KISAH 26:6 - ALLAH NIHYET MEM TUNGWATU NYA

⁶ Ba, diya ei aho bei njap di ammani leu binhyepo ambus dingonti drek dip gi diba dingon com mun di Allah preu ei mem nyende pung di nintun him nya.

KISAH 26:6 ပူးပေါင်းရင်းမြစ်များ

KISAH 24:15

Diyok dingon mem Allah noyam kin yo dini igyok ingon mem Noni tut gima Noni miwin yo di ingon sren nya kin yo di ingon rom nya cem yahagom leu imai eisi.

TITUS 2:13

lewo igyok ingon mem Njap ninggei-hi-nggei nitausi. Nogindini imem kep ser Njap dima di igyok ingon mem. Mpe dima yo di dihyeisi dini hagom mingat Yesus Kristus nikei-kau-keisi bou igyai him mem Njap dima lewo Noni ne nyeni ide Allah di Ninyeng Jei kin Nibou Ndig di teu tungwatu nya leu sisar biyai niyaijo nijep biyok cem ri.

KISAH 28:20

Gima rino disok dihyet bije leu binhyepo jikwei mbrap bit da. Lewo ningat ne yo dima iba lante dini biteu da drek dip No Di Teu Tungwatu Nya Biyai Niyaijo Nijep Biyok di nye di mben Israel yahagom itum ingon mem ninno tu.”

ROMA 15:8

Ma jiyok ngon kep bipia Kristus kwei nok awak mem mben Yahudi leu binhyepo bindo biyok bipia Allah ningon gom bibindei nipreu eisi nya pek kep mem idigup bat-idigai bat nya.

KISAH 23:6

Tirigi Paulus ngat lo, Nikei Puig Yahudi Nya ibou poi inggre kin nimpung Saduki lo, nindigsi nya inggre kin nimpung Farisi lene noni ba nihyet nindig bipai biyok “Disut bat jen, dinggre kin nimpung Farisi ba, dicig bat nya cem inggre kin nimpung Farisi. Jimbus dingonti drek dip gi dingon jo kep bipia Allah miwin nimai nya hanyen leu imai eisi.” (

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

KISAH 26:8

Nggon rino disut bat di mben Yahudi di isrig ikieti ikan bipia bit bon Allah win nimai hanyen leu jui nsi kan bi i?

KISAH 24:21

Au e ba, ikan tut tirigi diya ei yo dima yoho bei lene ditri tut dihyet gom ngat bidipai ‘Jimbus dingonti njap di ammani drek dip gi dingon jo kep bipia Allah miwin nimai nya hanyen leu imai eisi.’ ”

KISAH 3:24

Nabi nya di itri tut mun di tibim ei Allah nuhui him bitut Nabi Samuel kin nabi nindigsi nya di igya abia kep noni cem yahagom itri tut mun di pek kep mem nijam dini.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

ZAKHARIA 6:12

Ma abipai binoni bipia Da di tuhan Di Disindem Bibor dipai ‘No di ijem ninyeng Biei Biop mingat ningat ei mpia di ntun him biwin tuhan De Ig hanyen.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

OBAJA 1:21

Nicok tut siceu cig di igwam ei minu ndig Yerusalem nya mibindei timek mben Edom bicok tut yok. Leu api Da di tuhan dinyeng mitak kep Ditde limwa nya bidinok nibou ndig.”

YOEL 2:32

Noro tuhan miteu bibikwop tungwagom-gom di hara Noni leu api yai niyaijo nijep. Bit leu nok Noni pai ‘Timiei minu ndig Yerusalem di didimig ei su nya mingwes ngun.’ ”

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

YEHEZKIEL 37:24

Nibou ndig di noyam kin Ditde awak di Daud ninyeng mitak kep yok. Yahagom mibicom yam nok gom leu api nibou ndig dima ninyeng mitak kep yok. Ingon gom tut diggai serti bibit hagom nok gi kei cem.

YEHEZKIEL 21:27

Midibindei timek minu ndig dini bibor. Apino miwer ig kum kroi tirima-tirima. Noro mun dima micut igkep yok bi bibou no di dimbus ei mem gima dibikes hukum ei minu ndig dini dip tau kwei ug e.”

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

MAZMUR 132:17

Midikon tungwagom di ntun Daud him ninyeng nok nibou ndig di sindem bibor ei Sion. Midibindei ba, ninyeng tak kep limwa nyati ei minu dini ug hon nohonti bi sren.

MAZMUR 132:11

Apreu ei mem noni tug hon neheng tu. Ba, angkwei leu nipreu eisi dima bu au. Nipreu eisi dima pai “Midikon apmot gom nok nibou ndig ba, noni miya luei ahoti ba, ninyeng mitak kep mben Israel.

MAZMUR 98:2

tuhan tri tut bipia Noni bindei timek siceu dima bibindo tut Nide niteu nye bingwes ngunti bak ngkiai nya.

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”