri.)

KISAH 13:28

Mbro nok gino bit bon yo dima ipai mun mem ibisu tindei kan bi lo, yahara Pilatus mem gima noni yai nimai bak Yesus.

KISAH 2:27

Lewo asindui sut ba, dinnei srig yo di imai nya ikieti bihigom bi ba, ace tut Ade awak di ningon gom ningut kroi ei bi.

KISAH 22:14

Noni pai bida ‘Ide pung di intun him nya ide Allah dimig na leu binhyepo akan tut Nonti ningon kanti ba, angat Yesus di Allah de Awak di pwoi Allah ningon dima bou ayai him lene amiap Yesus nihyet tirigi Noni mbrap pijum bit na cem.

KISAH 4:27

Ba, gima igbit lewo Herodes kin Pontius Pilatus induk yo di ninghim Tuhan kin mben Israel ei gom ei minu ndig dini leu binhyepo itte tut Yesus di Ade Awak di kwes-kwau di Nani adimig ei nok Nibou Ndig di teu tungwatu biyai niyaijo nijep biyok.

KISAH 5:28

“Nipou ne nisok kep je ngkiem ser bipia ma jitri tut Yesus ningginau jeti bak tungwatu nya au. Ma jiba jingon srip bram mun di jiyai dima yok i! Jide ningginausi digek kep minu ndig Yerusalem ba, jimbres kep nye tut Yesus nimaisi cem!”

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

YAKOBUS 5:6

Jijem nimai gau yo di ingon ngun nya bijihwen yok lo, igyai mun tunggwei bihwen bit je bi.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

YOHANES GI NIGOM 2:1

Dimunggwom bat jen, dipas kep srat dini bije ser nhyema jibon sisar au. Gino hi bon sisar ne Yesus Kristus di ningon sren-srau ningat rin biya hacan ba, mbrap gau nye ei Allah Noho bei.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.