KISAH 26:22 - ALLAH NIHYET MEM TUNGWATU NYA

²² Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

KISAH 26:22 ပူးပေါင်းရင်းမြစ်များ

EZRA 8:31

Nikiju binimbut leu Minyei Ahawa nipimat ba, nuug ndam Yerusalem ei njap gi nisimnaibrimigcan mem bed gi nigom. Nyende Allah nyohou nye leu yo di imbuk di micut igkep nye bigyon ser nye cem kak puig sinon.

MAZMUR 124:8

tuhan di pai tes mpia bbed-him kin dihyeisi dini ne No di kwei mpu nye ri.

MAZMUR 18:47

tuhan niyaijo o! Dikon ditde No di ya srak ko hagau da ninyeng o! Jikon ditde Allah di teu da bidingwes ngun ninyeng di jei o!

MAZMUR 66:12

Asindui sut ba, nyende siceu ico kep nye nyen-nyen. Nisigon minyei di su bibor kin hum di njeng bibor. Noro tini bu ne abuwak nye kwei ei mpia di kei ba, nibong kei nigwam kei tu.

MATIUS 26:24

Munggwom Tungwatu Nipmot miyai nimai bit leu nok Allah Nihyet pai sut Noni. Noro aye! Notou mem no di tri Munggwom Tungwatu Nipmot i? Gi kei rino no dima nipmem srek tut noni habiei bi sren!”

LUKAS 16:28

ndam dikinjoi bat nya ibou muhwi ei sirima leu binhyepo sok kep yok ser nhyema icut bisar ei mpia di ditug ndei ninghuisi wei eisi dini bi.’

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

LUKAS 24:46

Lene Noni pai biyok “Suar Nibou Ndig di teu tungwatu nya biyai niyaijo nijep biyok yai ninghuisi wei leu api kiju hanyen leu nimai eisi ei njap gi niningai.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

YOHANES 5:46

Gino jiba jingon com noni haigtu lene ma jiba jingon com Da cem lewo noni pas kep tut Da.

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 13:29

Niabiati yo dima igyai hagom bit leu nok Gi Preu Nitimiei bokti pai sut Nontiti tu lene icug ningut leu biei salib bitig ei hak mihyeti.

KISAH 24:14

Suar dipai jit bak na di Andigpoi bipia dikuk da bak Allah di ide pung di intun him nya ikuk yok bak pima bit leu nok Yesus nicuk nyeti. Yo dini isrep tut bipia nicuk nyeti dima ne puig srawir ri. Noro dingon jo kep mun nyeng hagom di jo ei Puig Yahudi nicukti nyati cem Srat Nabi Nya ideti cem.

KISAH 26:17

Miditeu na ba, angwes ngun leu mben Israel indati kin ngkiai nya indati. Lewo dipinak na ndam yok,

KISAH 26:6

Ba, diya ei aho bei njap di ammani leu binhyepo ambus dingonti drek dip gi diba dingon com mun di Allah preu ei mem nyende pung di nintun him nya.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

ROMA 3:21

Noro tini bu ne Allah ndo puig di bie tut tungwatu nya ndam ingon di kwes kin Noni brei binye tu lo, puig dima kriau Puig Yahudi ningginausi nya. Srat nya di Musa kin nabi nya ipas kep mbot kep tut munhyet dima.

KORINTUS GI NIGOM 15:3

Nihyet di ditri tut bije ne nihyet di bon ninyeng nindig bibor ri. Diyai nihyet dima leu Allah bidipwoi ei dingonti. Bit leu nok gi ipas ei Allah nihyetti bipia Kristus mai drek dip ide sisar ba,

KORINTUS GI NIGOM 15:4

itig ningut leu api Allah win Noni hanyen leu nimai eisi mem njap gi niningai bit leu nok gi ipas ei Allah nihyetti.

2 TIMOTIUS GI NICAN 3:11

kin tungwatu nya di ihwen bit da kin ninghuisi wei di hwen da hagom tu. Akan tut mun di cut igkep da ei minu ndig Antiokhia kin Ikonium kin Listra tug hon tungwatu nya di ihwen bit da bibor! Noro Allah teu da bidingwes ngun leu hagom tu.

NINGAT-HI-NGAT NYA 11:18

Tungwatu nya di ingon jo kep bi nya igga bibor lewo tto bou dem mem akes hukum ei yok dip ba, ambus yo di imai su nya ingonti cem. Tto bou dem mem ayai munkwas bak Ade awak di nabi nya kin Ade limwa di ikuk yok biNa bitut yo di inyeng jei nya kin yo di yuhui mbum nya yahagom. Tto bou dem mem gima anggek tut yo di inggek tut dihyeisi dini.”

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.

SAMUEL GI NIGOM 7:12

Lene Samuel ug yai tig gom bitas ei Mizpa kin Sen ikieti lene bipai “Allah mpu nye kikau kwei bipek ammani kep tu.” Leu api noni jem tig dima ninyeng bipia “Tig Nibiyok Ngon Kep Allah Di Mpu Nye.”