KISAH 3:13 - ALLAH NIHYET MEM TUNGWATU NYA

¹³ Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

KISAH 3:13 ပူးပေါင်းရင်းမြစ်များ

NEHEI LEUSI 3:13

Noro Musa buhup “Gino duug ngat mben Israel biditri tut biyok bipia idigup bat-idigai bat nya ide Allah pinak da kwei ndam yok lene mbigom yoni mihig ser da tut Na di Allah anyenga. Gi nok lene notou midibuhup ighyet hanyen i?”

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

NEHEI LEUSI 3:6

Dani ne adigup bat-adigai bat di Abraham kin Ishak kin Yakub ide Allah ri.” Gima rino Musa nggai kep ser niimaisi lewo ningwes mien tut gima ngat Allah ningat bou niyai him a.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 20:19

Leu api yoni mitri Noni hanyen bak ngkiai nya. Yo dima miba ighyet bicig Noni ba, imbas Noni leu api mipek Noni ei biei salibti cem. Noro ei njap gi niningai lene Noni mikiju hanyen leu nimai eisi.”

MATIUS 22:32

‘Dani ne Abraham kin Ishak kin Yakub ide Allah ri.’ Noni ne Allah mem yo di imai su nya bi noro mem yo di igyaijo nya!”

MATIUS 27:2

Iba lante biteu nimig ninda leu api ibuwak biyuug sut bikes ei Pilatus di Kaisar ta nok nibou mem minu dima nindati.

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

MARKUS 15:11

Noro imam nindig nya ikes ingon di mbuk tut Yesus bak tungwatu ningot ndig leu binhyepo yahara Pilatus bipia kes Barabas leu ig bui nsi mem yok.

LUKAS 22:57

Noro Petrus om ser nihyet nghwak him bipai “Dikan tut No dima bi!”

LUKAS 23:4

Lene Pilatus pai bak imam nindig nya kin yo di ningot ndig dima yok “Jo nibreisi bipia No dini yai mun tunggwei di dem mem gima dikes hukum ei Noni dip bi.”

LUKAS 6:37

“Ma jibon jenti dem kep nok nikei mem nindigsi nya au. Leu binhyepo Allah di nok nikei mipai kep je bi. Ma jipai kep nindigsi nya au. Leu binhyepo Allah mipai kep je bi. Ma jikos ser yo di ibon mun tunggwei sut je. Leu binhyepo Allah cem mikos ser jide nitunggweisi nya.

YOHANES 12:16

Mpe dima ne yo di igya kui Yesus ingon dorti tut mun di pek kep dima bi. Noro ei nidipti bu tirigi Yesus yai nikei-kau-keisi tug hon nikiju hanyenti ug api igyok ngon kep mun di yo dima ibibon bak Yesus di Allah nihyet bokti pai ei su.

YOHANES 18:40

Yoni iba ighyet di ten bibuhup “Nice tut bi! Ma akes Noni au! Ma akes Barabas binye!” (Barabas ne no di ham nimbuk kep nibou ndig Roma ri.)

YOHANES 19:11

Yesus buhup “Gino Allah yai nisindemti dima bina bi lene bit bon angget Da kan bi. Gima rino no di kes Da ei andati bon sisar nindig bibor dor njiriek ade sisar.”

YOHANES 19:12

Tirigi Pilatus miap Yesus nihyet nok rino noni nggok puig mem gima kes Yesus ba, ningwes ngun. Noro mben Yahudi iba ighyet di ten bibor bipai “Gino akes Noni lene aham ambuk kep Kaisar! No di tri tut bipia noni ne nibou ndig rin dima ham nimbuk kep Kaisar!”

YOHANES 19:15

Yo dima iba ighyet di ten bibuhup “Akos Noni hak ug o! Akos Noni hak ug o! Apek Noni kin biei salib o!” Pilatus hig ser yok “Jijoi sut gima dipek jide Nibou Ndig kin biei salib e?” Imam nindig nya ibuhup “Kaisar nongkom he rinok nibou ndig di ninyeng tak kep nye o!”

YOHANES 7:39

Yesus pai nok tut Allah Ninnei lewo ei nidipti bu ne yo di iba ingon com Noni igyai Allah Ninnei ei ingonti. Noro tirigi Yesus tri tut nihyet dini lene Allah Ninnei srek kwei ei ingonti bigyo lewo Yesus yai nikei-kau-keisi tug hon nimai ei biei salibti bigyo.)

KISAH 22:14

Noni pai bida ‘Ide pung di intun him nya ide Allah dimig na leu binhyepo akan tut Nonti ningon kanti ba, angat Yesus di Allah de Awak di pwoi Allah ningon dima bou ayai him lene amiap Yesus nihyet tirigi Noni mbrap pijum bit na cem.

KISAH 24:14

Suar dipai jit bak na di Andigpoi bipia dikuk da bak Allah di ide pung di intun him nya ikuk yok bak pima bit leu nok Yesus nicuk nyeti. Yo dini isrep tut bipia nicuk nyeti dima ne puig srawir ri. Noro dingon jo kep mun nyeng hagom di jo ei Puig Yahudi nicukti nyati cem Srat Nabi Nya ideti cem.

KISAH 3:12

Tirigi Petrus ngat yo dima lene noni hig ser yok “Disut bat mben Israel jen, nggon rino jinggap leu tut mun dini i? Nggon rino jibimian huk nye i? Jikan bipia no dini mbut nyen tug hon nyende nisindemti kin nyeni ningon kwes-kwausi e?

KISAH 3:26

Gima rino Allah dimig Nide Awak bipinak Noni ndam je nipou bibie leu binhyepo Noni yai gi kei bije tug hon gi Noni bindei ba, jittin ser jiyai munti di sibut nya.”

KISAH 4:27

Ba, gima igbit lewo Herodes kin Pontius Pilatus induk yo di ninghim Tuhan kin mben Israel ei gom ei minu ndig dini leu binhyepo itte tut Yesus di Ade Awak di kwes-kwau di Nani adimig ei nok Nibou Ndig di teu tungwatu biyai niyaijo nijep biyok.

KISAH 4:30

Ampu nye leu binhyepo tungwatu nya ikei hanyen ba, abon bindo kin mindur tug hon Yesus ninyeng di sindem bibor cem lewo Noni ne Ade Awak di kwes-kwau ri.”

KISAH 7:32

‘Dani ne ade pung di antun him nya kin Abraham kin Ishak kin Yakub ide Allah ri.’ Musa ninghuisi mpig sut nindig bibor bindun bou leu lene bimian huk biei mon dima bu bi.

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

IBRANI 2:9

Noro ikan tut Yesus kin Nide nisindemti tu! Allah om Yesus wer ei bijehei leu malaikati nya mem nijam di jei bi leu binhyepo Noni mai mem tungwatu dihyeisi dini hagom tug hon Allah de nisingat tut nyeti. Nogindini ikan tut bipia Noni yai Nide nikei-kau-keisi kin ninyeng di jei lewo tug ndei ninghuisi wei kin nimai tu.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,