KISAH 23:35 - ALLAH NIHYET MEM TUNGWATU NYA

³⁵ Buhup nok rino nibou Feliks pai “Nnaba dimbus angonti mpe dino yo di igyok ingon gom mem na ikwei krausi.” Lene noni cuk tentara nya bibuwak Paulus ug ei ig di Nibou Ndig di Herodes de bigyok igyai kep noni ei mpia dima.

KISAH 23:35 ပူးပေါင်းရင်းမြစ်များ

YEREMIA 38:13

ibrim kuk tut da leu jui minyei dima nijou. Niabiati bu lene disima hanyen ei nibou ndig de mpia di jo bas pima.

MATIUS 2:1

Maria srek tut Yesus ei minu mien Betlehem ei hanjop Yudea mem nijam di Herodes ninyeng tak kep mben Yahudi. Mpe dima cem andigpoi di ingon ki tut ham mpia-bbed him nya ibou poi ijo leu mpia nipriti bikwei krau minu ndig Yerusalem.

MATIUS 2:16

Tirigi Herodes kan tut bipia yo di ingon ki pima yok iris binoni lene ningon sibui sut yok nindig bibor. Gima rino noni cuk nide tentara nya bipai biyok “Jug kos munggwom pinai nya ei Betlehem kin minu mien di gahai nya di ide njap ug ei ari bingwam can nimo jug yahagom.” Nicuk yokti dini bit leu nok mun di yo di ingon ki nya ipui sut binoni tut ham nitausi pima ri.

MATIUS 2:3

Tirigi inghapti tibim ug ei nibou ndig Herodes nitingou nsi lene noni digit tut ba, timiei minu ndig Yerusalem nya cem yahagom idigit tut.

MATIUS 27:27

Leu api Pilatus de tentara nya ibuwak Yesus ug ei nibou Roma de biyati lene tentara nindigsi nimpung gom induk yam bingwig ttai Noni.

YOHANES 18:28

Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi.

KISAH 23:30

Tirigi tungwagom mbot kep bida tut mben Yahudi di igyok ingon gom mem gima ihwen noni bimai lene dibrim dingkek bidipinak noni hwou ndam na di Andigpoi. Ba, dicuk yo dima bipia suar ipai kep noni ei na di Andigpoi aho bei.”

KISAH 24:1

Njap muhwi ser lene Imam Nibou Ndig Ananias kin nibou mben Yahudi nya ibou poi kin Tertulus niya hacan ei nikei noho bei cig yahagom ikwei ei minu ndig Kaisaria. Igya ei Nibou Feliks noho bei bikindi ipai kep Paulus.

KISAH 24:10

Lene Feliks ndo bak Paulus mem noni birop mben Yahudi ighyet. Gima rino Paulus pai “Na di Andigpoi e, dikan tut bipia nani ne nikei di anyeng tak kep minu dini ninno tu ri. Gima rino diba dingon llei bimbrap gau danti ei na di Andigpoi aho bei.

KISAH 24:19

Noro mben Yahudi ibou poi di ijo leu propinsi Asia he rino ingat rin ei sirima. Yo dima ide nipai kep dati ne nijit rin. Gi kei mem yonti ikwei ya ei na di Andigpoi aho bei bipai kep da bindo ditunggweisi bina hak ug.

KISAH 24:22

Lene Feliks di kan bidem tut Ninjei Bit Krestenti dima mbrap gi ningwigsi bitak kep biyok bipai “Nok bibou nibou tentara Lisias kwei krau ug e leu api midimbus angonti bidikos tut dingon kanti bina.”

KISAH 24:23

Lene noni cuk kompi gom leu binhyepo ya ser Paulus bisindui sut noni bimbut-mbut nyen. Bibon nituti mem Paulus nisut bat nya ikwei ngondut noni bit leu ijoi sutti.

KISAH 25:16

Noro dibuhup bipia bit leu nye di mben Roma niyai kepti ne nikes no di tungwatu ipai kep dima ei yo dima indati bigyo bibou bon nituti mem noni mbrap gau nonti ei yo di ipai kep noni yoho bei nipou ug e.