Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KISAH 23:6 - ALLAH NIHYET MEM TUNGWATU NYA

6 Tirigi Paulus ngat lo, Nikei Puig Yahudi Nya ibou poi inggre kin nimpung Saduki lo, nindigsi nya inggre kin nimpung Farisi lene noni ba nihyet nindig bipai biyok “Disut bat jen, dinggre kin nimpung Farisi ba, dicig bat nya cem inggre kin nimpung Farisi. Jimbus dingonti drek dip gi dingon jo kep bipia Allah miwin nimai nya hanyen leu imai eisi.” (

အခန်းကိုကြည့်ပါ။ ကော်ပီ




KISAH 23:6
17 ပူးပေါင်းရင်းမြစ်များ  

“Jimiap e, dicuk je nok domba nya ug ei nsien di niten-pos nya ikieti. Suar jingon sok kep jenti noyam kin wou nya noro ma jingon jo nyahan noyam kin hakimoi nya.


Ei njap dima cem yo di inggre kin nimpung Saduki ibou poi ikwei ngat Yesus. Yo dini ne nimpung di ingon jo kep bipia tungwatu nya igikiju hanyen leu imai eisi bi sren ri.


Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?


bipai “Dani ne mben Yahudi rin ba, dipmem srek tut da ei minu ndig Tarsus ei hanjop Kilikia lo, tirigi dimahan lene di bong ei minu ndig Yerusalem. Dicoi pikor bidigwam ei guru Gamaliel nimig him. Noni ngginau da mungkun tut Puig Yahudi nicukti nya di ide pung di intun him nya igyai binye. Ba, dita dibou ei Allah nicuk nyeti nya dem kep je di jita jibou eisi mem Noni njap di ammani.


Nibou tentara joi sut kan tut mun di bindei di mben Yahudi ighyet ngwig kep Paulus. Gima rino njap di hyep bu lene noni sok nihyet bak imam nindig nya kin Nikei Puig Yahudi Nya yahagom leu binhyepo induk yam ei gom. Lene noni kwek lante di ibiteu Paulus nimig-ninda leu bibuwak noni kwei ei yo dima yoho bei.


Dem tut gima Imam Nibou Ndig kin Nikei Puig Yahudi Nya cem itri tut bije bipia diris bije bi. Yoni ipas srat nisindemti bak isut bat mben Yahudi ei minu ndig Damsyik bikes ei dindati. Tug hon srat dima lene nibou dima yok isindui sut bidikat yo di ingon jo kep ningginausi nijep dima bidibuwak yok hanyen kwei ei minu ndig Yerusalem leu binhyepo nibou nya ikes hukum ei yok dip.”


Paulus niyai bong kep Nikei Puig Yahudi Nya lene pai biyok “Disut bat jen, dingon mien kwes kin Allah tut diyai munti nya habiei dimien kwei bipek ammani kep.”


Gima rino ma jeni kin Nikei Puig Yahudi Nya jisok jihyet bak nibou tentara leu binhyepo noni buwak Paulus hanyen kwei ei joho bei. Ma jicom biei mpup ris noni bipia jijoi sut jimbus Paulus ningonti mungkun tut nide mun hyet mbigom kin bu. Lene nyeni miniyon ser puig binihwen Paulus hapuig tirigi noni kwei ei sirini bigyo.”


Mot dima ce bipai “I, nibou mben Yahudi nya igyok ingon gom mem gima misok ighyet kwei bak na di Andigpoi leu binhyepo abuwak Paulus hanyen ug ei Nibou Puig Yahudi Nya yoho bei mem njap di hyep. Noro yo dima icom biei mpup ris na. Yoni mipai bina bipia ijoi sut imbus Paulus ningonti mungkun tut nide mun hyet mbigom kin bu.


Tirigi Paulus pai nok rino Farisi nya kin Saduki nya ighyet srep yam leu api ikwas yam ei nimpung can.


Diyok dingon mem Allah noyam kin yo dini igyok ingon mem Noni tut gima Noni miwin yo di ingon sren nya kin yo di ingon rom nya cem yahagom leu imai eisi.


Au e ba, ikan tut tirigi diya ei yo dima yoho bei lene ditri tut dihyet gom ngat bidipai ‘Jimbus dingonti njap di ammani drek dip gi dingon jo kep bipia Allah miwin nimai nya hanyen leu imai eisi.’ ”


Gima rino disok dihyet bije leu binhyepo jikwei mbrap bit da. Lewo ningat ne yo dima iba lante dini biteu da drek dip No Di Teu Tungwatu Nya Biyai Niyaijo Nijep Biyok di nye di mben Israel yahagom itum ingon mem ninno tu.”


Tirigi ditde njap ug ei njap muhwindaningai lene dicoi bit midut sunat ba, dani ne timiei mben Israel rin tug hon disrekti. Ditde pung kim keret Benyamin ba, didigup bat-didigai bat nya yahagom intun mben Ibrani him. Ba, dibit Puig Yahudi niggai serti nya hagom lewo dinggre kin nimpung Farisi nya.


Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.


Mun di igyok ingon mem dima tereu nok kimuntu di tot minyei jou bingkiem bibor di bisindem tut nye ba, ingon nddong kei. Mun di igyok ingon mem tibim ban mbrawinti buug jo ei Ninsi Di Kwes-Kwau ei Tuhan De Ig di jo ei gwamti.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ