KISAH 28:18 - ALLAH NIHYET MEM TUNGWATU NYA

¹⁸ Lene yo dima ihig pus da leu api ikos tut ingon kanti bida bipia ikes da bidimbut hak ug lewo jo nibreisi mem yok bipia dibon mun di mbuk di bindei ba, ditug ndei nimai drek dip hi bi.

KISAH 28:18 ပူးပေါင်းရင်းမြစ်များ

KISAH 22:30

Nibou tentara joi sut kan tut mun di bindei di mben Yahudi ighyet ngwig kep Paulus. Gima rino njap di hyep bu lene noni sok nihyet bak imam nindig nya kin Nikei Puig Yahudi Nya yahagom leu binhyepo induk yam ei gom. Lene noni kwek lante di ibiteu Paulus nimig-ninda leu bibuwak noni kwei ei yo dima yoho bei.

KISAH 23:29

Noro jo nibreisi mem da bipia noni yai mun tunggwei di bindei ba, tug ndei nimai e, he sima ei ig bui nsi e, drek dip cem bi. Yo dima ipai kep noni drek dip ide Puig Yahudi niggai serti he.

KISAH 24:10

Lene Feliks ndo bak Paulus mem noni birop mben Yahudi ighyet. Gima rino Paulus pai “Na di Andigpoi e, dikan tut bipia nani ne nikei di anyeng tak kep minu dini ninno tu ri. Gima rino diba dingon llei bimbrap gau danti ei na di Andigpoi aho bei.

KISAH 24:22

Lene Feliks di kan bidem tut Ninjei Bit Krestenti dima mbrap gi ningwigsi bitak kep biyok bipai “Nok bibou nibou tentara Lisias kwei krau ug e leu api midimbus angonti bidikos tut dingon kanti bina.”

KISAH 25:25

Noro mun di mbuk di bindei ba, noni yai nimai drek dip jo nibreisi mem da bi. Noro noni hara Kaisar Roma nonti mbus ningonti. Gima rino dikos tut dingon kanti binoni bipia midipinak noni ug ei Kaisar noho bei.