KISAH 27:41 - ALLAH NIHYET MEM TUNGWATU NYA

⁴¹ Noro kibar tug iggum nipimbien bou ba, nuhwap tug bingkiem lo, muk tti nindig bibor ba, hwen ninor tignam ba, jei bi lene kibar nggek bingwig leu nye.

KISAH 27:41 ပူးပေါင်းရင်းမြစ်များ

NIBOHON MBEN ISRAEL GI NICAN 20:37

Noro Nabi Eliezer di Dodawa nipmot di nitimieisi leu minu ndig Maresa sok kep Yosafat bipai “tuhan mibindei sar Na Di Andigpoi ade midyai di ayai kep dima hagom lewo ajem asut bit Ahazia.” Lene tuhan bindei nggek kibar ngot nide di bon nya apino dem mem gima kibar mbut ei muk ngwa dip bi sren.

YEHEZKIEL 27:26

Tirigi ade timiei kibar nsi nya itig minyei ug ei muk ndigsi lene hou mpia priti di ten bibor hwen na.

YEHEZKIEL 27:34

Tini bu ne asar ba, atimek ba, angwig ei muk jou tu. Ade timiei kibar nsi nya yahagom bitut mun di anju ei kibar nsi nya hagom pror bit na ei muk ninggimau yon tu.’

KISAH 27:17

Niabiati nikon ut mien hanyen ei kibar dip tu lene iba kuk nindig bikri kep kibar nijou bingkiem-kiau. Yoni idigit tut hou di ttem kibar tut yok kikau bibindei ba, kibar tug iggum di kingkrai kibar nijo di jo dideu minu Libia. Gima rino icug nsriwir leu dihim leu api kibar bit hou nimig hak.

KISAH 27:30

Mpe dima lene timiei kibarti nya ipi binang nyahan bingwes ngun. Gima rino ibisinggre biyuhuk kimuntu hi kin bu ei kibar nuhwap ba, ibitak kep.

KISAH 27:40

Gima rino ikos kuk tut kimuntu nya bisar hak ei muk mpoti kin kuk di kat nisibuisi can ei ninora. Leu api itas nsriwir gom ei dihim ndam kibar nuhwap leu api hou ttem kibar tut nye ug ei mam bei.

KISAH 27:42

Tentara nya ipi bihwen yo di isima nya yahagom hak ug lewo idigit tut leu ma bihi yaha minyei ug ei mam bei binang ba, ingwes ngun.

KORINTUS GI NIGOM 15:58

Gima rino disut bat di dingon kieti jen e, ma jiyai nisindemti kin ningon nddongti. Ma jita jibou ei Allah de midyaiti lewo jikan tut bipia midyai di jiyai mem Tuhan nya hagom mikui-kausi bi sren.