KISAH 27:29 - ALLAH NIHYET MEM TUNGWATU NYA

²⁹ Lene idigit tut leu ma kibar mitug bor ei minyei jou. Gima rino yuhuk kimuntu ningat bitai leu kibar ninor bibet ingon mem njap nitekti.

KISAH 27:29 ပူးပေါင်းရင်းမြစ်များ

MAZMUR 130:6

Dibet dingon mem tuhan nindig dor njiriek nohou-hou nyen cig nya di ibet ingon mem mpia tekti.

KISAH 27:17

Niabiati nikon ut mien hanyen ei kibar dip tu lene iba kuk nindig bikri kep kibar nijou bingkiem-kiau. Yoni idigit tut hou di ttem kibar tut yok kikau bibindei ba, kibar tug iggum di kingkrai kibar nijo di jo dideu minu Libia. Gima rino icug nsriwir leu dihim leu api kibar bit hou nimig hak.

KISAH 27:26

Noro hou mittem kibar tut nye biyuug dihip ei mios gom nintig dip.”

KISAH 27:28

Gima rino iba kuk di ikim tig nindak gom eisi bibinai ug ei minyei jou tut muk nijutti bingat lo, nijutti ug ei kuk nijeisi meter ningot bitai. Kibar son poi mien bu leu api inai minyei jou bu bingat lo, nijutti ug ei kuk nijeisi meter ningot ningai he.

KISAH 27:30

Mpe dima lene timiei kibarti nya ipi binang nyahan bingwes ngun. Gima rino ibisinggre biyuhuk kimuntu hi kin bu ei kibar nuhwap ba, ibitak kep.

NINDAT KEP TUHAN NICUKTI NYA 28:67

Mpe di jiba jiyai nghuisi jik kep mun nyeng hi lene jingon mipri ndei bijimai lewo jittin tut. Bikwop njap tekti lene mijiyok jingon mem mmun di minggai kep je. Leu api bikwop mmun lene mijiyok jingon mem njap tekti hanyen bu.

IBRANI 6:19

Mun di igyok ingon mem dima tereu nok kimuntu di tot minyei jou bingkiem bibor di bisindem tut nye ba, ingon nddong kei. Mun di igyok ingon mem tibim ban mbrawinti buug jo ei Ninsi Di Kwes-Kwau ei Tuhan De Ig di jo ei gwamti.