KISAH 26:20 - ALLAH NIHYET MEM TUNGWATU NYA

²⁰ Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

KISAH 26:20 ပူးပေါင်းရင်းမြစ်များ

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

NIBWOS-BWOS NYENTI 3:40

Jikwei ba, imbus nyenti ingonti bingat igyai munti nya leu ba, ittin ser ide sisar di ibon tut tuhan Allah ei gwamti.

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

MATIUS 3:2

Noni tri tut biyok “Ma jittin ser jide sisar bijikiek je ndam Allah lewo Allah Ninyeng Tak Kepti dideu kwei su.”

MATIUS 3:8

Ma jiba jiyai munti bindo bipia jittin ser jide sisar bijikiek ndam Allah tu.

MATIUS 4:17

Mpe dima ne Yesus sindi tri tut nihyet bipai “Ma jittin ser jide sisar ba, jikiek ndam Allah lewo Allah Ninyeng Tak Kepti dideu kwei su!”

MATIUS 9:13

Je juug ba, jihig yam ser ningginausi tut Allah nihyet di pai binye ‘Dijoi sut ningondut yamti nindig bibor dor njiriek nikos mindhe tut ninggromti’. Lewo dikwei mem gima dinduk yo di ikan bipia ikei-kau nya bi noro mem gima dinduk yo dino hiter irok yok ei itta.”

MARKUS 6:12

Gima rino yo di igya kui Yesus intek gimahap biyuug tri tut nihyet leu binhyepo tungwatu nya ittin ser ide sisar ba, ikiek ndam Allah.

LUKAS 1:16

Noni mibindei ba, mben Israel imang bibor mingkwei hanyen ndam Tuhan di nok ide Allah.

LUKAS 13:3

Nok bi! Ma jiyok ngon kep bipia gino jittin ser sisar bijikiek ndam Allah bi lene jahagom mijitug ndei nimai noyam kin yo dima.

LUKAS 13:5

Nok bi! Dipai bije mbigom kin bu. Gino jittin ser sisar bijikiek ndam Allah bi lene jahagom mijitug ndei nimai noyam kin yo dima.”

LUKAS 15:10

Nok gima cem Allah de malaikati nya ei gwamti illei ngwig sut tungwagom ngat di bon sisar bittin ser nide sisar bikiek ndam Allah. Ma jiyok ngon kep dihyet!”

LUKAS 15:7

Dipai bije bipia nok gima cem yo di gwamti nya illei ngwig sut tungwagom ngat di bon sisar lo, ttin ser nide sisar bikiek ndam Allah dor njiriek ibou ningot muhwindatai ba, muhwindatai di ikan ingon kwes ba, isuar nittin ser ide sisar bi.”

KISAH 11:18

Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 15:19

Yakobus binut bu bipai “Dipai dingon kanti brei bije bipia ma nyeni ibindin ngkiai nya di sindi ingon jo kep Allah au.

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 20:21

Disok kep mben Yahudi kin ngkiai nya ngkiem leu binhyepo ittin ser ide sisar bikiek bak Allah ba, ingon jo kep Tuhan Yesus cem.

KISAH 26:17

Miditeu na ba, angwes ngun leu mben Israel indati kin ngkiai nya indati. Lewo dipinak na ndam yok,

KISAH 26:19

“Na di Nibou Ndig Agripa e, dibrim dingkek kikau bidibit ningat-hi-ngat di Allah bindei bidingat bou diyai him dima.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 9:15

Noro Tuhan buhup “Akiju ba, ambut hak ug lewo didimig noni nok Ditde awak leu binhyepo noni tri tut Dani bak ngkiai nya kin nibou ndig nya kin mben Israel yahagom.

KISAH 9:35

Timiei minu ndig Lida kin Saron yahagom ingat Eneas di mbut-mbut nyen bou igyai him leu api ingon jo kep Tuhan.

ROMA 2:4

He ma jingkek ndok tut Allah ningon nggriu sut jeti kin noom ningon tut jeti kin gima Noni bet ningon mem je cem e? Ma jiyok ngon kep bipia Allah ningon nggriu sut je leu binhyepo bindei ba, jitin ser jide sisar bijikiek ndam Noni.

KORINTUS GI NICAN 3:16

Noro mpe dino tungwa hi kuk no ei Tuhan nimig him lene Allah Ninnei cug sinsun nghas dima leu ningonti

KORINTUS GI NICAN 7:10

Lewo ningon buhunti di bit leu Allah ningon kanti bie tut nye ug ei ningon nggekti ba, ningon nggekti buwak nye ug ei nittin ser sisarti kin niyai niyaijo nijepti di kwei leu Allah ba, tungwatu nya inso tut gima bi. Noro ningon buhunti di ntun tungwatu dihyeisi dini ingon kanti him bie ndam nimai.

EFESUS 4:17

Gima rino diba Tuhan ninyeng bisok kep je bipia ma jiyai munti nya noyam kin yo di ingon tindur nya igyai munti nya au. Lewo ingon kanti nya bon ninyeng bi ba,

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

NINGAT-HI-NGAT NYA 16:11

Ikucang Allah ei gwamti drek dip buhwei di dut bibor di com yok. Noro ittin ser ide sisar bikiek ndam Allah cem bi.

NINGAT-HI-NGAT NYA 2:21

Dibon nituti mem gima noni ttin ser nide sisar bikiek ndam Allah noro noni kou sut. Noni kes hon bi noro bon sisar nicut tut yamti kikau.

NINGAT-HI-NGAT NYA 2:5

Gima rino ma jibisrip tut notou jingkwei hanyenti ug e! Ma jittin ser jide sisar leu api jiyai bram niyai munti nya di jiyai ei nimbie him. Gi bi ne midihwou pos jide mini njeng nidihim leu nijoti.

NINGAT-HI-NGAT NYA 3:3

Gima rino suar jiyok ngon kep nipingok jeti kin mun di tibim ei jitingou nsi tu. Suar jibit mun dima yok hagom leu api jittin ser jide sisar bijikiek ndam Allah. Gino jida jiyai bijikiju bi ne dihwou timon je dem kep ninggimang kep mun cig noro jikan tut nicunti mem dihwousi dima bi.