KISAH 26:16 - ALLAH NIHYET MEM TUNGWATU NYA

¹⁶ Akiju ba, aya pijum! Dindo Danti brei bina leu binhyepo didimig na bidibindei ba, anok awak mem Da. Suar atri tut Da di angat bou ayai him njap di ammani kin mun di dindo bina ei nidipti bu cem bak tungwatu nya.

KISAH 26:16 ပူးပေါင်းရင်းမြစ်များ

YEHEZKIEL 2:1

“Na di tungwatu di ayaijo kikau bi e, akiju lewo dimbrap bit na ug ri.”

DANIEL 10:11

Malaikati dima pai bida “Daniel e, Allah ningon ngakei na. Ma akiju ba, aya leu api angig atingou mem dihyet di dipai bina dini mungkun. Lewo hi pinak da bidikwei ngat na.” Pai nok rino dikiju bidiya lo, didigit.

LUKAS 1:2

Yo dima ipas kep mun di tungwatu nya ingat bou igyai him habiei leu nimbie him di ipui kep binye leu api itri tut hanyen bu.

KISAH 1:17

Yudas srig nyeni ikieti ba, Yesus dimig noni cem leu binhyepo noni yai midyai bit nye.” (

KISAH 1:25

leu binhyepo noni yai midyai dem kep nok no di ya kui Nani biya luei Yudas di kes nye ei buug ei mpia nimai nya ide tu nohoti.”

KISAH 20:24

Noro dinyohou diyaisi bi lewo diyaisi bon ninyeng mem da bi. Noro diyai kep midyai di Tuhan Yesus ba ningon com da tut nya biput lene gima bon ninyeng mem da gino diba dingon gom bitri tut Nihyet Di Kei tut Allah di singat tut nye kikau ug bipek diyaijo ningwig honti.

KISAH 21:19

Niabiati Paulus pigo yok lene noni kwop kep midyai di Allah bibon tug hon noni ei ngkiai nya ikieti hagom biyok.

KISAH 22:10

Lene dihig ser Noni bu ‘Tuhan e, midibon mindei i?’ Noni buhup ‘Akiju ba, aya pijum lene ma aug ei minu ndig Damsyik. Tungwagom ei minu ndig dima mipai bina tut ade midyai di bit leu Allah ningon kanti mem nani yo.’

KISAH 23:11

Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 26:15

Gima rino dibuhup ‘Na di Andigpoi e, anyeng tou i?’ Leu api Tuhan buhup ‘Dani ne Yesus di ahwen bit Da pima ri.

KISAH 6:4

Lewo nijoi sut nita nibou ei nadi kin nitri tut Allah Nihyetti mem tungwatu nya.”

ROMA 1:5

Allah bindei ba, Yesus Kristus singat tut da bikon dinyeng nok no di ya kui Noni bidinok awak mem Noni cem leu binhyepo dibuwak mben dihyeisi dini hagom ndam Yesus leu api iba ingon com Noni bibit nihyet.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

KORINTUS GI NICAN 4:1

Niyai kep midyai dini tug hon Allah nisingat tut nyeti lene ningon cut leu bi.

KORINTUS GI NICAN 5:18

Allah bibon mun dini yok hagom. Nipou ne iba nitok bak Allah noro Kristus yai ingon kwes kin Allah hanyen. Ba, Noni bon nituti mem hiter igyai ingon kwes kin Noni hanyen tug hon midyai di Noni kes ei nyeni dip.

GALATIA 1:12

Diyai Nihyet Di Kei leu tungwatu nya ba, hi ngginau da tut cem bi. Noro Yesus Kristus Nonti mbot kep tut Nihyet Di Kei brei bida.

GALATIA 2:2

Dingkwei hanyen ug ei minu ndig Yerusalem lewo Allah bie tut da nok. Ba, dani kin nibou mbusyamei nya ninduk yam ei binyengkom leu api dipui sut Nihyet Di Kei gi ditri tut bak ngkiai nya. Dikrau dingon tut yok leu ma ijoi sut ditde midyai di nipou kin midyai di diyai kikep nya bi. Leu gi nok ne bindo bipia diyai midyai mikuisi he.

EFESUS 3:3

Allah mbot kep tut nimimun di Noni kos tut ei nipou su leu api tri tut hanyen bida. (Dirop ninda ndigsi bije tu.

KOLOSE 1:23

Ma jiba jingon com Nihyet Di Kei di nddong kei mem je. Ma jitti-tti nyen bijingkwei leu jide niba ningon comti di jiyai tirigi jimiap tut Nihyet Di Kei au. Nihyet Di Kei tibim kikau ug ei tungwatu dihyeisi dini hagom itingou nsi tu ba, da di Paulus dinok awak mem tu.

KOLOSE 1:25

Allah dimig da ei nok awak mem Nide mbusyamei leu binhyepo dimpu je. Midyai dima ne nitri tut Allah nihyet nikenti ba, gini bon ninyeng mem je.

KOLOSE 1:7

Epafras di nyeni ningon kieti tri tut Allah nisingat tut jeti bije ba, noni ne Kristus de awak di ba ningon di gom biyai kep midyai di bon ninyeng mem jeni cem ri.

TESALONIKA GI NIGOM 3:2

nipinak nisut Timotius di yai midyai nok awak mem Allah noyam kin nye di nitri tut Nihyet Di Kei tut Kristus. Nipinak noni bingkwei hanyen hwou mem gima biwin kep jingonti bibindei ba, jide niba ningon com Yesus Kristusti kum eisi bu,

TIMOTIUS GI NIGOM 1:12

Dijem sigyo bak ide Tuhan Yesus Kristus di sindem tut da mem midyai di diyai nya. Dijem sigyo bak Noni lewo Noni kan bipia didem mem midyai di Noni ndo bida.

TIMOTIUS GI NIGOM 4:6

Gino angginau mun di dicuk na tut dini bak yo di ingon jo kep nya lene gini bindo bipia nani ne Kristus Yesus de awak di joi bibor ri. Gino ayem njita leu Allah nihyet di yahagom ingon jo kep kin nihyet di nijit di abit kikau kwei bipek ammani kep cem lene gima bindo brei bipia amahan tu.

2 TIMOTIUS GI NICAN 4:5

Mbro nok gima lo, suar angon nddong tut mun di pek kep mem na hagom. Ma aba abou coi sut ninghuisi di wei. Atri tut Nihyet Di Kei ba, abindei mbut ade midyai nya hagom dem kep nok Allah de awak di kei.