KISAH 27:1 - ALLAH NIHYET MEM TUNGWATU NYA

¹ Niabiati nibou nya ikos tut bipia ipinak nye ug ei minu Italia lene ikes Paulus kin yo di isima nya ibou poi ei kompi Yulius nindati. No dini ne tentara Roma gom di nggre kin “Nimpung Kaisar” ri.

KISAH 27:1 ပူးပေါင်းရင်းမြစ်များ

NITRITI 50:20

Mbro nok gino jiyok jingon gom mem gima jimbuk tut da pima lo, Allah bindei jide mun di mbuk dima bie ug ei mun di kei biborti. Leu binhyepo Noni binyohou tungwatu nya imang bibor bimai bi tug hon mun di cut igkep da.

MAZMUR 33:11

Noro ningon kanti nya kin nikos tutti nya ngkiem kei bijo ninno bijo kikau.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

NIPINGOK NINGONTI 19:21

Tungwatu nya ikos tut ingon kanti ninyeng mang bibor noro tuhan nikos tutti nya he rino mipek kep.

NIBWOS-BWOS NYENTI 3:27

Nnaba ibingon tut noom ningonti tirigi ipilei yo dini.

DANIEL 4:35

Noni mian huk tungwatu dihyeisi dini bingat lo, idem kep nok yo di ibon inyeng bi ei niyai him. Ninyeng tak kep malaikati nya ei gwamti kin tungwatu dihyeisi dini cem. Bit bon tungwa hi tte tut ningon kanti bihig simber Noni tut niyai munti nya kan bi.

MATIUS 27:54

Tirigi nibou tentara kin nide limwa nya di igya ser Yesus ingat dihyei mun brim kin mun di hagom di bitimon yok cem lene inghuisi mpig sut nindig bibor bipai biyam “Ningat ne No dini Allah Nipmot nijit-jau ri!”

LUKAS 23:47

Tirigi nibou tentara ngat mun di pek kep dima hagom lene noni nggei sut Allah bipai “Jo nibreisi bipia No dini yai mun tunggwei hi bi!”

LUKAS 7:2

Nibou tentara Roma ningat rin ei sirima. Noni bon nide awak di noni joi sut bibor di nggwen nindig bibor ba, ningon tai-tai bou su.

KISAH 10:1

Mpe dima lene andigpoi di ninyeng Kornelius no rima ei minu ndig Kaisaria. No dini ninyeng tak kep tentara ibou sratus muhwindagom di ijem inyeng “Nimpung Italia.”

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KISAH 16:10

Niabiati Paulus ngat ningat-hi-ngat dima lene nitin ei mem nimbut ug ei hanjop Makedonia lewo ningon jo kep bipia Allah cuk nye ug ei hanjop dima leu binhyepo nitri tut Nihyet Di Kei.

KISAH 18:2

Noni um Akwila di mben Yahudi di nitimieisi leu hanjop Pontus ei minu ndig dima. Akwila kin nitnem Priskila sindi ijo leu minu Italia bikwei krau minu ndig Korintus drek dip Kaisar Klaudius di jji mben Yahudi yahagom leu minu ndig Roma. Paulus ug cem kep yok,

KISAH 19:21

Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

KISAH 21:32

Nibou tentara brim ningkek biya tut nide kompi nya ibou poi kin nide limwa nya bidor ug ei tungwatu pima yok ikieti. Tirigi yo dima ingat lo, nibou tentara kwei sut nide limwa nya lene ikes inda leu Paulus bibui noni bu bi.

KISAH 22:26

Kompi miap Paulus nihyet dima rino ug mbot kep tut bak nibou tentara bipai “Anggon ndei no dima i? Noni ne nibou ndig Roma de limwa ri!”

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 23:17

Lene Paulus hig kompi gom kwei bipai binoni “Ma abuwak mot dini ug ei nibou tentara noho bei leu binhyepo mbot kep tut mimun bak noni.”

KISAH 24:23

Lene noni cuk kompi gom leu binhyepo ya ser Paulus bisindui sut noni bimbut-mbut nyen. Bibon nituti mem Paulus nisut bat nya ikwei ngondut noni bit leu ijoi sutti.

KISAH 25:12

Niabiati Festus kin nide nikei nya isimbot kep biyam tut leu api Festus pai bak Paulus “Gino ahara Kaisar Roma nonti bimbus angonti lene suar ma aug ya ei Kaisar noho bei.”

KISAH 25:25

Noro mun di mbuk di bindei ba, noni yai nimai drek dip jo nibreisi mem da bi. Noro noni hara Kaisar Roma nonti mbus ningonti. Gima rino dikos tut dingon kanti binoni bipia midipinak noni ug ei Kaisar noho bei.

KISAH 27:11

Pai nok noro kompi Yulius ba ningon com kiten kibar kin kibar niceu bat nya ide nipingok noti leu Paulus nisok kep yokti dima.

KISAH 27:43

Noro kompi cuon ser nide limwa nya tut ingon kanti dima lewo noni nyohou Paulus ser nhyema tentara ihwen noni au. Noni pai bak yo di yaha minyei kan nya “Jahagom jikinyon ei minyeiti bijaha ug ei mam bei.”

KISAH 27:6

Lene Kompi ngat kibar hiter bu di kwei leu minu ndig Aleksandria ba, mbigom mbut kikau ug ei minu Italia. Gima rino noni buwak nye binibri kibar dima.

KISAH 28:1

Niabiati nahagom nuug dihip biningwes ngun ei mam bei tu lene timiei mios dima ipai binye bipia mios dima ninyeng Mios Malta.

KISAH 28:16

Tirigi nikwei krau minu ndig Roma lene nibou pemerinta nya isindui sut ba, Paulus bong ei ig di noni go ninsi tu ba, tentara gom bong ser noni.

IBRANI 13:24

Nipigo jide nibou nya kin Allah de limwa nya jahagom. Yo di inggre kin mbusyamei ei Italia cem ipigo je.