KISAH 24:14 - ALLAH NIHYET MEM TUNGWATU NYA

¹⁴ Suar dipai jit bak na di Andigpoi bipia dikuk da bak Allah di ide pung di intun him nya ikuk yok bak pima bit leu nok Yesus nicuk nyeti. Yo dini isrep tut bipia nicuk nyeti dima ne puig srawir ri. Noro dingon jo kep mun nyeng hagom di jo ei Puig Yahudi nicukti nyati cem Srat Nabi Nya ideti cem.

KISAH 24:14 ပူးပေါင်းရင်းမြစ်များ

NIBOHON MBEN ISRAEL GI NIGOM 29:18

tuhan Allah di didigup bat-didigai bat di Abraham kin Ishak kin Yakub yoni ikuk yok bak e, ma anyohou Ade limwa nya leu binhyepo ingon ngakei Nani kikau noyam kin ide ningon ngakei Nati mem njap di ammani. Ampu yok leu binhyepo ingon gom tut Nani bijo ninno bijo kikau.

MAZMUR 119:46

Miditri tut Ade nicukti nya bak nibou ndig nya leu api midiyai nimmai drek dip bi.

NEHEI LEUSI 3:15

Ma apai bak mben Israel bipia Dani ne tuhan di idigup bat-idigai bat di Abraham kin Ishak kin Yakub yoni ide Allah pima rin ba, dipinak na ug ndam yok tu. Dani ne tuhan ba, gima ne dinyeng di bijo ninno bijo kikau ri. Suar mben Israel ide nintun him yamti di bram yam nya igyok ngon kep dinyeng dima kikau buug hon nohonti bi.

AMOS 8:14

Yo di yeheng bitug hon mben Samaria ide kwar nya bipai ‘Deheng bitug hon keret Dan ide kwar’ e he ipai ‘Deheng bitug hon mben Bersyeba ide kwar’ e yahagom micut bihigom bikiju hanyen bi sren.”

MIKHA 4:2

bipai cuk yam “Jikwei ba, ikui ug ei tuhan de nungug tou kin Allah mben Israel De Ig cem! Noni mingginau nye tut ningon kanti mem nye leu api ikak puig di Noni tin mem nye lewo tuhan nipingok tungwatu nyati tibim kwei leu minu ndig Yerusalem ba, Noni ya ei mbigdip Sion bimbrap bit Nide limwa nya.”

MATIUS 10:32

“Bikwop no di tri tut brei bipia noni tti kin Da lene Dani cem miditri tut brei bipia ditti kin noni ei Dicig Noho bei ei gwamti.

MATIUS 22:40

Nicukti ningat can dini ne nitriti mem Allah niggai serti kin nabi nya ide ningginausi nya ri.”

MATIUS 7:12

Ma jibibon yo di hiter bit leu nok gi jijoi sut ibibon hanyen bije. Gima ne Allah niggai serti di tug hon Musa kin nabi nya ighyet ri.”

LUKAS 1:70

Tuhan preu ei mem nye tug hon Nide nabi di ingon kwes nya nipou su,

LUKAS 16:16

Allah niggai serti di tug hon Musa kin nabi nya ipas kepti mbut kikau kwei bipek nijam di Yohanes di tur tungwatu nya ei minyeiti ningat ri. Hon kep nijam dima kwei lene tungwatu nya itri tut Nihyet Di Kei tut Allah ninyeng tak kepti. Lene yo di ibungwam mem gima icoi nya yahagom itug hon.

LUKAS 16:29

Abraham buhup ‘Allah niggai serti di tug hon Musa kin nipas kepti di tug hon nabi nya hagom jo bak akinjoi bat nya tu. Nnaba igyai igbit leu nok srat dima yok nicuk yoti!’

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

KISAH 10:43

Nabi nya yahagom ipui sut Noni nipou su. Ba, itri tut ‘Bikwop tungwatu tou rino ningon jo kep Yesus lene Allah mikos ser nide sisar tug hon Yesus de nisindemti.’ ”

KISAH 13:15

Niabiati nibou mbusyamei gom kwop ayat leu Puig Yahudi nicukti nya kin srat nabi nya ide cem tu lene nibou nya icuk hi bihig ser Paulus nya bipai “Nisut bat jen, gino jikwei sut nihyet di biwin kep tungwatu ingonti lene ma jitri tut nihyet dima binye hak ug.”

KISAH 15:5

Noro yo di ingon jo kep nya ibou poi di inggre kin nimpung Farisi isrep tut yok bipai “Suar ngkiai nya di ingon jo kep Yesus igyai midut sunat bibit leu Puig Yahudi nicukti nya cem.”

KISAH 19:23

Ei nijam dima ne timiei minu ndig Efesus nya isibui ighyet ei yamti drek dip ningginausi tut Yesus.

KISAH 19:9

Noro yo dima ibou poi ingon jo kep bi lewo ingon tindak. Ipai bipia Paulus ningginau yokti tut Allah ningon kanti di teu tungwatu biyai niyaijo nijep biyok tug hon Yesus dima kinei. Gima rino Paulus kes yok ei bibuwak yo di ingon jo kep nya kwei ei ig di bon ninsi nindig bibor gom di Tiranus pikor tungwatu nya eisi. Ba, Paulus kin tungwatu nya iba ighyet bidahat yam ei sirima bikwop njap-njap.

KISAH 22:14

Noni pai bida ‘Ide pung di intun him nya ide Allah dimig na leu binhyepo akan tut Nonti ningon kanti ba, angat Yesus di Allah de Awak di pwoi Allah ningon dima bou ayai him lene amiap Yesus nihyet tirigi Noni mbrap pijum bit na cem.

KISAH 24:22

Lene Feliks di kan bidem tut Ninjei Bit Krestenti dima mbrap gi ningwigsi bitak kep biyok bipai “Nok bibou nibou tentara Lisias kwei krau ug e leu api midimbus angonti bidikos tut dingon kanti bina.”

KISAH 24:5

Jo nibreisi mem nye bipia no dini ne no di mbuk di nggek tut nibong kei nigwam keisi ri. Noni rino bindei di mben Yahudi ighyet srou kui yam bidem dihyeisi dini hagom. Ba, noni ne nibou gom mem nimpung Nazaret ri.

KISAH 25:8

Paulus mbrap gau nonti bipai “Dibon mun tunggwei sut Puig Yahudi nicukti bidibindei ba, nirom kui Tuhan De Ig ba, dipai Kaisar Roma kinei cem bi sren.”

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

KISAH 26:27

Na di Nibou Ndig Agripa Di Anyeng Jei e, angon jo kep mun di tibim ei nabi nya yuhui him e? Dikan tut bipia angon jo kep tu!”

KISAH 26:4

Mben Yahudi yahagom ikan bidem tut diyai munti nya habiei dimien kikau kwei bipek ammani kep. Ikan bidem tut diyai kepti gi nipou nya ei ditimieisi kin minu ndig Yerusalem cem.

KISAH 26:6

Ba, diya ei aho bei njap di ammani leu binhyepo ambus dingonti drek dip gi diba dingon com mun di Allah preu ei mem nyende pung di nintun him nya.

KISAH 28:22

Noro nijoi sut bipia asimbot kep tut angon jo kepti nya binye lewo nahagom nikan tut bipia tungwatu isrep tut nimpung dino anggre kin dima.”

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

KISAH 5:30

Lewo ide pung di intun him nya ide Allah win Yesus di jiba paku bipek kin biei salib hanyen leu nimai eisi tu.

KISAH 7:32

‘Dani ne ade pung di antun him nya kin Abraham kin Ishak kin Yakub ide Allah ri.’ Musa ninghuisi mpig sut nindig bibor bindun bou leu lene bimian huk biei mon dima bu bi.

KISAH 9:2

bahara noni tut srat nisindemti mem noni pwoi buug sut ei minu ndig Damsyik leu binhyepo nibou mbusyamei Yahudi nya ei minu ndig dima ice tut gi noni nggok ser yo di ingon jo kep Yesus bikat pinai nya kin sop nya cem bibuwak yok hanyen kwei ei minu ndig Yerusalem.

ROMA 1:9

Tirigi dingat nadi lene dingon prion ser je bi. Allah ngat bou niyai him bipia dipaisi dima ne nijit-jau ri. Noni ne Allah di diba dijoi biborti biyai kep Nide midyai nya tirigi ditri tut Nihyet Di Kei tut Nipmot ri.

ROMA 3:21

Noro tini bu ne Allah ndo puig di bie tut tungwatu nya ndam ingon di kwes kin Noni brei binye tu lo, puig dima kriau Puig Yahudi ningginausi nya. Srat nya di Musa kin nabi nya ipas kep mbot kep tut munhyet dima.

KORINTUS GI NIGOM 11:19

Jo nibreisi bipia nimpung di iba nitok biyam dima intun jide mbusyamei him leu binhyepo jingat yo di ingon gom nya brei bou jiyai him.

GALATIA 5:20

ikuk yok bak kwar nya cem nung kui yok cem iba nitok biyam apino ibui yam cem iba ingon kan yam cem igga yam cem inggei sut yonti cem itti kin nimpung di isrep tut yam cem,

2 TIMOTIUS GI NICAN 1:3

Dijem sigyo bak Allah. Dinok Nide awak di ningon mien kwes kei dem kep nok didigup bat-didigai bat nya di inok awak mem Noni nipou su. Dijem sigyo bak Noni tirigi dingat nadi tindei na bikwop mmun-njap.

TITUS 3:10

Mem no di bindei ba, yo di mbusyamei ikwas yam drek dip ingon di srep tut yam ne ma asok kep noni ngkiem ser mbigom mbican. Gino ningkek ndok ahyet ne ma acom noni leu yo di inggre kin mbusyamei ikieti hak ug.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.