KISAH 28:31 - ALLAH NIHYET MEM TUNGWATU NYA

³¹ brim ningkek kep yo dima tirigi noni tri tut nihyet tut Allah Ninyeng Tak Kepti ba, ngginau yok tut Tuhan Yesus Kristus cem. Tirigi noni yai kep midyai dima lene kwes mem noni ba, hi cuon ser noni tut bi.

KISAH 28:31 ပူးပေါင်းရင်းမြစ်များ

MATIUS 4:23

Yesus mbut nimig bidem hanjop Galilea hagom ba, ngginau mben Yahudi ei ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen ninyeng hagom ikei hanyen cem.

MARKUS 1:14

Niabiati Yohanes sima tu lene Yesus ug ei hanjop Galilea bitri tut Allah Nihyet Di Kei bak tungwatu nya ei sirima.

LUKAS 8:1

Njap poi kin bu lene Yesus mbut nimig bidem minu ndig nya kin minu mien nya hagom bitri tut Nihyet Di Kei tut Allah ninyeng tak kepti. Ibou simnaibrimigcan di igya kui Noni ibit-bit nyen.

KISAH 1:3

Niabiati Noni yai nimai bikiju hanyen lene Noni ndo niyaijo nijepti brei biyok tug hon nisinati mang bibor mem njap ningot bitai. Yoni ingat Noni brei bou igyai him leu api Noni simbot kep tut Allah Ninyeng Tak Kepti biyok.

KISAH 20:25

Disut bat jen, dikwei sut nihyet tut Allah ninyeng tak kepti ei jahagom jikieti tu. Noro dikan bipia mijingat diimaisi bou jiyai him bu bi sren.

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 28:30

Paulus bong ig bei di noni ba mitiei bigo dima mem ari bingwam nitindur can. Noni cigit yo di ikwei cem kep noni yahagom kui nide ig ba,

KISAH 4:29

Na di Tuhan e, nogindini angig ayai kep yo dima icug nyeti nya. Ba, ampu Ade awak di nyeni leu binhyepo nibrim ningkek tut nihyet Ade bak tungwatu nya.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

KISAH 5:42

Ba, itri tut Nihyet Di Kei ba, ingginau tungwatu nya tut Yesus kikau ei Tuhan De Ig kin tungwatu ide ig bei nya cem bikwop njap ngwa hagom. Yoni itri tut bipia Yesus ne Nibou Ndig di teu tungwatu biyai niyaijo nijep biyok di Allah preu ei mem yok ri.

KISAH 8:12

Noro Filipus tri tut Nihyet Di Kei tut Allah Ninyeng Tak Kepti kin Yesus Kristus di Nibou Ndig di teu tungwatu biyai niyaijo nijep biyok. Lene pinai nya kin sop nya ingon jo kep Filipus nihyet leu api itur yok ei minyeiti.

FILIPI 1:14

Disima ei ig bui nsi lo, gini biyai nisindem bak yo di Kresten imang bibor ei minu ndig dini leu api ibikum ei ide niba ningon com Tuhanti. Iba ingon di nddong kei bibrim ingkek kep tungwatu nya bitri tut Nihyet Di Kei cem.

2 TIMOTIUS GI NICAN 2:9

Diyai ninghuisi wei drek dip gi ditri tut Nihyet Di Kei tug hon nibou pemerinta nya di iba lante biteu dimig kin dinda dem kep nok no di sibut. Noro bit bon iba lante biteu Allah nihyet kan bi.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.