KISAH 26:23 - ALLAH NIHYET MEM TUNGWATU NYA

²³ Ipai bipia Nibou Ndig di teu tungwatu biyai niyaijo nijep biyok di Allah preu ei mem yok pima miyai nimai leu api kiju hanyen leu nimai eisi bibie leu binhyepo Noni bon nikwesti mem mben Yahudi kin ngkiai nya igyai niteu leu sisarti kin niyaijo nijep ba, gini ne nipigati di piga digai yok ri.”

KISAH 26:23 ပူးပေါင်းရင်းမြစ်များ

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

YESAYA 42:6

“Da di tuhan dihig na kwei bidiyai nisindemti bina leu binhyepo abindei mbut ningon sren-srausi bikieng kep dihyeisi dini ug e. Midipreu ei mem tungwatu nya yahagom bidipiga digai ngkiai nya yahagom tug hon na.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 26:24

Munggwom Tungwatu Nipmot miyai nimai bit leu nok Allah Nihyet pai sut Noni. Noro aye! Notou mem no di tri Munggwom Tungwatu Nipmot i? Gi kei rino no dima nipmem srek tut noni habiei bi sren!”

MATIUS 27:53

Yo dini yehei leu jui nsi ba, igwam bibou Yesus kiju hanyen leu nimai eisi nipou ug e leu api icoi ug ei Yerusalem apino tungwatu nya imang bibor ingat yok bou igyai him.

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”

LUKAS 24:26

Suar jide Nibou Ndig di teu tungwatu nya biyai niyaijo nijep biyok yai ninghuisi wei nipou leu api ug krau Nide nikei-kau-keisi bi e?”

LUKAS 24:46

Lene Noni pai biyok “Suar Nibou Ndig di teu tungwatu nya biyai niyaijo nijep biyok yai ninghuisi wei leu api kiju hanyen leu nimai eisi ei njap gi niningai.

YOHANES 10:18

Bit bon tungwa hi pos Dinnei leu Da bi. Dikes Dinnei ei bit leu Danti dingon kanti. Disindem mem gima dikes Dinnei ei ba, disindem mem gima diyai Dinnei hanyen cem. Dicig cuk Da leu binhyepo diyai midyai nok gima.”

YOHANES 11:25

Yesus pai binoni “Diwin yo di imai nya leu imai eisi bidiyai niyaijo nijep biyok. Mbro nok gino hi mai su lo, gino ba ningon com Da tu lene miyai niyaijo nijep di jo kikau.

KISAH 13:34

Allah win Noni hanyen leu nimai eisi tu. Bit bon ningut kroi ei jui nsi kan bi. Tut gima ne Allah pai ‘Diyai nipreu eisi di kei di kwes-kwau bipror yon kan bi di dipreu ei mem Daud pima bije.’

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KISAH 26:8

Nggon rino disut bat di mben Yahudi di isrig ikieti ikan bipia bit bon Allah win nimai hanyen leu jui nsi kan bi i?

KISAH 3:18

Allah mbot kep nihyet tug hon nabi nya yahagom yuhui him mimbrek ngan tu bipai ‘Nibou Ndig di teu tungwatu biyai niyaijo nijep biyok di dipreu ei mem yok miyai ninghuisi wei.’ Nok rino Allah bindei ba, mun dini yok hagom cut igkep Yesus tu.

KISAH 3:24

Nabi nya di itri tut mun di tibim ei Allah nuhui him bitut Nabi Samuel kin nabi nindigsi nya di igya abia kep noni cem yahagom itri tut mun di pek kep mem nijam dini.

KORINTUS GI NIGOM 15:3

Nihyet di ditri tut bije ne nihyet di bon ninyeng nindig bibor ri. Diyai nihyet dima leu Allah bidipwoi ei dingonti. Bit leu nok gi ipas ei Allah nihyetti bipia Kristus mai drek dip ide sisar ba,

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

KOLOSE 1:18

Kristus ne nibou mem Nonti ningut ri. Ningut dima ne mbusyamei ri. Noni ne niyaijo nibousi mem ningut ri. Noni ne Allah Nipmot mighumbou di Allah win hanyen leu nimai eisi leu binhyepo Noni bon ninyeng biya bibie mem mun nyeng hagom ri.

IBRANI 2:10

Dem mem gima Allah di pai tes binyohou mun nyeng hagom bindei ba, No di brim ningkek biteu tungwatu nya leu sisar biput kei tug hon gi tug ndei ninghuisi wei. Tug hon nisinati dima lene Allah cigit tungwatu nya bibindei ba, imang bibor ipriet kin Nide nikei-kau-keisi noyam kin Yesus. Lewo Yesus ritin puig mem gima igyai niteu leu sisarti kin niyaijo nijep.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,