KISAH 26:11 - ALLAH NIHYET MEM TUNGWATU NYA

¹¹ Dihwen bit yok bidem mben Yahudi ide ig mbusyamei mang bibor leu binhyepo dibindei ba, ibikep ser ide niba ingon com Yesusti. Dingon sibui sut yok nindig bibor biduhuk yok ug ei ingkiaisi cem leu binhyepo dihwen bit yok ei minu dima yok cem.”

KISAH 26:11 ပူးပေါင်းရင်းမြစ်များ

MAZMUR 102:8

Dibong lo, diyai ngkiem. Dinok ha di ningwes srek di mpia ntus tut ei cau dip ba, bit bon digibong mai kan bi.

NIBA NINGON SRIP HUKTI 9:3

Ba, mun di Allah kos tut ei mem tungwagom-gom mipek kep mem yok bibikwop yahagom. Gima ne mun nyeng gom di biyai ingon di buhun rin ba, noyam kin mun nindigsi nya di pek kep mem tungwatu dihyeisi dini hagom. Tirigi tungwatu nya ingonti mpung tut mun di buhun ba, ibou ngwakti cem mpung tut ningon mbumti cem mem nijam di igyaijo ei dihyeisi dini. Leu api innei kimbas kros hak.

MATIUS 10:17

Ma jingon sok kep jenti tut yo di ikat je ug ei Nikei Puig Yahudi nya yoho bei leu api imbas je ei mben Yahudi ide ig mbusyamei nya.

MARKUS 13:9

Ma jitindei ser tungwatu nya lewo yoni mikat je bibuwak je ug ei Nikei Puig Yahudi nya yoho bei leu api imbas je ei mben Yahudi ide ig mbusyameisi. Yoni ibuwak je ug ei yo di inyeng jei kin nibou ndig nya yoho bei drek dip dinyeng. Gini hagom bon nikwesti di kei bibor mem gima jitri tut Nihyet Di Kei biyok.

MARKUS 3:28

Ma jiyok ngon kep bipia Allah sindem mem gima kos ser sisar kin nihyet wer mpiahi tut yamti.

LUKAS 15:17

Jei bi lene noni kan ‘Sicig nide awak nya igyem njita nindig bibor biniken jo noro mbigom simai singgum ei singkiaisi dini!

LUKAS 21:12

Noro nipou tirigi mun dini yok hagom cut igkep je bigyo ne siceu nya mikat je ba, ihwen bit je bibuwak je ug ei nikei mben Yahudi yoho bei ei ide ig mbusyameisi leu api jisima. Yoni mibuwak je ug ei yo di inyeng jei nya kin nibou ndig nya yoho bei drek dip dinyeng.

LUKAS 6:11

Noro guru Puig Yahudi nicukti kin Farisi nya ingon sibui sut Yesus nindig bibor leu api yuhum yam nsi tut notou isrou Noni.

KISAH 13:45

Tirigi mben Yahudi ingat lo, tungwatu ningot ndig dima idem yam ei su lene ingon kinei sut Paulus kin Barnabas bipai Paulus kinei bitte tut nihyet di noni tri tut hagom.

KISAH 18:6

Noro isrep tut bipai noni kinei. Gima rino noni kit nide sinsun tut dihyei ndung di dimbos leu nok mun di bindo di bipingok yok tut igyai munti di kinei dima leu lene pai biyok “Gino jenti jibindei jenti bijisar ne gima tug hon jenti lene tug hon dani bi. Hon kep ammani kui ne midipwoi Nihyet Di Kei biduug sut ndam ngkiai nya.”

KISAH 22:19

Dibuhup ‘Tuhan e, mben Yahudi ikan tut bipia dicoi ug ei ide ig mbusyamei leu api dikat yo di ingon jo kep Na bidibui yok kinei-kinau.

KISAH 22:5

Dem tut gima Imam Nibou Ndig kin Nikei Puig Yahudi Nya cem itri tut bije bipia diris bije bi. Yoni ipas srat nisindemti bak isut bat mben Yahudi ei minu ndig Damsyik bikes ei dindati. Tug hon srat dima lene nibou dima yok isindui sut bidikat yo di ingon jo kep ningginausi nijep dima bidibuwak yok hanyen kwei ei minu ndig Yerusalem leu binhyepo nibou nya ikes hukum ei yok dip.”

KISAH 9:1

Mpe dima lene Saulus cuug yo di ibit Yesus nya kikep bimbuk tut yok lene pi bihwen yok. Noni ug ngat Imam Nibou Ndig,

YAKOBUS 2:7

Yo dima ikucang jinyeng Kresten di jiyai tirigi jiba jingon com Kristus.

PETRUS GI NICAN 2:16

Nide keledai ba nihyet tungwatu bisok kep noni ngkiem ser nhyema kes hon niyai munti di kinei di noyam kin no di nintin kiek niyai munti.