KISAH 23:11 - ALLAH NIHYET MEM TUNGWATU NYA

¹¹ Himmun di gwam dip bu lene Tuhan Yesus kwei ya simiak Paulus bipai binoni “Ma ata abou ei ade ningon ngkiemti. Atri tut Dani ei minu ndig Yerusalem tu. Noro ma atri tut Dani ei minu ndig Roma bu.”

KISAH 23:11 ပူးပေါင်းရင်းမြစ်များ

MAZMUR 109:31

lewo Noni mbrap gau yo di yuhui mbum nya ba, teu yok bingwes ngun leu yo di ikes hukum nimai ei yok dip nya.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 43:2

Tirigi jisigon minyei di jut bibor ne midingat rin bit je. Mun di buhun di cut igkep je mikot je bijingwig bi. Tirigi jikimbas ug ei hum di cig-caiti ne hum mitigut je bi. Mun di bingon-bingon nyen je lene mibindei ba, jiyai niwei bi.

YESAYA 46:10

Habiei ei nimbie him lene dimbot kep tut mun gi nidipti. Habiei ei nimbie him ne ditri tut mun di mipek kep mem tungwatu nya. Dipai bipia dikos tutti nya mipek kep mem tungwatu nya ba, midiyai hagom bit leu dingon kanti.

MATIUS 14:27

Noro Yesus mbrua kep yok “Dwai! Dani ne Yesus ri. Ma jittin au!”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

MATIUS 9:2

Tungwatu nya ibou poi di ittei lat tut no di las hwen gom ikwei ndam Yesus ei mpia dima. Tirigi Yesus ngat lo, iba ingon com Noni bibor lene pai bak no di las hwen “He mot de ug o, dwai! Dikos ser ade sisar.”

LUKAS 16:28

ndam dikinjoi bat nya ibou muhwi ei sirima leu binhyepo sok kep yok ser nhyema icut bisar ei mpia di ditug ndei ninghuisi wei eisi dini bi.’

YOHANES 14:18

Tirigi dimbut leu lene midikes je ei bijinok moibihi nya bi. Noro midikwei ngat je hanyen bu.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

KISAH 18:9

Mpe di gom ne Paulus ngat-hi-ngat mem mmun bingat lo, Tuhan pai binoni “Ma adigit tut tungwatu nya au. Ma atri tut nihyet kikau lene ma akes ahyet hon au.

KISAH 19:21

Gima ngwig leu lene Paulus kos tut bipia mbut ug ei hanjop Makedonia kin Akhaya mbigom kin bu leu api ngkwei hanyen ug ei minu ndig Yerusalem. Noni yongon kep “Niabiati singkwei hanyen ei minu ndig Yerusalem leu lene suug ngat minu ndig Roma cem.”

KISAH 2:25

Daud pui sut Noni bipai ‘Diyok ngon kep Tuhan ba, Noni ya bibie doho bei kikau. Noni ya kui dinda com leu binhyepo mun nyeng hi mibindin da bu bi.

KISAH 20:22

Nogindini dibit leu Allah Ninnei nicuk dati ba, duug ei minu ndig Yerusalem lo, dikan tut mun di micut igkep da ei minu ndig dima bi.

KISAH 22:15

Ma atri tut mun di angat bou ayai him kin nihyet di amiap ei atingou nsi cem bak tungwatu nya yahagom.

KISAH 22:18

bidingat lo, Tuhan ya ei doho bei bipai ‘Abrim amig ba, anang leu minu ndig Yerusalem haninyai lewo timiei minu ndig dini ingon jo kep ahyet di atri tut Da biyok bi.’

KORINTUS GI NIGOM 9:1

Diyati kwas bidiya kui Tuhan Yesus ba, dingat Noni bou diyai him tu. Jeni ne ningat di kei di ntun da him tug hon midyai di diyai mem Tuhan ri.

FILIPI 1:13

Apino yo di igya ser nibou ndig de kintrorti yahagom bitut nindigsi nya cem yahagom ikan tut bipia disima ei ig bui nsi drek dip gi dinok awak mem Kristus.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.