KISAH 27:24 - ALLAH NIHYET MEM TUNGWATU NYA

²⁴ pai bida ‘Paulus e, ma angon digit tut au! Mporo ma aya ei Kaisar Roma noho bei. Allah nisingat tut nati mibindei ba, yo di kibar nsi yahagom ingwes ngun drek dip nani yo.’

KISAH 27:24 ပူးပေါင်းရင်းမြစ်များ

NITRITI 12:2

Leu mporo midibindei ba, ade nintun him yamti di bram yam nya idigek kep mpia binok mben nindig bibor. Ba, midinjei mun di kei bak nani bidibindei ba, ayai anyeng di jei. Leu api yo di imang bibor mitug ndei mun di kei tug hon nani.

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

NITRITI 19:29

Gima rino tirigi Allah cok tut minu ndig nya ei mbang briep dima hagom bitut Lot de biyati cem bingwig lene ningon prion ser Abraham bi. Lewo Noni sindui sut Lot binang biningwes ngun leu su.

NITRITI 30:27

Lene Laban buhup “Dipai bina bipia diko bidinggok tut ba, tuhan njei mun di kei bak dani tug hon nani.

NITRITI 39:23

Apino nibou ig bui ningon ku no tut mun di noni ba ningon com Yusuf tut bu bi lewo tuhan nyohou Yusuf bibindei ba, nide midyai nya hagom ngat ningat di kei bibor.

NITRITI 39:5

Hon kep mpe dima kui lene tuhan njei mun di kei bak andigpoi mben Mesir dima bitut nide ig bei nsi nya kin mun di noni nyeng tut nya ei ig bei nsi cem ei miaisi cem drek dip Yusuf.

NITRITI 46:3

Lene Allah pai binoni “Dani ne Allah di acig kuk no bak ri. Ma attin tut gima ambut ug ei minu Mesir au. Lewo midibindei ba, ade nintun him yamti di bram yam nya idigek bibor binok mben nindig bibor bu.

NIBOU NDIG NYA GI NIGOM 17:13

Lene Elia pai bak “Amei e, ma angon ku na tut au! Aug ba, angei njita mem jenti jiyem hak ug. Noro ma akang roti nindak mien gom ba, attei kwei bidiyem nipou ug e leu api angei niken mem apmot jeni bijiyem kep jingguma.

NIBOU NDIG NYA GI NICAN 6:16

Lene Elisa buhup bak “Dwai! Attin tut au! Tentara di igya tut nye imang ndig dor njiriek tentara Siria dima yok.”

AYUB 35:8

Noro ade sisar di abon nya he ribindin asut bat nya lene ade nibon munti di kei rino bimpu yok cem a.

NIBWOS-BWOS NYENTI 3:57

Lene amiap ditde nadi leu api akwei dideu da ba, apai ‘Adigit tut au.’

DANIEL 2:24

Gima ngwig lene Daniel ug ngat Ariokh di nibou ndig cuk no bipia kes hukum nimai ei yo di ipingok kep nibou ndig ningonti pima bipai bak “Ma akos yok au. Abuwak da ug ei nibou ndig noho bei lewo ditin ei mem dimbot kep nide mumpriem ba, dibicoi ei mumpriem ningatti bak.”

MIKHA 5:7

Mben Israel di isima ei ingkiaisi minok mindhe singa di lus-lus nyen srig mindhe-ndhe bigbehei nya ikieti bisrig domba di igyem kep abris nggrup ei abris nghousi ikieti cem. Singa dima cut igkep domba dima yok ba, ham yok lene bibrig-brig nyen yok bingwig. Bit bon hi teu domba nya leu singa nuhui kan bi.

MATIUS 10:18

Yoni mibuwak je ug ei yo di inyeng jei nya kin nibou ndig nya yoho bei drek dip gi jiya kui Da. Mpe dima lene jibon nituti mem gima jitri tut Nihyet Di Kei bak nibou ndig nya kin ngkiai nya.

MATIUS 10:28

Ma jittin tut yo di ikimukep jingut au. Lewo bit bon ikimukep jinnei kan bi. Noro ma jittin tut Allah di sindem mem gima com jingut kin jinnei ug ei hum njengti.

YOHANES 11:9

Yesus pai biyok “Njap gom bon jam nitindur simnaibrimigcan bi e? Gima rino no di mbut mem njap ndrat mpia bi lewo ngat No di piga digai dihyeisi dini.

KISAH 19:21

Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 25:11

Gino dipigau Nibou Kaisar nicukti nya apino dingon mui ne suar ditug ndei nimai drek dip ba, ayai nimai bida hak ug. Noro gino yo dini ipai da kinei mikuisi ne dem mem tungwa hi kes da ei indati bi. Dahara Kaisar Roma nonti mbus dingonti!”

KISAH 27:31

Noro Paulus pai bak kompi kin nide limwa pima yok “Gino timiei kibarti nya yoom ingon ei kibar nsi bit nye bi lene bit bon jingwes ngun kan bi.”

KISAH 27:37

Nye di nigwam ei kibar nsi nahagom nimangti nibou sratus can ningot muhwindacan ba, muhwindagom.

KISAH 27:42

Tentara nya ipi bihwen yo di isima nya yahagom hak ug lewo idigit tut leu ma bihi yaha minyei ug ei mam bei binang ba, ingwes ngun.

KISAH 27:44

Lene noni sindui sut nindigsi nya ba, bihi ikat biei sra kin kibar niner bibram yok. Tug hon nisinati dima lene nahagom ningwes ngun ba, nuug dihip ei mam bei.

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

FILEMON 1:22

Gino ayai kep dingon kanti dima sri lene ma atin ei nghim nsi gom ei ade ig bei mem da lewo diyok dingon mem nituti tirigi Allah birop jahagom jide nadi mem da bibuwak da hwou bidingat je hanyen bu.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

NINGAT-HI-NGAT NYA 1:17

Tirigi dingat Noni lene diba dingwak bikik mpia ei nimig him dem kep no di mai su. Noro Noni ba ninda com bitak da bipai bida “Attin tut au! Dani ne nimbie him kin nohon keti,