KISAH 26:10 - ALLAH NIHYET MEM TUNGWATU NYA

¹⁰ Ba, diyai midyai dima ei minu ndig Yerusalem. Diba srat nisindemti di imam nindig nya igyai bida bikat yo di ingon gom tut Allah imang bibor bidinggam yok ei ig bui nsi. Dani kin Nikei Puig Yahudi Nya nice tut yam tirigi ijem nimai gau yo dima.

KISAH 26:10 ပူးပေါင်းရင်းမြစ်များ

MAZMUR 16:3

Dikon yo di ingon kwes-kwau nya ei minu dini inyenga. Tirigi dingat rin bit yok lene dillei ngwig sut yok.

KISAH 7:58

binjei noni ug ei minu ndig Yerusalem nisai leu api iba tig bihwen noni. Yo di ibindei mbut mun di pek kep dima ijuk ide sinsun ndok di jei leu lene ikes bak pinjoi pilei di ninyeng Saulus.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

KISAH 8:3

Noro Saulus hwen kikep yo di inggre kin mbusyamei binggek yok. Noni ug cut igkep yok ei ide ig bei sindam leu api kat pinai nya kin sop nya binggam yok ei ig bui nsi.

KISAH 9:21

Yo di imiap Saulus nihyet yahagom inggap leu tut ba, ihig yam “No dini bindei ba, yo di ikuk yok bak Yesus ei minu ndig Yerusalem igyai nimai bi e? Apo noni kwei ei sirini bipi bikat yo dima bibuwak yok hanyen ug ei imam nindig nya yoho bei bi e?”

KISAH 9:26

Saulus ngkwei hanyen ug ei minu ndig Yerusalem bipi bicoi ug ei yo di ibit Yesus ikieti. Noro ittin tut noni. Mbro nok gino Saulus tri tut bipia noni cem bit Yesus lo, ingon jo kep nipaisi dima bi.

KISAH 9:32

Mpe dima lene Petrus mbut bidem minu dima hagom bicem kep yo di inggre kin mbusyamei. Njap gom lene noni kwei cem kep tuhan de limwa nya ei minu ndig Lida.

KISAH 9:41

Lene Petrus mpu noni bibrim ninda bikiju biya. Leu api noni hig yo di ingon jo kep nya bitut kibom pima yok cem yahagom kwei lene kes Dorkas di niyaijo hanyen biyok.

KORINTUS GI NIGOM 15:9

Dani ne no di ya kui Yesus di bon ninyeng bi ri. Dem tut gima tungwatu nya ipai bipia dani ne no di ya kui Yesus rin bi. Leu gi po dihwen bit Allah de mbusyamei nya pima.

GALATIA 1:13

Ningat ne jimiap dinghapti tut gi dita dibou ei Puig Yahudi niggai serti. Jimiap dinghapti tut gi dingon koi kep Allah de mbusyamei nya bidiyai ninghuisi wei biyok bidigruap mem gima dibindei timek yok.

EFESUS 1:1

Srat dini leu da di Paulus ba, dani ne no di ya kui Yesus tug hon Allah ningon kanti mem da ri. Srat dini mem Allah de limwa nya di ingon gom tut Kristus Yesus.

NINGAT-HI-NGAT NYA 17:6

Dingat lo, mun di pu noni ne Allah de limwa nya kin yo di igyai nimai drek dip ingon di gom tut Yesus inggrom ri. Tirigi dingat noni lene dinga leu tut nindig bibor.