KISAH 23:12 - ALLAH NIHYET MEM TUNGWATU NYA

¹² Njap bigyoti lene mben Yahudi igyok ingon gom ba, yeheng biyam ser bipia igyem njita bidut ndia ngei bi kikau bibou ihwen Paulus bimai leu ug e.

KISAH 23:12 ပူးပေါင်းရင်းမြစ်များ

NITRITI 37:18

Tirigi Yusuf tau ei minu ting lene nikindig bat nya ingat igbit noni. Nipou tirigi noni tau kep yok bigyo lene yuhum yam nsi ba, ipi bigyai nimai binoni

NIBOU NDIG NYA GI NIGOM 19:2

Lene Izebel sok nihyet bak Elia bipreu kep noni “Ma kwar di dikuk da bak kes hukum ei da dip biyai nimai bida gino njap di hyep mem mpia di nok gini dibuhup bina noyam kin gino abibon nabi pima yok bi.”

NIBOU NDIG NYA GI NICAN 6:31

Lene nibou ndig ba nihyet ndig bipai “Gino dibindei ba, hi rop Elisa nitibou leu nipou tirigi mpia kimbas mem njap di ammani bigyo lene handei kon ba, Allah yai nimai bida hak ug!”

NEHEMIA 10:29

nahagom nibicom yam bit nyende nibou nya ba, nahagom niba neheng bipreu ei mem gima niba nyeni niyai munti nya bibit Allah Nicukti di niyai tug hon Nide awak di Musa. Gino niyai bipek kep mun di nipreu sut ei Allah Noho bei dini bi lene ma Noni sigion nye hak ug. Nyeni niba neheng bice tut mem gima nibit nyende tuhan Allah nicuk nyeti nya kin Nide nikos tutti nya kin ningginau nyeti nya hagom.

ESTER 2:22

Mordekhai kan tut ingon kanti dima lene bipbur ba, bakilak yok bak Ester. Lene Ester com nituti dima bi. Noro noni bipbur buug pai sut mun di Mordekhai miap tut dima bak nibou ndig.

MAZMUR 31:13

Didem kep no di mai kin ndigban di kinei di icom ba, ibbwe ser hak.

YEREMIA 11:19

Didem kep domba di ijem nyahan ug ei mpia di ikos kep domba nya eisi. Ikos tut ingon kanti di kinei dima mem dani lo, digikan tut bi. Yuhum yam nsi “Jikwei ba, iwim biei di ngat ningat kei dini. Icok tut noni hak ug leu binhyepo tungwatu ingon prion ser ninyeng hak ug.”

YEREMIA 44:25

tuhan Di Sindem Bibor di Allah Israel pai “Jiya tut jitnem bat nya ba, jiba neheng bipreu ei mem Nibou Ndig Sop Gwamti bipia mijibon midut nindig mindhe-ndhe ei humti ba, jikiber ba anggur ngei ei noho bei nok mun di jibikuk je bak noni cem. Lene jiyai bipek kep jipreu eisi dima tu. Gima rino nnaba jiyai mun bipek kep jide nipreu ei mem noti tu dima hak ug!

IMAM NYA IDE MIDYAI 27:29

Nicukti dima mem tungwatu di ikos tut pijum hak ei bak tuhan mem gima bindei sar tu lene harin dima jipek noni hanyen a. Suar noni tug ndei nimai.

MATIUS 26:4

Itindei ser biken tirigi bon nituti leu binhyepo ikat Yesus nyahan ba, ijem nimai gau Noni.

MATIUS 26:74

Leu api Petrus ba neheng bibuhup “Gino dipai dihyet di nijit-jau bi ne ma Allah mbriom da hak ug. Dikan tut no dima bi!” Hammi tirigi noni pai nok rino hacig yau.

MATIUS 27:25

Yahagom ice “Yo, nyeni kin nyeni nimunggwom bat nya minibiang nibuhunti tut ninggrom.”

KISAH 23:13

Yo di igyok ingon gom mem dima imangti njiriek ibou ningot bitai.

KISAH 23:14

Yoni yuug mbot kep tut ingon kanti dima bak imam nindig nya kin nibou mben Yahudi nya bipai “Neheng biyam ser bipia miniyem njita binidut ndia ngei bi kikau bibou nihwen Paulus bimai leu ug e.

KISAH 23:21

Noro ma ace tut ighyet au. Lewo tungwatu imangti njiriek ibou ningot bitai ikos dik sir simpak mem gima ihwen Paulus hapuig. Yo dima yeheng biyam ser bipia igyem njita bidut ndia ngei bi kikau bibou ihwen Paulus bimai. Nogindini itin ei su ba, ibet ingon mem gima na di Andigpoi abuhup ighyet hanyen.”

KISAH 23:30

Tirigi tungwagom mbot kep bida tut mben Yahudi di igyok ingon gom mem gima ihwen noni bimai lene dibrim dingkek bidipinak noni hwou ndam na di Andigpoi. Ba, dicuk yo dima bipia suar ipai kep noni ei na di Andigpoi aho bei.”

KISAH 25:3

noni ngondut yok bisok nihyet bak nide limwa nya bibuwak Paulus hanyen kwei ei minu ndig Yerusalem. Yahara Festus nok lewo ide limwa nya igyok ingon gom mem Paulus ba, itin ei mem ihwen noni hapuig.

KISAH 9:23

Njap poi ser leu lene mben Yahudi igyok ingon gom mem Saulus.

KISAH 9:24

Noro hi mbot kep tut ingon kanti dima binoni. Yo dima ikos dik sir simpak nitausi nya bikwop mmun-njap bipi bihwen noni.

KORINTUS GI NIGOM 16:22

Ma Allah sigion no di ningon ngakei Tuhan bi! Maranatha! Tuhan e, ma akwei hanyen!

KORINTUS GI NICAN 11:26

Dum kep mun di bindei ba, nahanok dimai nimbiam kak dimbutti nya mang bibor. Minyei su bibor bihwen da cem yo di imbuk nya icuug da cem mben Yahudi kin ngkiai nya igyok ingon gom mem da cem dum kep mun di bindei ba, nahanok dimai nimbiam ei biyati cem ei ha ngunti cem ei minyei ngwa dip cem ba, yo di Kresten nitrowai ihwen bit da cem.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!

YOSUA 6:26

Mpe dima lene Yosua sok kep tungwatu nya yahagom bipai “Tungwa tou rino kinyon ei gima win minu ndig Yerikho hanyen mitug ndei tuhan de nisigion noti. Tungwa tou rino tig cou nipmem lene nipmot mighumbou mimai drek dip. Tungwa tou rino kinding dimbou di itu ei ngug tig lene nipmot nipumiap mimai drek dip.”

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

YOSUA 7:15

Leu api mijo nibreisi bipia no di dindo rino nggimang mun po suar jibindei sar pima hi tu a. Suar jindig no dima kin nide ig bei nsi nya kin nide ndigban di nyeng tut nya hagom kep hum bingwig hak. Lewo noni rino yai mun tunggwei sut gi preu pima tug hon sisar di kinei bibor di noni bon ei mben Israel ikieti.”

SAMUEL GI NIGOM 14:24

Njap dima ne tentara Israel yahagom inggum bibor lewo Saul cuk yok tug hon neheng bipai “No di yem njita nipou tirigi dihwen ditde siceu nya bingwig bigyo mitug ndei nisigion noti.” Gima rino nide tentara nya igyem njita hi ei njap jei dima bi.